AFC ຍົກ​ລະ­ດັບ C-B ໃຫ້​ແກ່​ຄູ​ເຝິກ​ບານ­ເຕະ​ລາວ

665 12 ພ.ພ. 2017 ວົງຈອນກີລາ
AFC ຍົກ​ລະ­ດັບ C-B ໃຫ້​ແກ່​ຄູ​ເຝິກ​ບານ­ເຕະ​ລາວ

ສະ­ຫະ­ພັນ​ກີ­ລາ​ບານ­ເຕະ​ແຫ່ງຊາດ​ລາວ ຫຼື ສຕລ ມອບ​ໃບ​ປະກາດ​ຄູ​ເຝິກ​ເຕະ­ບານ ຈຳ­ນວນ 36 ຄົນ ທີ່​ຜ່ານ​ການ​ສອບ­ເສັງ ແລະ ໄດ້​ມາດ­ຕະ­ຖານ​ການ​ເຝິກອົບ​ຮົບ​ຄູ​ເຝິກ​ລະ­ດັບ C-B ລາຍເຊັນ ແລະ ຄູ​ເຝິກ​ຜູ້​ຮັກ­ສາ​ປະ­ຕູລະ­ດັບ 1 ຂອງສະ­ຫະ­ພັນ​ກີ­ລາບານ­ເຕະ​ອາ­ຊີ ຫຼື AFC.

ພິ­ທີ​ມອບ​ໃບ​ປະ­ກາດ​ຄູ​ເຝິກ​ຈັດຂຶ້ນ​ວັນ​ທີ 5 ພຶດ­ສະ­ພາ 2017 ທີ່ສະ­ຫະ­ພັນ​ກີ­ລາ​ບານ­ເຕະ​ແຫ່ງຊາດ​ລາວ ມອບ​ໂດຍ​ທ່ານ ສົມ​ພູ ພົງ­ສາ ຜູ້​ຊ່ວຍ​ລັດ­ຖະ­ມົນ­ຕີ​ກະຊວງ​ສຶກ​ສາ​ທິ​ການ ແລະ ກີ­ລາ ທັງ​ເປັນ​ຮອງ​ປະ­ທານ ແລະ ເລຂາ​ທິ​ການ​ຄະ­ນະ​ກຳ­ມະ­ການ​ໂອແລມ​ປິກ​ແຫ່ງ​ຊາດ​ລາວ ມີ​ທ່ານ ໄຊ​ບັນ­ດິດ ຣາ​ຊະ​ພົນ ເລ­ຂາ​ທິການ ສຕລ ແລະ ທ່ານ ສົມ​ສັກ ແກ້ວ​ດາ­ລາ ຫົວ­ໜ້າ​ພະ​ແນກເຕັກ­ນິກ​ວິ­ທະ­ຍາ ສຕລ ພ້ອມດ້ວຍບັນ­ດາ​ສຳ​ມະ​ນາ​ກອນ ແລະ ພາກ­ສ່ວນ​ກ່ຽວ­ຂ້ອງ​ເຂົ້າຮ່ວມ.

ສຳ­ລັບ​ຄູ​ເຝິກ​ທີ່​ຜ່ານ​ມາ​ການເຝິກ­ອົບ­ຮົມ​ຄັ້ງ​ນີ້​ປະ­ກອບ​ມີ: ຄູເຝິກ​ລະ­ດັບ C ຈຳ­ນວນ 9 ຄົນ ຈາກ​ທັງ​ໝົດ 22 ຄົນ​ທີ່​ເຂົ້າຮ່ວມ ຄູ​ເຝິກ​ລະ­ດັບ B ຈຳ­ນວນ 14 ຄົນ ຈາກ​ທັງ​ໝົດ 18 ຄົນ​ທີ່​ເຂົ້າ​ຮ່ວມ ແລະ ຄູ​ເຝິກ​ຜູ້​ຮັກ­ສາ​ປະ­ຕູ​ລະ­ດັບ 1 ຈຳ­ນວນ 13 ຄົນ​ ຈາກ​ທັງ​ໝົດ 16 ຄົນ​ທີ່​ເຂົ້າ​ຮ່ວມ ເຊິ່ງ​ສຳ​ມະ​ນາກອນ​ທີ່​ເຂົ້າ​ຮ່ວມ​ທັງ​ໝົດ​ແມ່ນ​ມາຈາກ​ນະ­ຄອນ­ຫຼວງ​ວຽງ​ຈັນ ບັນດາ​ສະ­ໂມ­ສອນ​ໃນ​ເຕະ­ບານ​ ລາວ ພຣີ​ເມຍ​ ລີກ ແລະ ສະ­ໂມ­ສອນອ້ອມ​ຂ້າງ​ທົ່ວ​ປະ­ເທດ ແລະ ປະເທດ​ໄທ​ເຂົ້າ​ຮ່ວມ.

ຂ່າວທີ່ກ່ຽວຂ້ອງ