GPP ສ້າງຄວາມເຂັ້ມແຂງໃຫ້ຊີວະພາບອາຊຽນ

81 ວັນຈັນ ເວລາ 10:44 ຂ່າວໜ້າ​ໜຶ່ງ

ສປປ ລາວ ຮ່ວມ​ມື​ກັບ​ປະເທດ​ສະມາຊິກ​ອາ​ຊຽນ ແລະ ໄດ້ຮັບ​ການ​ຊ່ວຍເຫຼືອ​ຈາກ​ກອງ​ທຶນຊ່ວຍເຫຼືອ​ຂອງ​ລັດຖະບານ​ກາ​ນາດາ​ ເປັນ​ເຈົ້າພາບ​ຈັດ​ກອງ​ປະຊຸມອາ​ຊຽນ-ກອງ​ທຶນ​ຊ່ວຍເຫຼືອ​ຂອງກາ​ນາ​ດາ (GPP) ເພື່ອ​ສ້າງຄວາມ​ເຂັ້ມແຂງ​ໃຫ້​ກັບ​ວຽກ​ງານຄວາມ​ປອດ​ໄພ ແລະ ຄວາມ​ໝັ້ນຄົງ​ດ້ານ​ຊີວະ​ພາບ ຈັດ​ຂຶ້ນ​ລະຫວ່າງ​ວັນ​ທີ 15-17 ມີນາ 2017 ທີ່​ໂຮງແຮມ​ລາວ​ພລາ​ຊາ ເປັນປະທານ​ຮ່ວມ​ຂອງ​ທ່ານ ບຸນ​ຫຼາຍ ພົມ​ມະ​ສັກ ຫົວໜ້າ​ກົມ​ຄວບ​ຄຸມພະຍາດ​ຕິດຕໍ່ ກະຊວງ​ສາ​ທາ​ລະນະ​ສຸກ ທ່ານ​ນາງ ເຮີ​ແມນ ລີແອນ ຫົວໜ້າ​ຫ້ອງການ​ສະຖານທູດ​ກາ​ນາ​ດາ ແລະ ທ່ານ ເພີ​ນັນ ໂດ ເພີນ​ນານ ກອງ​ເລຂາ​ອາ​ຊຽນ ມີ​ຕາງໜ້າ​ຈາກ​ສະມາຊິກ​ອາຊຽນ ຄູ່​ຮ່ວມ​ພັດທະນາ ແລະ ຂະແໜງ​ການ​ກ່ຽວຂ້ອງ​ເຂົ້າ​ຮ່ວມ.

ທ່ານ ບຸນ​ຫຼາຍ ພົມ​ມະ​ສັກ ກ່າວ​ວ່າ: ເພື່ອ​ເປັນ​ການ​ຍົກ​ລະດັບ​ຄວາມ​ອາດ​ສາມາດ​ວຽກ​ງານຄວາມ​ປອດ​ໄພ ແລະ ຄວາມ​ໝັ້ນຄົງ​ດ້ານ​ຊີວະ​ພາບ ເສີມ​ສ້າງຄວາມ​ເຂົ້າໃຈ​ໃຫ້​ແກ່​ນັກ​ວິຊາການ ສານ​ເຄ​ມີ​ຫ້ອງ​ວິເຄາະ ພ້ອມ​ທັງ​ເປັນ​ການ​ແລກປ່ຽນ​ບົດຮຽນ​ເຊິ່ງ​ກັນ ແລະ ກັນ ລະຫວ່າງສະມາຊິກ​ອາ​ຊຽນ ກອງ​ປະຊຸມຄັ້ງ​ນີ້​ ຈະ​ເປັນ​ຜົນ​ດີ​ໃຫ້​ແກ່​ລາວ​ ໃນການ​ສ້າງ​ຄວາມ​ເຊື່ອ​ໝັ້ນ ​ການຈັດ​ຕັ້ງ​ປະຕິບັດ​ລະບຽບ​ສາກົນ ດ້ານ​ສາທາລະນະ​ສຸກ.

ຂ່າວທີ່ກ່ຽວຂ້ອງ