ຫຼາຍເມືອງຢຸດຕິການປູກກ້ວຍຂອງຊາວຕ່າງປະເທດ

162 17 ກ.ພ. 2017 ຂ່າວໜ້າ​ໜຶ່ງ
ຫຼາຍເມືອງຢຸດຕິການປູກກ້ວຍຂອງຊາວຕ່າງປະເທດ

ພາຍຫຼັງ​ທີ່​ໄດ້​ສົ່ງ​ຜົນ​ກະທົບບໍ່​ດີ​ຫຼາຍ​ດ້ານ​ຕໍ່​ສະພາບ​ແວດລ້ອມ ແລະ ສັງຄົມ ແລະ ມີ​ສຽງຈົ່ມ​ວ່າ​ຈາກ​ປະຊາຊົນ​ໃນ​ຫຼາຍທ້ອງຖິ່ນ ​ຈາກ​ໂຄງການ​ປູກ​ກ້ວຍຂອງ​ຊາວ​ຕ່າງປະເທດ ຫຼ້າ​ສຸດ ເຫັນ​ວ່າ​ຫຼາຍ​ທ້ອງຖິ່ນ​ຈະ​ໃຫ້​ນັກລົງທຶນ​ຊາວ​ຕ່າງປະເທດ​ຢຸດ​ເຊົາການ​ປູກ​ພືດ​ດັ່ງກ່າວ ໂດຍ​ສະເພາະ ຢູ່​ແຂວງ​ໄຊ​ຍະ​ບູ​ລີ ຂະແໜງ​ການ​ກ່ຽວຂ້ອງ​ຂອງ​ແຂວງ ໄດ້​ອອກ​ແຈ້ງ​ການ​ເຖິງ​ນັກ​ລົງທຶນຊາວ​ຕ່າງປະເທດ 4 ບໍລິສັດ ທີ່ດຳເນີນ​ການ​ປູກ​ກ້ວຍ​ຢູ່​ເຂດ​ເມືອງ​ໄຊ​ຍະ​ບູ​ລີ ແລະ ເມືອງ​ພຽງ ທີ່​ມີເນື້ອທີ່ 520 ເຮັກຕາ ໃຫ້​ຢຸດຕິການ​ປູກ​ກ້ວຍ​ທັງ​ໝົດ​ຢ່າງ​ສິ້ນ​ເຊີງ ໃນ​ປີ​ນີ້ ຍ້ອນ​ວ່າ​ໄລຍະ​ຜ່ານ​ມາ ການ​ປູກ​ພືດ​ດັ່ງກ່າວ​ ແມ່ນ​ສົ່ງ​ຜົນກະທົບ​ຕໍ່​ສຸຂະພາບ​ຂອງ​ປະຊາຊົນ ທຳລາຍ​ທຳ​ມະ​ຊາດ ແລະ ສິ່ງແວດລ້ອມ​ໃນ​ເຂດ​ດັ່ງກ່າວ ເຊັ່ນ​ດຽວ​ກັບ​ແຂວງ​ອຸດົມ​ໄຊ ເຊິ່ງອຳນາດ​ການ​ປົກຄອງ​ແຂວງ​ ບໍ່ໄດ້​ອະນຸມັດ​ໃຫ້​ຊາວ​ຕ່າງປະເທດມາ​ລົງທຶນ​ປູກ​ກ້ວຍ​ມາ​ເກືອບ 2 ປີ​ແລ້ວ.

ນອກຈາກ​ນີ້ ຍັງມີ​ນະຄອນຫຼວງ​ວຽງ​ຈັນ ເຫັນ​ວ່າ​ມີ​ນັກ​ລົງທຶນ​ຊາວ​ຕ່າງ​ປະເທດ​ ເຂົ້າ​ມາ​ດຳເນີນ​ການ​ປູກກ້ວຍ​ເປັນ​ບໍລິເວນ​ກວ້າງ​ ໃນ​ເຂດເມືອງ​ສັງ​ທອງ ແລະ ປາກ​ງື່ມ ແຂວງ​ບໍ່​ແກ້ວ​ທີ່​ພວມ​ເກີດມີ​ສະພາບ​ປາ​ຕາຍ​ເປັນ​ຈຳນວນຫຼາຍ ​ໃນ​ວັງ​ສະຫງວນ​ສາຍ​ນ້ຳງ້າວ ເມືອງ​ຫ້ວຍ​ຊາຍ.

ຂ່າວທີ່ກ່ຽວຂ້ອງ