ຫຼາຍພາກສ່ວນສົມທົບທຶນ ປະຕິສັງຂອນພະທາດຫຼວງ

149 16 ກ.ພ. 2017 ຂ່າວໜ້າ​ໜຶ່ງ
ຫຼາຍພາກສ່ວນສົມທົບທຶນ ປະຕິສັງຂອນພະທາດຫຼວງ

ວັນ​ທີ 12 ກຸມພາ 2017 ທີ່ເດີ່ນ​ກົມ​ມະ​ລຽນ​ພະ​ທາດຫຼວງ ໄດ້​ມີ​ຜູ້​ໃຈ​ສັດທາ​ສືບຕໍ່​ສົມທົບ​ຄຳບູລະນະ​ພະ​ທາດຫຼວງ ປະກອບ​ມີພໍ່​ຕູ້ ສຸ​ເທບ ຊະ​ມຸນ​ຕຣີ ບ້ານ​ສີດຳ​ດວນ ເມືອງ​ຈັນທະ​ບູ​ລີ ຄຳ 1 ບາດ ຄອບຄົວ​ທ່ານ ສົມບູນ + ນາງ ຈັນໂທ ປັນຍາ​ສິ​ຣິ ບ້ານ​ສີສະຫວາດ ແລະ ຄອບຄົວ​ທ່ານ ເລື່ອມ ສຸວັນ​ຄຳ+ນາງ ຈັນທະ​ຣາ ຄູນ​ແພງ​ສີ ບ້ານ​ໂພນ​ທັນ ເມືອງໄຊ​ເຊດ​ຖາ ທັງ​ສອງ​ຄອບຄົວ​ມອບ ຄຳ 1 ບາດ ຄອບຄົວ​ທ່ານ ສົນ ນັນທະ​ນົນ​ຕີ+ນາງ ດາລາ​ວັນ ນັນທະ​ນົນ​ຕີ ຄອບຄົວ​ທ່ານ ບຸນ​ມີ ພິມ​ມະ​ສອນ+ນາງ ຫງວນ​ຈັນ ຊະ​ມຸນ​ຕຣີ ແລະ ຄອບຄົວ​ທ່ານ ວິໄລ​ສັກ ຊະ​ມຸນ​ຕຣີ+ນາງ ວຽງສະຫວັນ ດວງ​ມະນີ ຄອບຄົວ​ລະ ຄຳ 2 ສະຫຼຶງ ທັງ​ໝົດ​ແມ່ນ​ຢູ່ບ້ານ​ສີດຳ​ດວນ ເມືອງ​ຈັນທະ​ບູ​ລີ ແລະ ກ່າວ​ຮັບ​ໂດຍ​ທ່ານ ຄຳ​ປະດິດ ເຂັມ​ມານິດ ຫົວໜ້າ​ພະ​ແນກ ຖວທ ນະຄອນຫຼວງ​ວຽງ​ຈັນ.

ໃນ​ໂອກາດ​ດັ່ງກ່າວ ທ່ານ ຄຳ​ປະດິດ ເຂັມ​ມານິດ ໄດ້​ສະແດງ​ຄວາມ​ຂອບໃຈ ແລະ ຮູ້​ບຸນຄຸນ​ມາ​ຍັງ​ຜູ້​ທີ່​ມີ​ນ້ຳໃຈ​ໃສ​ສັດທາ ເຫັນ​ໄດ້​ຄວາມ​ສຳຄັນ​ໃນ​ການພັດທະນາ​ວັດ​ວາ​ອາ​ຮາມ ກໍ່​ຄືການ​ປະຕິສັງຂອນ​ພະ​ທາດຫຼວງວຽງ​ຈັນ ໃຫ້​ມີ​ຄວາມ​ງົດ​ງາມສົມກັບ​ເປັນ​ມິ່ງຂວັນ​ຂອງ​ຊາວ​ລາວບັນດາເຜົ່າ ແລະ ຜູ້​ທີ່​ມີ​ຈິດໃຈໃນ​ສັດທາ​ສາມາດ​ສົມທົບ​ທຶນ​ໄດ້ ເນື່ອງ​ຈາກ​ໂຄງການ​ປະຕິ​ສັງຂອນ​ພະ​ທາດຫຼວງ ​ຍັງ​ມີ​ຄວາມຕ້ອງການ​ທຶນຮອນ​ເປັນ​ຈຳນວນຫຼວງຫຼາຍ.

ຂ່າວທີ່ກ່ຽວຂ້ອງ