ຈີນ​ຄອງ​ທີ 5 ຂອງ​ໂລກ ຍອດ​ທຸ່ມ​ຊື້​ນັກ​ເຕະ​ສູງ​ສຸດ

274 31 ມ.ກ. 2017 ວົງຈອນກີລາ
ຈີນ​ຄອງ​ທີ 5 ຂອງ​ໂລກ ຍອດ​ທຸ່ມ​ຊື້​ນັກ​ເຕະ​ສູງ​ສຸດ

    ສະ­ຫະ­ພັນ​ເຕະ­ບານ​ນາ­ນາ​ຊາດ ຫຼື​ຟີ​ຟ່າ ເປີດ­ເຜີຍ​ສະ­ຖິ­ຕິ​ການ​ຊື້-ຂາຍ​ນັກ​ເຕະ​ໃນ​ປີ 2016 ທີ່​ຜ່ານ​ມາ ໂດຍ​ລະ­ບຸ​ວ່າ​ລີກ​ປະ­ເທດ​ຈີນ ຂຶ້ນ​ມາ​ຄອງ​ອັນ​ດັບ 5 ຂອງ​ລີກ​ທີ່​ຈ່າຍ​ເງິນ​ເສີມ​ທັບ​ຫຼາຍ​ສຸດ ສ່ວນ​ແຊັມ​ເປັນ​ຂອງ​ລີກ​ໃນ​ອັງ­ກິດ.

    ສຳ­ລັບ​ສະ­ຖິ­ຕິ​ນັ້ນ​ຖືກ​ຮວບ​ຮວມ​ຢູ່​ໃນ​ລະ­ບົບ​ການ​ຊື້-ຂາຍ­ຂອງ​ຟີ​ຟ່າ ເຊິ່ງ​ລະ­ບຸ​ວ່າ​ໃນ​ປີ​ດັ່ງ­ກ່າວ​ມີ​ຍອດ​ການ​ໃຊ້​ເງິນ​ລວມ 4.790 ລ້ານ​ໂດ​ລາ​ສະ­ຫະ­ລັດ ເປັນ​ຈຳ­ນວນ​ເພີ່ມ​ຂຶ້ນ 14,3% ຈາກ​ເມື່ອ​ປີ 2015.

    ໂດຍ​ສະ­ຖິ­ຕິ​ລະ­ບຸ​ວ່າ​ສະ­ໂມ­ສອນ​ໃນ​ກຸ່ມ​ສະ­ຫະ­ພັນ​ເຕະ­ບານ​ເອີ​ຣົບ ຫຼື​ຢູ​ຟ່າ ຍັງ​ຄົງ​ຄອງ​ແຊັມ​ໃຊ້​ງົບ​ເໜືອ​ທະ­ວີບ​ອື່ນ​ຕາມ​ເຄີຍ ຈ່າຍ​ລວມ​ກັນ​ສູງ​ເຖິງ 3.930 ລ້ານ​ໂດ​ລາ​ສະ­ຫະ­ລັດ ນັບ​ເປັນ 82,1% ຂອງ​ທົ່ວ​ໂລກ.

    ຂໍ້​ມູນ​ຍັງ​ເປີດ­ເຜີຍ​ອີ​ກວ່າ ບັນ­ດາ​ສະ­ໂມ­ສອນ​ຈາກ​ອັງ­ກິດ​ຄອງ​ແຊັມ​ທຸ່ມ​ເງິນ​ສູງ​ສຸດ​ໃນ​ໂລກ ໂດຍ​ໃຊ້​ຈ່າຍ​ທັງ​ປະ­ເທດ​ລວມ​ກັນ​ສູງ​ເຖິງ 1.300 ລ້ານ​ໂດ​ລາ​ສະ­ຫະ­ລັດ ຕາມ​ດ້ວຍ​ອັນ​ດັບ 2 ເຢຍ​ລະ​ມັນ 576 ລ້ານ​ໂດ​ລາ​ສະ­ຫະ­ລັດ ອັນ​ດັບ 3 ແອັດ​ສະ​ປາຍ 508,7 ລ້ານ​ໂດ​ລາ​ສະ­ຫະ­ລັດ  ແລະ ອັນ​ດັບ 4 ອິ​ຕາ​ລີ 508,5 ລ້ານ​ໂດ​ລາ​ສະ­ຫະ­ລັດ.

ຂ່າວທີ່ກ່ຽວຂ້ອງ