ສາມາດສະໜອງພືດຜັກອິນຊີໄດ້ຫຼາຍຮ້ອຍໂຕນຕໍ່ປີ

141 16 ກ.ພ. 2017 ຂ່າວໜ້າ​ໜຶ່ງ
ສາມາດສະໜອງພືດຜັກອິນຊີໄດ້ຫຼາຍຮ້ອຍໂຕນຕໍ່ປີ

ທ່ານ ຄຳ​ພູ ພັນທະ​ບູນ ປະທານ​ກຸ່ມ​ກະສິກຳ​ອິນ​ຊີ​ນະຄອນຫຼວງ​ວຽງ​ຈັນ ໄດ້​ໃຫ້​ສຳພາດ​ວັນທີ 15 ກຸມພາ 2017 ວ່າ: ກຸ່ມ​ກະສິ​ກຳ​ອິນ​ຊີ ນວ ມີ​ສະມາຊິກ​ທັງໝົດ​ຢູ່ ນວ 100 ຄອບຄົວ ສະ​ມາຊິກ​ປູກ​ພຶດ​ກະສິກຳ​ອິນ​ຊີ​ແຂວງວຽງ​ຈັນ ​ເຂົ້າ​ຮ່ວມ​ກຸ່ມ 15 ຄອບຄົວ ແລະ ສະມາຊິກ​ປຸງ​ແຕ່ງ​ຜະລິດ​ຕະ​ພັນ​ອາຫານ​ລາວ (ອາຫານ​ສະອາດ) 12 ຄອບຄົວ ໃນ​ປີ 2016 ມີ​ຄວາມ​ອາດ​ສາມາດ​ສະໜອງ​ພືດ​ກະສິກຳ​ອິນ​ຊີ​ໄດ້​ທັງ​ໝົດ 230 ໂຕນ​ຕໍ່​ປີ ມາ​ຮອດ​ຕົ້ນ​ປີ 2017 ສາມາດ​ຂະຫຍາຍ​ຢູ່​ໃນ ນວ ໄດ້​ຕື່ມ 10 ຄອບຄົວ ມີ​ເນື້ອທີ່​ທຳ​ການ​ຜະລິດທັງ​ໝົດ 122 ເຮັກຕາ ແລະ ຄາດ​ວ່າ​ປີ 2017 ຈະ​ສາມາດ​ສະໜອງ​ພືດ​ກະສິກຳອິນ​ຊີ​ໄດ້ 250 ໂຕນ.

ປັດຈຸບັນ ການ​ປູກ​ພືດ​ກະສິກຳອິນ​ຊີ​ ແມ່ນ​ພົບ​ບັນຫາຄື​ມີ​ສັດຕູພືດ​ເຂົ້າ​ທຳລາຍ ແຕ່​ທາງ​ກຸ່ມ​ກະສິ​ກຳ​ອິນ​ຊີ​ໄດ້​ພະຍາຍາມ​ຊອກຫາ​ວິທີ​ແກ້​ໄຂ ໂດຍ​ສະເພາະ ຕ້ອງ​ໄດ້​ເພີ່ມ​ຄວາມ​ເອົາໃຈໃສ່​ ໃນການ​ກຳຈັດ​ສັດຕູ​ພືດ​ດ້ວຍ​ວິທີການ​ນຳ​ໃຊ້​ນ້ຳ​ໝັກ​ຊີວະ​ພາບ​ເພື່ອທຳລາຍ ພ້ອມ​ທັງ​ວາງ​ມາດ​ຕະການ​ຮອງ​ຮັບ​ການ​ປູກ​ພືດ​ລະດູຝົນ ໂດຍ​ຊຸກຍູ້​ໃຫ້​ຊາວ​ສວນ​ສ້າງເຮືອນ​ຮົ່ມ ແລະ ຄົ້ນ​ຫາ​ພືດ​ທີ່​ສາມາດ​ປູກ​ໄດ້​ໃນ​ລະດູຝົນ ສ່ວນ​ຕະຫຼາດ​ຈຳໜ່າຍ​ປັດຈຸບັນ​ໄດ້​ຈຳໜ່າຍ​ໃນ 3 ຕະຫຼາດ​ຫຼັກຄື: ສວນ​ເຈົ້າຟ້າ​ງຸ່ມ ວັນ​ຈັນ-ວັນ​ພະຫັດ ຕະຫຼາດ​ຫ້ວຍ​ຫົງ ວັນ​ເສົາ ແລະ ສວນ​ສະພັງ​ເລນ ວັນ​ພຸດ ແລະ ວັນ​ເສົາ.

ຂ່າວທີ່ກ່ຽວຂ້ອງ