ຈີນ ທົດ​ລອງ​ແລ່ນ​ລົດ­ໄຟ​ໃຕ້​ດິນ​ບໍ່​ມີ​ຄົນ​ຂັບ​ສາຍ​ທຳ​ອິດ

277 14 ມິ.ນ. 2017 ຂ່າວຕ່າງປະເທດ
ຈີນ ທົດ​ລອງ​ແລ່ນ​ລົດ­ໄຟ​ໃຕ້​ດິນ​ບໍ່​ມີ​ຄົນ​ຂັບ​ສາຍ​ທຳ​ອິດ

ຕາມ​ຂ່າວ­ສານ​ຊິນ​ຮວາ ທາງ​ລົດ­ໄຟ​ໃຕ້​ດິນ​ຕອນ​ທຳ​ອິດ​ຂອງ​ສາຍ​ຢຽນ​ຝາງ ໃນ​ນະ­ຄອນຫຼວງ​ປັກ​ກິ່ງ ຊຶ່ງ​ເປັນ​ທາງ​ລົດໄຟ​ອັດ­ຕະ­ໂນ­ມັດ ຫຼື​ວ່າ​ລົດ­ໄຟບໍ່​ມີ​ຄົນ​ຂັບ​ສາຍ​ທຳ​ອິດ​ຂອງຈີນ ໄດ້​ເລີ່ມ​ທົດ​ລອງ​ແລ່ນ​ໃນວັນ​ທີ 12 ມິ­ຖຸ­ນາ​ນີ້ ຂະ­ນະ​ດຽວກັນ​ກໍ​ຈະ​ທົດ​ລອງ​ແລ່ນ​ຕະ­ຫຼອດສາຍ ແລະ ມີ​ແຜນ­ການ​ເລີ່ມເປີດ​ບໍ­ລິ­ການ​ໃນ​ທ້າຍ​ປີ​ນີ້.

ບໍ­ລິ­ສັດ​ທີ​ໜຶ່ງ​ຂອງ​ກຸ່ມບໍ­ລິ­ສັດ​ທາງ​ລົດ­ໄຟ​ຈີນ ຫຼື ບໍ­ລິ­ສັດ​ຈົ່ງ​ເຖ ໃຫ້​ຮູ້​ວ່າ ລົດ­ໄຟ​ສາຍຢຽນ​ຝາງ ແລ່ນ​ດ້ວຍ​ຄວາມ​ໄວ 80  ກິ­ໂລ­ແມັດ​ຕໍ່​ຊົ່ວ­ໂມງ ປະກອບ​ມີ 4 ຕູ້ ແລະ ສາ­ມາດ​ບັນ­ທຸກ​ຜູ້­ໂດຍ­ສານ​ໄດ້​ຫຼາຍ​ເຖິງ 1262 ຄົນ.

ຂ່າວ​ແຈ້ງ­ວ່າ ລົດ­ໄຟ​ທີ່​ແລ່ນ​ອັດ­ຕະ­ໂນ­ມັດມີ​ຈຸດ​ດີ​ກວ່າ​ໝູ່​ຄື​ ສາ­ມາດ​ແລ່ນ​ດ້ວຍ​ຄວາມທ່ຽງ ບໍ່​ວ່າ​ຈະ​ເປັນ​ການ​ອອກ​ລົດ ເລັ່ງ​ຄວາມ​ໄວ ຈອດ ຫຼື ລະ­ຫວ່າງ​ການ​ແລ່ນ​ໂດຍ​ລະ­ບົບ​ຄອມ​ພີວ​ເຕີ ສາ­ມາດ​ຄວບ​ຄຸມ​ລົດໄຟ​ໃຫ້​ທຸກ​ຂັ້ນ​ຕອນ​ແລ່ນ​ໃຫ້ທ່ຽງ ຊຶ່ງ​ຮັບ­ປະ­ກັນ​ເຮັດ​ໃຫ້​ຜູ້ໂດຍ­ສານ​ມີຄວາມ​ສະ­ຫວາດສະ­ເຫວີຍ​ທີ່​ສຸດ.

ຂ່າວທີ່ກ່ຽວຂ້ອງ