ຈັດ​ເວ­ທີ​ປາ​ໄສ​ການ­ທ່ອງ­ທ່ຽວ​ປາ​ຊີ​ຟິກ ໃນ​ເຂດ​ຕາ­ເວັນ​ອອກ​ໄກ​ຂອງ​ຣັດ​ເຊຍ

251 22 ພ.ພ. 2017 ຂ່າວຕ່າງປະເທດ
ຈັດ​ເວ­ທີ​ປາ​ໄສ​ການ­ທ່ອງ­ທ່ຽວ​ປາ​ຊີ​ຟິກ ໃນ​ເຂດ​ຕາ­ເວັນ​ອອກ​ໄກ​ຂອງ​ຣັດ​ເຊຍ

ເວ­ທີ​ປາ​ໄສ​ການ­ທ່ອງ­ທ່ຽວ​ປາຊີ​ຟິກ ຄັ້ງ​ທີ 3 ໄດ້​ໄຂ​ຂຶ້ນ​ເມື່ອ​ວັນ​ທີ 18 ພຶດ­ສະ­ພາ ຢູ່​ທີ່​ນະ­ຄອນ ວາລາ​ດີວ​ົສ​ຕົກ ໃນ​ເຂດຕາ­ເວັນ​ອອກໄກ​ຂອງ​ຣັດ​ເຊຍ ໂດຍ​ດຶງ​ດູດ​ຊ່ຽວຊານ​ເຂົ້າ​ຮ່ວມ​ປະ­ມານ 40 ຄົນ ຈາກ​ຣັດ​ເຊຍ ຈີນ ຍີ່­ປຸ່ນ ສ ເກົາ­ຫຼີ ແລະ ປະ­ເທດ​ອື່ນໆ ເວ­ທີ​ປາ​ໄສດັ່ງ­ກ່າວມີ​ກຳ­ນົດ​ແກ່­ຍາວ​ຮອດວັນ​ທີ 21 ພຶດ­ສະ­ພາ​ນີ້.

ຄຽງ​ຄູ່​ກັບ​ການ­ເຄື່ອນ­ໄຫວ​ສົນທະ​ນາ ເພື່ອ​ໂຄ­ສະ­ນາຊຸກ­ຍູ້​ການພັດ­ທະ­ນາ​ເສັ້ນ­ທາງ​ການ​ທ່ອງທ່ຽວ​ຂ້າມ​ຊາຍ​ແດນ ຢູ່​ໃນ​ເຂດອາ­ຊີ​ຕາ­ເວັນ​ອອກ​ສຽງ​ເໜືອ ເຂດຕາ­ເວັນ​ອອກ​ໄກ ແລະ ຊີ​ເບ​ເຣຍຂອງ​ຣັດ​ເຊຍແລ້ວ ໃນ​ຂອບ​ຂອງເວ­ທີ​ປາ​ໄສ​ດັ່ງ­ກ່າວຍັງ​ດຳ­ເນີນການ­ເຄື່ອນ­ໄຫວ​ດ້ານ​ການ​ຄ້າຢູ່ໃນ​ຂອບ​ຂອງ​ໂຄງ­ການ ເຊັ່ນ ເວ­ທີປາ​ໄສ​ສາ­ກົນ​ກ່ຽວ​ກັບ​ເຂດ​ອາ­ຊີຕາ­ເວັນ​ອອກ​ສຽງ​ເໜືອ ວາງ​ສະແດງ​ການ­ທ່ອງ­ທ່ຽວ​ສາ­ກົນ ປາ​ຊີຟິກ ປະ­ຈຳ​ປີ ວາງ­ສະ­ແດງ​ກຳປັ່ນ ແລະ ເຮືອ​ແພ Vladivostok ແລະ ການ­ເຄື່ອນ­ໄຫວ “ວັນ​ແຫ່ງການ­ທ່ອງ­ທ່ຽວ” ນຳ​ອີກ.

ເວ­ທີ​ປາ​ໄສ​ການ­ທ່ອງ­ທ່ຽວ​ປາ​ຊີຟິກ ໄດ້​ຮັບ​ການ​ຈັດ​ຂຶ້ນ​ປະ­ຈຳ​ປີມາ​ຕັ້ງ­ແຕ່​ປີ 2015 ຢູ່​ໃນ​ເຂດ​ຕາເວັນ​ອອກ​ໄກ​ຂອງ​ຣັດເຊຍ ເພື່ອຊຸກ­ຍູ້​ການ​ໂຄ­ສະ­ນາ ແລະ ຂຸດຄົ້ນ​ຄວາມ​ສາ­ມາດ​ບົ່ມ​ຊ້ອນ ທ່າແຮງ​ດ້ານ​ການ­ທ່ອງ­ທ່ຽວໃນ​ເຂດຕາ­ເວັນ​ອອກໄກ​ຂອງ​ຣັດ​ເຊຍ ແລະ​ ບັນ­ດາ​ປະ­ເທດ​ໃນ​ເຂດ​ອາ­ຊີ-ປາ​ຊີ​ຟິກ.

ຂ່າວທີ່ກ່ຽວຂ້ອງ