ສປຊ ກ່າວ​ປະ­ນາມ​ເຫດ­ການ​ໂຈມ​ຕີ​ກອງ​ກຳ­ລັງ​ຮັກ­ສາ​ສັນ­ຕິ­ພາບ ຢູ່ ສ ອາ​ຟຣິ​ກາ​ກາງ

318 12 ພ.ພ. 2017 ຂ່າວຕ່າງປະເທດ
ສປຊ ກ່າວ​ປະ­ນາມ​ເຫດ­ການ​ໂຈມ​ຕີ​ກອງ​ກຳ­ລັງ​ຮັກ­ສາ​ສັນ­ຕິ­ພາບ ຢູ່ ສ ອາ​ຟຣິ​ກາ​ກາງ

ເລ­ຂາ­ທິ­ການ​ໃຫຍ່ ສປຊ ອັນໂຕ​ນີ​ໂອ ກູ​ເຕີ​ເຣ​ສ ໄດ້​ກ່າວ​ປະນາມ​ຢ່າງ​ແຂງ­ແຮງ ເມື່ອ​ວັນ​ທີ 9 ພຶດ­ສະ­ພາ​ນີ້ ຕໍ່​ເຫດ­ການໂຈມ​ຕີຂະ​ບວນ​ລົດ​ຂອງ​ຄະ­ນະ ສປຊ ຢູ່ໃນ ສ ອາ​ຟຣິ​ກາ​ກາງ (MINUSCA) ເມື່ອ​ວັນ​ທີ 8 ພຶດສະ­ພາ​ທີ່​ຜ່ານ​ມາ ເປັນເຫດ​ໃຫ້ພົນ­ທະ­ຫານ​ຂອງ​ກອງ​ກຳ­ລັງ​ດັ່ງກ່າວເສຍ​ຊີ­ວິດ 4 ຄົນ.

ແຈ້ງ​ການ​ຂອງ MINUSCA ໃຫ້​ຮູ້​ວ່າ ການ​ໂຈມ​ຕີ​ດ້ວຍ​ການປະ­ກອບ​ອາ­ວຸດ ມຸ່ງ​ໃສ່​ຂະ​ບວນລົດ​ຂອງ MINUSCA ເກີດຂຶ້ນ​ຢູ່ທາງ​ທິດ­ຕາ­ເວັນ­ອອກ​ສຽງ​ໃຕ້ ສ ອາ​ຟຣິ​ກາ​ກາງ ໃກ້​ກັບ​ຊາຍ​ແດນ ສປ ກົງ​ໂກ.

ຂ່າວ​ແຈ້ງ­ວ່າ ປັດ­ຈຸ­ບັນ​ນີ້ ຍັງ​ມີພົນ­ທະ­ຫານ​ຂອງ MINUSCA ຫາຍ​ສາບ​ສູນ 1 ຄົນ ແລະ ອີກ 10 ຄົນ ໄດ້​ຮັບ​ບາດ­ເຈັບ ຊຶ່ງ​ພວມໄດ້​ຮັບ​ການ​ປິ່ນ­ປົວ​ຢູ່​ໃນ​ໂຮງ­ໝໍໃນ​ນະ­ຄອນ­ຫຼວງບັງ​ກຸຍ.

ຂະ­ນະ​ນີ້ MINUSCA ພວມ​ຜັນຂະ­ຫຍາຍ​ການ​ປະ­ຕິ­ບັດ​ໜ້າ­ທີ່ຂອງ​ທະ­ຫານ​ປະ­ມານ 10.000 ຄົນ ແລະ ​ຕຳ­ຫຼວດ 2.000 ຄົນ ຢູ່​ໃນ ສ ອາ​ຟຣິກ​ກາ​ກາງ.

ຂ່າວທີ່ກ່ຽວຂ້ອງ