ຈີນ ປະ­ຕິ­ບັດ​ວິ­ໄນ​ຕໍ່​ພະ­ນັກ­ງານຫຼາຍ​ພັນ​ຄົນ ທີ່​ລະ­ເມີດຂໍ້​ກຳ­ນົດ​ກ່ຽວ​ກັບ​ການ​ປະ­ຢັດ

402 24 ມີ.ນ. 2017 ຂ່າວຕ່າງປະເທດ
ຈີນ ປະ­ຕິ­ບັດ​ວິ­ໄນ​ຕໍ່​ພະ­ນັກ­ງານຫຼາຍ​ພັນ​ຄົນ ທີ່​ລະ­ເມີດຂໍ້​ກຳ­ນົດ​ກ່ຽວ​ກັບ​ການ​ປະ­ຢັດ

ຄະ­ນະ​ກຳ­ມະ­ການ​ກວດ­ກາວິ­ໄນ​ສູນ​ກາງ​ພັກ​ກອມ​ມູ​ນິດ​ຈີນ (CCDI) ແຈ້ງ​ໃຫ້​ຮູ້​ວ່າ ໄລ່​ສະເພາະ​ແຕ່​ໃນ​ເດືອນ​ກຸມ­ພາ​ທີ່ຜ່ານມາ​ເທົ່າ​ນັ້ນ ບັນ­ດາ​ອົງ­ການ​ທີ່ກ່ຽວ­ຂ້ອງ​ຂອງ​ຈີນ​ ໄດ້​ກວດ​ພົບ 2.077 ເລື່ອງ​ ລະ­ເມີດ​ຂໍ້​ກຳ­ນົດກ່ຽວ​ກັບ​ການ​ປະ­ຢັດ ຕ້ານ​ການຟູມ​ເຟືອຍ ໂດຍ​ໄດ້​ແກ້​ໄຂ​ກັບ​ພະນັກ​ງານ 3.028 ຄົນ ປະ­ຕິ­ບັດ​ວິໄນ​ກ່ຽວ​ກັບ​ພັກ ຕໍ່ 2.057 ກໍ​ລະນີ.

ໃນ​ບັນ­ດາ​ຮູບ​ການ​ລະ­ເມີດ​ນັ້ນ ການ​ເບີກ​ບ້ວງ​ເງິນ​ລາ­ງວັນ ແລະ ເງິນ​ອູດ​ໜູນ​ຜິດ​ກຳ­ນົດກວມ​ເອົາປະ­ລິ­ມານ​ຫຼາຍ​ທີ່​ສຸດ ໂດຍ​ມີ 465 ເລື່ອງ ຮອງ​ລົງ​ມາ​ກໍ່​ແມ່ນການ​ຮັບ ແລະ ມອບ​ຂອງ­ຂວັນຜິດ​ກຳ­ນົດ ໂດຍ​ມີ 438 ເລື່ອງ ແລະ​ ການ​ຈັດ​ສັນການ​ນຳ​ໃຊ້​ລົດຂອງ​ລັດ​ຜິດ​ເປົ້າ​ໝາຍ ​ມີ 398 ເລື່ອງ.

ເມື່ອ​ໄລ່​ລວມ​ໃນ​ສອງ​ເດືອນ​ຕົ້ນປີ​ນີ້ ຈີນ​ໄດ້​ກວດ​ພົບ​ການ​ລະ­ເມີດຂໍ້​ກຳ­ນົດ​ກ່ຽວ​ກັບ​ການ​ປະ­ຢັດ ຕ້ານ​ການ​ຟູມ​ເຟືອຍ ລວມ​ແລ້ວ​ມີ 4.885 ເລື່ອງ ແກ້​ໄຂ​ກັບ​ພະ­ນັກງານ​ໄດ້ 7.103 ຄົນ ປະ­ຕິ­ບັດ​ວິ­ໄນກ່ຽວ​ກັບ​ພັກ ແລະ ອຳ­ນາດ​ການປົກ­ຄອງ​ກັບ 5.046 ກໍ­ລະ­ນີ.

ຂ່າວທີ່ກ່ຽວຂ້ອງ