ລາວ ແລະ ເບລາຣຸດ ເສີມຂະຫຍາຍສາຍພົວພັນ ແລະ ການຮ່ວມມື

128 17 ກ.ພ. 2017 ຂ່າວໜ້າ​ໜຶ່ງ

ວັນ​ທີ 14 ກຸມພາ 2017 ທ່ານ ສະເຫຼີມ​ໄຊ ກົມ​ມະ​ສິດ ລັດຖະ​ມົນຕີ​ກະຊວງ​ການ​ຕ່າງ​ປະເທດ ໄດ້​ຕ້ອນຮັບ​ການ​ເຂົ້າ​ຢ້ຽມຄຳນັບ​ຂອງ​ທ່ານ Vladimir Goshin ເນື່ອງ​ໃນ​ໂອກາດ​ມາຍື່ນ​ສານ​ຕາ​ຕັ້ງ​ຕໍ່​ປະທານ​ປະເທດ ແຫ່ງ ​ສປປ ລາວ ເພື່ອ​ດຳລົງ​ຕຳແໜ່ງ​ເປັນ​ເອກ​ອັກ​ຄະ​ລັດ​ຖະ​ທູດ​ຜູ້​ມີ​ອຳນາດ​ເຕັມ ແຫ່ງ ສາ​ທາ​ລະນະ​ລັດ​ເບ​ລາ​ຣຸດ ປະຈຳ​ລາວ ​ຄົນໃໝ່ ເຊິ່ງ​ມີ​ສຳນັກງານ​ຕັ້ງ​ຢູ່​ນະຄອນ​ຫຼວງ​ຮ່າ​ໂນ້ຍ ​ສສ ຫວຽດນາມ.

ໂອກາດ​ດັ່ງກ່າວ ສອງ​ຝ່າຍໄດ້​ທົບ​ທວນຄືນ ແລະ ຕີ​ລາຄາສູງ​ຕໍ່​ສາຍ​ພົວພັນ ແລະ ການຮ່ວມ​ມື​ກັນ​ລະຫວ່າງ​ລາວ ແລະ ເບ​ລາ​ຣຸດ ທີ່​ມີ​ມູນເຊື້ອ​ມາ​ແຕ່ດົນ​ນານ ເຊິ່ງ​ທ່ານ​ທູດ​ໄດ້​ແຈ້ງສະພາບ​ການ​ພັດທະນາ​ເສດ​ຖະກິດ-ສັງຄົມ​ຂອງ​ເບ​ລາ​ຣຸດ​ໃຫ້ຊາບ ທັງ​ສະແດງ​ຄວາມ​ຢືນຢັນຈະ​ອອກແຮງ ປະກອບສ່ວນ​ເຂົ້າໃນ​ການ​ເສີມ​ຂະຫຍາຍ​ສາຍ​ພົວພັນ​ມິດຕະພາບ ແລະ ການ​ຮ່ວມມື​ລະຫວ່າງເບ​ລາ​ຣຸດ ແລະ ລາວ​ໃຫ້​ຂະຫຍາຍຕົວ​ຍິ່ງ​ຂຶ້ນ ໂດຍ​ສະເພາະແມ່ນ​ການ​ສືບຕໍ່ຊຸກຍູ້​ບັນດາ​ໂຄງການ​ຮ່ວມ​ມື ​ທີ່​ໄດ້​ຕົກລົງ​ກັນ​ຜ່ານ​ມາ​ໃຫ້​ເກີດ​ເປັນຮູບ​ປະ​ທຳ.

ຂ່າວທີ່ກ່ຽວຂ້ອງ