ມີ​ຜູ້​ເສຍ​ຊີ­ວິດ 4 ຄົນ ໃນ​ເຫດ­ການ​ຍິງ​ປືນ​ຢູ່​ນອກ​ອາ­ຄານ​ລັດ​ຖະ​ສະ­ພາ​ອັງ­ກິດ

407 24 ມີ.ນ. 2017 ຂ່າວຕ່າງປະເທດ
ມີ​ຜູ້​ເສຍ​ຊີ­ວິດ 4 ຄົນ ໃນ​ເຫດ­ການ​ຍິງ​ປືນ​ຢູ່​ນອກ​ອາ­ຄານ​ລັດ​ຖະ​ສະ­ພາ​ອັງ­ກິດ

ແຈ້ງ​ການ​ຂອງ​ຕຳ­ຫຼວດ​ອັງກິດ ໃຫ້​ຮູ້​ວ່າ ໃນ​ເຫດ­ການ​ໂຈມ​ຕີທີ່​ເກີດ​ຂຶ້ນ​ຢູ່​ດ້ານ​ນອກ​ອາ­ຄານລັດ​ຖະ​ສະ­ພາ​ອັງ­ກິດ ໃນ​ນະ­ຄອນຫຼວງລອນ​ດອນ ເມື່ອ​ວັນ​ທີ 22 ມີ­ນາ ຊຶ່ງ​ທາງ​ການ​ຕຳ­ຫຼວດອັງກິດ​ ເອີ້ນ​ວ່າ ​ເປັນ​ການ​ກໍ່​ການ​ຮ້າຍນັ້ນ ເມື່ອ​ໄລ່​ຮອດຕອນ​ຫົວ­ຄ່ຳວັນ​ທີ 22 ມີ­ນາ ໄດ້​ມີ​ຜູ້​ເສຍ​ຊີ­ວິດ 4 ຄົນ ໃນ​ນັ້ນ​ເປັນ​ຕຳ­ຫຼວດ 1 ຄົນ ແລະ ​ມີ​ຜູ້​ໄດ້​ຮັບ​ບາດ­ເຈັບ​ອີກ​ຢ່າງໜ້ອຍ 20 ຄົນ.

ຂ່າວ​ແຈ້ງ­ວ່າ ໃນ​ຈຳ­ນວນ​ຜູ້ໄດ້​ຮັບ​ບາດ­ເຈັບ​ນັ້ນ ເປັນ​ນາຍຕຳ­ຫຼວດ 3 ຄົນ ແລະ ນັກ­ຮຽນຊາວ​ຝຣັ່ງ 3 ຄົນ.

ຜູ້​ເຫັນ​ເຫດ­ການ​ເລົ່າ​ວ່າ ລົດຍົນ​ຄັນ​ໜຶ່ງ​ທີ່​ບັນ­ທຸກ​ຄົນ​ຮ້າຍ ​ໄດ້ແລ່ນ​ພຸ່ງ​ຕຳ​ເອົາ​ປະ­ຊາ­ຊົນ​ຢູ່​ສົ້ນໜຶ່ງ​ຂອງ​ຂົວ ເວ​ສ​ມິນ​ສ​ເຕີ ຫຼັງຈາກ​ນັ້ນ​ກໍ່​ສືບ­ຕໍ່​ແລ່ນ​ພຸ່ງ​ໄປ​ທີ່​ອີກ​ສົ້ນ​ໜຶ່ງ​ຂອງ​ຂົວ​ດັ່ງ­ກ່າວ ແລະ ໄປ​ຕຳ​ເອົາ​ຮົ້ວ​ຂອງ​ອາ­ຄານ​ລັດ​ຖະສະ­ພາ ແລະ ຄົນຢູ່​ໃນ​ບໍ­ລິ­ເວນ​ນັ້ນ ກ່ອນ​ທີ່​ໜຶ່ງ​ໃນ​ສອງ​ຄົນ​ທີ່​ກໍ່​ເຫດຈະ​ແລ່ນ​ເຂົ້າ​ໄປ​ໃນ​ເດີ່ນ​ຂອງ​ອາຄານ​ລັດ​ຖະ​ສະ­ພາ ແລະ ແທງນາຍຕຳ­ຫຼວດ​ຜູ້​ໜຶ່ງ ຫຼັງ​ຈາກ​ນັ້ນ ຄົນ​ຮ້າຍ​ຜູ້​ນີ້​ກໍ​ຖືກ​ຕຳ­ຫຼວດ​ປິດ​ຊີວິດ.

ຂ່າວທີ່ກ່ຽວຂ້ອງ