ລັດ­ຖະ­ມົນ­ຕີ​ການ​ຕ່າງ­ປະ­ເທດ ຣັດ​ເຊຍ-ສ ອາ​ເມ​ຣິ​ກາ ເຈລະ­ຈາ​ກ່ຽວ​ກັບບັນ­ຫາ ​ຊີ​ຣີ ແລະ ອູ​ແກຣນ

295 12 ພ.ພ. 2017 ຂ່າວຕ່າງປະເທດ
ລັດ­ຖະ­ມົນ­ຕີ​ການ​ຕ່າງ­ປະ­ເທດ ຣັດ​ເຊຍ-ສ ອາ​ເມ​ຣິ​ກາ ເຈລະ­ຈາ​ກ່ຽວ​ກັບບັນ­ຫາ ​ຊີ​ຣີ ແລະ ອູ​ແກຣນ

ຂ່າວ­ສານ AFP ລາຍ​ງານ​ວ່າ ລັດ­ຖະ­ມົນ­ຕີ​ການ​ຕ່າງ­ປະ­ເທດ ສ ອາ​ເມ​ຣິ​ກາ ເຣ​ສ ທີ​ເລີ​ສັນ ໄດ້​ພົບປະ​ກັບ​ລັດ­ຖະ­ມົນ­ຕີການ​ຕ່າງ​ປະເທດ​ຣັດ​ເຊຍ ແຊກ​ເກ ລາບ​ຣອບ ທີ່­ຢູ່​ລະ­ຫວ່າງ​ການ​ຢ້ຽມ­ຢາມ ສ ອາ​ເມ​ຣິ​ກາ ເມື່ອ​ວັນ​ທີ 10 ພຶດ​ສະພາ​ນີ້ ເພື່ອ​ເຈລະ­ຈາ​ກັນ​ກ່ຽວ​ກັບສະ­ພາບ​ການ​ຢູ່​ໃນ​ປະ­ເທດ​ຊີ​ຣີ ແລະ ອູ​ແກຣນ ລວມ​ເຖິງ​ບັນ­ຫາອື່ນໆທີ່​ສອງ​ຝ່າຍ​ໃຫ້​ຄວາມສົນໃຈ.

ເພື່ອ​ກະ­ກຽມ​ໃຫ້​ແກ່​ການ​ພົບປະ​ຂອງ​ລັດ­ຖະ­ມົນ­ຕີ​ທັງ​ສອງ​ດັ່ງກ່າວ​ນັ້ນ ຮອງ​ລັດ­ຖະ­ມົນ­ຕີ​ການຕ່າງ­ປະ­ເທດ​ຣັດ​ເຊຍ ແຊກ​ເກ ຣຽບ​ກອບ ໄດ້​ມີ​ການ​ປຶກ­ສາ​ຫາ­ລືກັບ​ວ່າ­ການ​ຮອງ​ລັດ­ຖະ­ມົນ­ຕີການ​ຕ່າງ­ປະ­ເທດ ສ ອາ​ເມ​ຣິ​ກາ ໂທມາ​ສ ຊັນ​ນອນ ຢູ່ທີ່​ນະ­ຄອນນີວ​ຢອກ ເມື່ອ​ວັນ​ທີ 8 ພຶດ­ສະ­ພາ ໂດຍ​ສອງ​ຝ່າຍ​ໄດ້​ເວົ້າ​ເຖິງ​ຄວາມເປັນ​ໄປ​ໄດ້ຂອງ​ການ​ເຊື່ອມ​ຕໍ່ການເຈລະ­ຈາ​ແບບ​ສອງ​ຝ່າຍ ກ່ຽວ​ກັບ​ບັນ­ຫາ​ຄວາມ​ໝັ້ນ­ຄົງ​ຍຸດ​ທະ​ສາດ.

ຂ່າວ​ແຈ້ງ­ວ່າ ຫຼັງ​ຈາກ​ການ​ພົບປະ​ຂອງ​ລັດ­ຖະ­ມົນ­ຕີ​ທັງ​ສອງ​ແລ້ວ​ ໃນ​ວັນ​ດຽວ​ກັນ ທ່ານ ລາບ​ຣອບ ກໍ່​ໄດ້​ພົບ​ປະ​ກັບ​ປະ­ທາ­ນາ­ທິ­ບໍ­ດີ ສ ອາ​ເມ​ຣິ​ກາ ໂດ​ນາ​ລ ທຣັມ ຢູ່​ທີ່ທຳ​ນຽບ​ຂາວ ໂດຍ​ໄດ້​ມີ​ການ​ປຶກສາ​ຫາ­ລື​ກ່ຽວ​ກັບ​ສະ­ພາບ​ການຢູ່​ໃນ​ຊີ​ຣີ ແລະ ບັນ­ຫາ​ອື່ນໆທີ່ຕ່າງ​ຝ່າຍ​ຕ່າງ​ໃຫ້​ຄວາມ​ສົນ­ໃຈ.

ຂ່າວທີ່ກ່ຽວຂ້ອງ