ເສດ­ຖະ­ກິດ​ອິນ​ເດຍ ຈະ​ສາ­ມາດ​ເຕີບ​ໂຕ 7,2%

307 12 ພ.ພ. 2017 ຂ່າວຕ່າງປະເທດ
ເສດ­ຖະ­ກິດ​ອິນ​ເດຍ ຈະ​ສາ­ມາດ​ເຕີບ​ໂຕ 7,2%

ບົດ​ລາຍ​ງານ​ຂອງ​ອົງ­ການກອງ​ທຶນ​ເງິນ­ຕາ​ສາ­ກົນ (IMF) ກ່ຽວ​ກັບ​ຄວາມ​ຫວັງ​ຂອງ​ເສດ​ຖະກິດ​ພາກ​ພື້ນ ທີ່​ໄດ້​ນຳ​ອອກມາ​ເປີດ ເຜີຍ​ເມື່ອ​ວັນ​ທີ 9 ພຶດ­ສະ­ພາ ໃຫ້ຮູ້​ວ່າ ອິນ​ເດຍ ​ຄາດ​ການ​ວ່າ​ຈະບັນ­ລຸ​ຈັງ­ຫວະ​ຄວາມ​ເຕີບ​ໂຕ​ເສດຖະ​ກິດ​ທີ່ 7,2% ໃນ​ສົກ​ການ​ເງິນ 2017-2018 ແລະ 7,7% ໃນສົກ​ການ​ເງິນ 2018-2019 ຫຼັງຈາກ​ທີ່​ໄດ້​ເກີດ​ຂາດ​ຕອນ​ໄປ ຍ້ອນການ​ທີ່​ລັດ­ຖະ­ບານ​ອິນ​ເດຍ​ ປະ­ຕິບັດ​ນະ­ໂຍ­ບາຍ​ການ​ປ່ຽນ​ເງິນ.

ບົດ​ລາຍ​ງານ​ຂອງ IMF ໃຫ້​ຮູ້ວ່າ ການ​ຂາດ​ຕອນ​ເປັນ​ການ​ຊົ່ວຄາວ (ຕົ້ນ­ຕໍ​ແມ່ນ​ການ​ບໍ­ລິ­ໂພກຂອງ​ພາກ​ເອ­ກະ​ຊົນ) ຍ້ອນ​ສະພາບ​ຂາດ­ແຄນ​ເງິນ­ສົດເກີດ​ຂຶ້ນ ໄປ​ພ້ອມໆ​ກັບ​ນະ­ໂຍ­ບາຍ​ປ່ຽນ​ເງິນກ່ອນ​ໜ້າ​ນັ້ນ ໂດຍ​ຄາດ​ວ່າ​ຈະຄ່ອຍໆ​ສິ້ນສຸດ​ລົງ​ໃນ​ປີ​ນີ້.

ບົດ​ລາຍ​ງານ​ດັ່ງ­ກ່າວ​ກໍ່​ໃຫ້​ຮູ້ວ່າ ຄວາມ​ເຕີບ​ໂຕ​ເສດ­ຖະ­ກິດ​ຢູ່ໃນ​ອາ­ຊີ ໄດ້​ຮັບ​ການ​ຄາດ​ຄະ­ເນວ່າ​ຈະ​ບັນ­ລຸ 5,5% ໃນ​ປີ​ນີ້ ທຽບໃສ່​ລະ­ດັບ​ເພີ່ມ​ຂຶ້ນ 5,3% ໃນປີ​ກາຍ.

ໃນ​ຂະ­ນະ​ດຽວ​ກັນ ຄວາມ​ເຕີບໂຕ​ເສດ­ຖະ­ກິດ​ຂອງ​ຈີນ ແລະ ຍີ່ປຸ່ນ ໄດ້​ຮັບ​ການ​ດັດ­ແກ້​ໄປ​ໃນ​ທິດເພີ່ມ​ຂຶ້ນ​ໃນ​ປີ​ນີ້ ເມື່ອທຽບ­ໃສ່​ບົດລາຍ​ງານກ່ຽວ​ກັບ​ຄວາມ​ຫວັງເສດ­ຖະ­ກິດ​ໂລກ ທີ່​ນຳ​ອອກ​ມາເມື່ອ​ເດືອນ​ຕຸ­ລາ ປີ 2016 ຊຶ່ງ​ຕົ້ນຕໍ​ແມ່ນ​ໄດ້ຈາກ​ການ​ສະ­ໜັບ​ສະໜູນ​ດ້ານ​ນະ­ໂຍ­ບາຍ ແລະ ບັນດາ​ຕົວ​ເລກ​ທີ່​ແຂງ​ແກ່ນ​ໃນ​ໄລ­ຍະມໍ່ໆມານີ້.

ຂ່າວທີ່ກ່ຽວຂ້ອງ