ຂ່າວຫຼ້າສຸດ

ກອງທັບນີເຊເຣຍ ຊ່ວຍເຫຼືອເດັກນ້ອຍອອກມາຈາກກຸ່ມ ໂບໂກ ຮາຣາມ

290 14 ມິ.ນ. 2017 ຂ່າວຕ່າງປະເທດ
ກອງທັບນີເຊເຣຍ ຊ່ວຍເຫຼືອເດັກນ້ອຍອອກມາຈາກກຸ່ມ ໂບໂກ ຮາຣາມ

ກອງ­ທັບ​ນີ​ເຊ​ເຣຍ ຊ່ວຍ­ເຫຼືອ​ເດັກ­ນ້ອຍ​ອອກ​ມາ​ຈາກ​ກຸ່ມ ໂບ​ໂກ ຮາ​ຣາມ ໂຄ­ສົກ​ຂອງ​ກອງ­ທັບ​ນີ​ເຊ​ເຣຍ ແຈ້ງ​ໃຫ້​ຮູ້­ເມື່ອ​ວັນ​ທີ 12 ມິ­ຖຸ­ນາ​ນີ້ວ່າ ຫຼັງ​ຈາກ​ທີ່​ໄດ້​ສັງ­ຫານ​ພວກ​ມື​ປືນ​ທີ່​ຂຶ້ນ​ກັບກຸ່ມ​ໂບ​ໂກ ຮາ​ຣາມ  ເປັນ​ຈຳ­ນວນ​ຫຼາຍ​ແລ້ວ ກອງ­ທັບ​ຂອງ​ປະເທດ​ນີ້​ ໄດ້​ຊ່ວຍ­ເຫຼືອ​ເດັກ­ນ້ອຍ 9 ຄົນ​ອອກ​ມາ​ຈາກ​ກຸ່ມ​ດັ່ງ­ກ່າວ ຢູ່​ໃນ​ລັດ​ບໍ​ໂນ.

ໂຄ­ສົກ​ດັ່ງ­ກ່າວ​ຢືນ­ຢັນ​ວ່າ ເດັກ­ນ້ອຍ​ທັງ 9 ຄົນ​ທີ່​ໄດ້​ຮັບຄວາມ​ຊ່ວຍ­ເຫຼືອ​ນຳ​ຕົວ​ອອກມາ​ໄດ້​ນັ້ນ ພວມ​ຢູ່​ລະ­ຫວ່າງການ​ເຂົ້າ​ຮ່ວມ​ບຳ­ລຸງ​ສ້າງດ້ານ​ການ​ທະ­ຫານ​ຢູ່​ໃນ​ຄ້າຍ​ເຝິກ­ຊ້ອມ​ແຫ່ງ​ໜຶ່ງ​ຂອງ​ກຸ່ມ ໂບ​ໂກ ຮາ​ຣາມ.

ໂບ​ໂກ ຮາ​ຣາມ ເຄື່ອນ​ໄຫວ​ປະ­ກອບ​ອາ­ວຸດ​ມາ​ໄດ້ 8 ປີແລ້ວ ເພື່ອ​ແນ­ໃສ່​ສ້າງ­ຕັ້ງ​ລັດ​ອິ​ສລາມ​ຂຶ້ນ​ມາ​ຢູ່​ໃນ​ພາກ​ພື້ນ ເຫດ­ການ​ຮຸນ​ແຮງ​ທີ່​ພົວ­ພັນເຖິງ​ກຸ່ມ​ດັ່ງ­ກ່າວ​ຢູ່​ໃນ​ນີ​ເຊ​ເຣຍ ແລະ ບາງ​ປະ­ເທດ​ທີ່­ຢູ່​ໃກ້​ຄຽງ ເຊັ່ນ: ກາ​ເມີ​ຣູນ ນີ​ເຊ ແລະ ສາທາ​ລະ­ນະ​ລັດ​ ຈາດ ທີ່​ຜ່ານ​ມາ ໄດ້​ເຮັດ​ໃຫ້ມີ​ຜູ້​ເສຍ​ຊີ­ວິດ​ແລ້ວ 20.000 ກວ່າ​ຄົນ ແລະ ເຮັດ​ໃຫ້ອີກ​ຢ່າງ​ໜ້ອຍ 2,6 ລ້ານ​ຄົນ ​ຕ້ອງໜີ​ອອກ​ໄປ​ຈາກ​ເຮືອນ​ຊານເພື່ອ​ລີ້​ໄພ.

ຂ່າວທີ່ກ່ຽວຂ້ອງ