ຈີນ ດັດ­ແກ້​ມາດ­ຖານ​ກ່ຽວ​ກັບຄວາມ​ປອດ​ໄພ​ສະ­ບຽງ​ອາ­ຫານ ແລະ ການ​ຢາ

65 17 ກ.ພ. 2017 ຂ່າວຕ່າງປະເທດ
ຈີນ ດັດ­ແກ້​ມາດ­ຖານ​ກ່ຽວ​ກັບຄວາມ​ປອດ​ໄພ​ສະ­ບຽງ​ອາ­ຫານ ແລະ ການ​ຢາ

ສະ­ຫະ​ກົມ​ຕິດ­ຕາມ​ກວດ­ກາ ແລະ ຄວບ​ຄຸມ​ສະ­ບຽງ​ອາ­ຫານ ແລະ ຜະ­ລິດ​ຕະ​ພັນ​ການ​ຢາ​ແຫ່ງຊາດ​ຈີນ (CFDA) ແຈ້ງໃຫ້​ຮູ້ເມື່ອ​ວັນ​ທີ 13 ກຸມ­ພາ ກ່ຽວ​ກັບຫຼາຍ​ແຜນ­ການ​ແຫ່ງ​ຊາດ ທີ່​ພົວພັນ​ເຖິງ​ບັນ­ຫາ​ອະ­ນາ­ໄມ​ຄວາມປອດ​ໄພ​ທາງ​ດ້ານສະ­ບຽງ​ອາຫານ ແລະ ຜະ­ລິດ​ຕະ​ພັນ​ການ​ຢາ ໃນ​ໄລ­ຍະ  “ແຜນ​ກຳ­ນົດ​ 5 ​ປີ ຄັ້ງທີ 13” (2016-2020).

ຕາມ​ແຜນ­ການ​ນັ້ນ­ແລ້ວ ຈີນຈະ​ຮັດ​ເຄັ່ງ​ຂໍ້​ກຳ­ນົດ ແລະ ດັດແກ້​ມາດ­ຖານກ່ຽວ​ກັບ​ອະ­ນາ­ໄມ ຄວາມ​ປອດ​ໄພ​ສະ­ບຽງ​ອາ­ຫານ ແລະ ຜະ­ລິດ​ຕະ​ພັນ​ການ​ຢາ ແຜນ­ການ​ດັ່ງ­ກ່າວຮຽກ­ຮ້ອງ​ໃຫ້ຕ້ອງ​ສຳ­ເລັດ​ບໍ­ລິ­ບູນ ໃນ​ລະ­ບົບ​ຂໍ້ກຳ­ນົດ​ກ່ຽວ​ກັບ​ການຄວບ​ຄຸມ​ຂະບວນ​ການ​ຜະ­ລິດ ແລະ ທົ່ວ​ຕ່ອງ ໂສ້​ການ​ຜະ­ລິດ​ສະ­ບຽງ​ອາ­ຫານ ແລະ ຜະ­ລິດ​ຕະ​ພັນ​ການ​ຢາ ໂດຍ​ສະ­ເພາະກໍ່​ແມ່ນ​ຂໍ້​ກຳ­ນົດທີ່​ພົວ­ພັນ​ເຖິງ​ວຽກ​ງານ​ການ​ຄວບຄຸມ​ແຫຼ່ງ​ທີ່​ມາ ແລະ ສະ­ກັດ​ກັ້ນຄວາມ​ສ່ຽງ​ອັນ­ຕະ­ລາຍ.

ຄຽງ​ຄູ່​ກັນ​ນັ້ນ ຈີນ​ກໍ່​ຕ້ອງ­ການແກ້​ໄຂ​ໂຄງ​ປະ­ກອບ​ການ​ສົມ­ທົບລະ­ຫວ່າງ​ຂະ­ແໜງ­ການ ໃນ​ວຽກງານ​ຄວບ​ຄຸມ​ຄວາມປອດ​ໄພ​ສະບຽງ​ອາ­ຫານ ແລະ ຜະ­ລິດ​ຕະ​ພັນການ​ຢາ ເພື່ອ​ສາ­ມາດ​ທີ່​ຈະ​ສະກັດ​ກັ້ນ​ກໍ­ລະ­ນີ​ລະ­ເມີດ​ໃຫ້​ໄດ້​ດີຂຶ້ນ.

CFDA ໃຫ້​ຮູ້​ວ່າ ໃນ​ໄລ­ຍະ​ປີ 2013-2015 ຈີນ ໄດ້​ແກ້​ໄຂ 1,1 ລ້ານ​ກໍ­ລະ­ນີ​ ທີ່​ລະ­ເມີດ​ຂໍ້​ກຳ­ນົດກ່ຽວ​ກັບ​ຄວາມ​ປອດ​ໄພສະ­ບຽງອາ­ຫານ ໃນ​ອະ­ນາ­ຄົດ ຜູ້​ທີ່​ລະເມີດ​ຈະ​ຕ້ອງ​ຖືກ​ປັບ​ໃໝ​ຢ່າງ​ເຂັ້ມງວດ ເຊັ່ນ​ວ່າ ການ​ກະ­ທຳ​ປອມແປງ​ຜະ­ລິດ​ຕະພັນ​ສະ­ບຽງ​ອາຫານ ຈະ​ຖືກ​ຟ້ອງ​ທາງ​ອາ­ຍາ ດັ່ງນີ້​ເປັນ­ຕົ້ນ.

ປັດ­ຈຸ­ບັນ​ນີ້ ລັດ­ຖະ­ບານ​ຈີນ ໄດ້​ສະ­ເໜີ​ໃຫ້​ບັນ­ດາ​ຂະ­ແໜງການ​ທີ່​ກ່ຽວ­ຂ້ອງ​ວ່າ ໃນ​ 5 ​ປີ​ຕໍ່ໜ້າ ຕ້ອງ​ໄດ້​ດັດ­ແກ້​ມາດ­ຖານຄວາມ​ປອດ​ໄພ​ສະ­ບຽງ​ອາ­ຫານ ຢ່າງ​ໜ້ອຍ 300 ລາຍ­ການ ແລະ ປະ­ມານ 3.050 ລາຍ­ການ ກ່ຽວກັບ​ຄວາມ​ປອດ​ໄພຜະ­ລິດ​ຕະ​ພັນການ​ຢາ.

ຂ່າວທີ່ກ່ຽວຂ້ອງ