"ເອ​ຟ​ເອ ຄັບ" ອາ​ເຊ​ນ່ອນ ພົບ ແມນ​ຊີ​ຕີເຊວ​ຊີ ພົບ ສະ​ເປີ

1.545 15 ມີ.ນ. 2017 ວົງຈອນກີລາ
"ເອ​ຟ​ເອ ຄັບ" ອາ​ເຊ​ນ່ອນ ພົບ ແມນ​ຊີ​ຕີເຊວ​ຊີ ພົບ ສະ​ເປີ

    ຜົນ​ການ​ຈັບ​ສະຫຼາກ​ປະ​ກົບ​ຄູ່​ຮອບ​ຮອງ​ຊະນະ​ເລີດ ເອ​ຟ​ເອ ຄັບ ປີ​ນີ້​ອອກ​ມາ​ເປັນ​ທີ່​ຮຽບ​ຮ້ອຍ ປາກົດ​ວ່າ ອາ​ເຊ​ນ່ອນ ປະ​ທະ ແມນ​ເຊ​ສ​ເຕີ ຊິ​ຕີ ສ່ວນ​ອີກ​ຄູ່ ເຊວ​ຊີ ພົບ​ກັບ ທັອດ​ແນ່ມ ຮັອດ​ສະ​ເປີ !!!.
    ສຳລັບ​ແຊັມ​ເກົ່າ ແມນ​ເຊ​ສ​ເຕີ ຢູ​ໄນ​ເຕັດ ນັ້ນ​ຕົກ​ຮອບ​ໄປ​ເສຍ​ແລ້ວ ຫຼັງ​ບຸກ​ພ່າຍ​ແພ້​ແກ່ ເຊວ​ຊີ 0-1 ໃນ​ຮອບ 8 ທີມ​ທີ່​ສະໜາມ ສະແຕມ​ຟອດ ບຣິດ ເມື່ອ​ຄືນ​ວັນ​ຈັນ​ທີ່​ຜ່ານ​ມານັ້ນ ​ເຮັດ​ໃຫ້​ລູກ​ທີມ ອັນໂຕ​ນິ​ໂອ ຄອນ​ເຕ ເຂົ້າ​ຮອບ​ຕັດ​ເຊືອກ​ທີ່​ມີ​ອີກ 3 ທີມ​ຜ່ານ​ໄປ​ລໍຖ້າ​ປະ​ເຊີນ​ໜ້າ​ຄື ອາ​ເຊ​ນ່ອນ ແມນຯ ຊີ​ຕີ ແລະ ສະ​ເປີ ເຊິ່ງ​ຕ່າງ​ຢູ່​ໃນ 5 ອັນ​ດັບ​ຕົ້ນ​ຂອງ ພຣີ​ເມຍ ​ລີກ ລະດູ​ການ​ນີ້. 
    ຮອບ​ນີ້ ສະມາຄົມ​ເຕະບານ​ອັງກິດ (ເອ​ຟ​ເອ) ໄດ້​ເຊີນ ຣຸດ ກຸດ​ລິດ ເຊິ່ງ​ເຄີຍ​ຄວ້າ​ແຊັມ​ລາຍການ​ນີ້​ກັບ ເຊວ​ຊີ ລະດູ​ການ 1996/97 ແລະ ຟິວ ເນວິວ ເຈົ້າ​ຂອງ​ແຊັມ 3 ສະໄໝ​ກັບ ແມນຯ ຢູ​ໄນ​ເຕັດ ມາ​ຊ່ວຍ​ກັນ​ຈັບ ຜົນ​ປາກົດ​ວ່າ ອາ​ເຊ​ນ່ອນ ເຈົ້າ​ຂອງ​ແຊັມ​ຂັນ​ນີ້​ສູງ​ສຸດ 12 ສະໄໝ​ເທົ່າ ແມນຯ ຢູ​ໄນ​ເຕັດ ຕ້ອງ​ປະ​ເຊີນ​ໜ້າ​ກັບ ແມນຯ ຊິ​ຕີ ແຊັມ​ລາຍການ​ນີ້ 5 ສະໄໝ ໂດຍ​ພົບ​ກັນ​ຄັ້ງ​ທຳ​ອິດ​ໃນ ພຣີ​ເມຍ ລີກ ລະດູ​ການ​ນີ້ ແມນຯ ຊິ​ຕີ ຫຼິ້ນ​ໃນ​ບ້ານ​ຊະນະ 2-1. 
    ອີກ​ຄູ່ ເຊວ​ຊີ ພົບ​ທີມ​ແຂງ​ແກ່ນນັ້ນ​ຄື ສະ​ເປີ ໜຶ່ງ​ໃນ 2 ທີມ​ທີ່​ເອົາ​ຊະນະ​ພວກ​ເຂົາ​ຫຼັງ​ປ່ຽນ​ມາ​ໃຊ້​ລະບົບ 3-4-3 ໄດ້ ໂດຍ​ເປັນ​ເກມ​ລີກ​ທີ່​ສະໜາມ ໄວ ຮາດ ເລນ ເມື່ອ​ເດືອນ​ມັງກອນ.
    ທັງ 2 ຄູ່​ຈະ​ແຂ່ງ​ກັນ​ທີ່ ເວມ​ບລີ ສະໜາມ​ເຕະບານ​ແຫ່ງ​ຊາດ​ອັງກິດ​ ໃນ​ວັນ​ເສົາ​ທີ 22 ຫຼື​ວັນ​ອາທິດ​ທີ່ 23 ເມສາ​ທີ່​ຈະ​ມາ​ເຖິງ​ນີ້.

ຂ່າວທີ່ກ່ຽວຂ້ອງ