ອິນ​ເດຍ ຍິງ​ສົ່ງ​ດາວ​ທຽມ 104 ດວງ ດ້ວຍ​ລູກ​ສອນ​ໄຟ​ພຽງ 1 ໜ່ວຍ

116 17 ກ.ພ. 2017 ຂ່າວຕ່າງປະເທດ
ອິນ​ເດຍ ຍິງ​ສົ່ງ​ດາວ​ທຽມ 104 ດວງ ດ້ວຍ​ລູກ​ສອນ​ໄຟ​ພຽງ 1 ໜ່ວຍ

ວັນ​ທີ 15 ກຸມ­ພາ​ນີ້ ອິນ​ເດຍ ໄດ້​ປະ­ສົບ​ຄວາມ​ສຳ­ເລັດ ໃນ​ການຍິງ​ສົ່ງ​ດາວ​ທຽມ 104 ດວງ ຂຶ້ນ​ສູ່ວົງ​ໂຄ­ຈອນ ໂດຍ​ໃຊ້​ລູກສອນ​ໄຟແບບ​ຍູ້​ພຽງ 1 ໜ່ວຍ ໃນ​ການ​ຍິງສົ່ງ ນັບ​ວ່າ​ໄດ້​ທຳ­ລາຍ​ສະ­ຖິ­ຕິການ​ຍິງ​ສົ່ງ​ດາວ​ທຽມ 37 ດວງໃນ​ເທື່ອ​ດຽວຂອງຣັດ​ເຊຍ ທີ່ສ້າງ​ໄວ້​ເມື່ອ​ປີ 2014.

ລູກ​ສອນ​ໄຟ PSLV-C37 ແບບ​ຍູ້ ໄດ້​ນຳ​ເອົາ​ດາວ​ທຽມ​ທັງ 104 ດວງ ຂຶ້ນ​ສູ່​ວົງ​ໂຄ­ຈອນ ຈາກສະ­ໜາມ​ຍິງຢູ່​ໃນ​ເຂດສີຮາ​ຣີ​ໂກຕາ ລັດ​ອັນ​ດຣາ ປຣາ​ເດ​ສ (ພາກໃຕ້​ອິນ​ເດຍ) ໃນ​ຕອນ​ເຊົ້າຂອງວັນ​ທີ 15 ກຸມ­ພາ​ນີ້ ຫຼັງ​ຈາກ​ທີ່ຍິງ​ຂຶ້ນ​ໄດ້ 28 ນາ­ທີ ດາວ​ທຽມເຫຼົ່າ­ນັ້ນ ກໍ່​ໄດ້​ນຳ​ເຂົ້າ​ສູ່ວົງ​ໂຄຈອນທີ່​ໄດ້​ກຳ­ນົດ​ໄວ້.

ດາວ​ທຽມ 104 ດວງນັ້ນ​ ເປັນຂອງ​ຕ່າງ­ປະ­ເທດ 101 ດວງ ປະກອບ​ດ້ວຍ​ຂອງ ສ ອາ​ເມ​ຣິ​ກາ 96 ດວງ ແລະ ສ່ວນ​ທີ່​ຍັງເຫຼືອເປັນ​ຂອງອິດ​ສະ​ຣາ​ແອນ ກາຊັກ​ສະ­ຖານ ໂຮນ​ລັງ ສະ​ວິດ ແລະ ສະ­ຫະ­ລັດ ອາ​ຣັບ ເອ​ມີ​ເຣດ (UAE).

ກ່ອນ​ໜ້າ​ນີ້ ເມື່ອ​ເດືອນ​ມິ­ຖຸ­ນາ ປີ 2015 ອິນ​ເດຍ ​ກໍ່​ໄດ້​ສຳ­ເລັດການຍິງ​ສົ່ງ​ດາວ​ທຽມ 23 ດວງຂຶ້ນ​ສູ່​ວົງ​ໂຄ­ຈອນ ໂດຍ​ໃຊ້ລູກສອນ​ໄຟ​ແບບ​ຍູ້​ພຽງ 1 ໜ່ວຍ.

ຂ່າວທີ່ກ່ຽວຂ້ອງ