ຂ່າວຫຼ້າສຸດ

ເກືອບ 1.000 ຄົນ ຖືກ​ອາ­ຫານ​ເປັນ​ພິດ ຢູ່​ໃນ​ຄ້າຍ​ລີ້​ໄພ​ໃນ​ອີ​ຣັກ

294 15 ມິ.ນ. 2017 ຂ່າວຕ່າງປະເທດ
ເກືອບ 1.000 ຄົນ ຖືກ​ອາ­ຫານ​ເປັນ​ພິດ ຢູ່​ໃນ​ຄ້າຍ​ລີ້​ໄພ​ໃນ​ອີ​ຣັກ

ທ່ານ ໄຈ​ຮິດ ອາ​ລ ຄາ​ໂຕ​ນີ ສະ­ມາ­ຊິກ​ສະ­ພາ​ລັດ​ຖະ​ສະ­ພາ​ອີ​ຣັກ ກ່າວ​ເມື່ອ​ວັນ​ທີ 13 ມິ­ຖຸ­ນາ​ນີ້​ວ່າ ໃນວັນ​ທີ 12 ມິ­ຖຸ­ນາ ມີ​ເດັກ­ນ້ອຍ​ເສຍ​ຊີ­ວິດ​ຢ່າງ​ໜ້ອຍ 1 ຄົນ ແລະ ມີ​ຜູ້​ມີ​ບັນ­ຫາ​ກ່ຽວ​ກັບ​ສຸ­ຂະ­ພາບ​ອີກ 900 ກວ່າ​ຄົນ ໃນ​ເຫດ­ການ​ອາ­ຫານເປັນ​ພິດ​ລວມ​ໝູ່ ໃນ​ເວ­ລາ​ນຳ​ໃຊ້ (ກິນ) ອາ­ຫານ​ທີ່​ເກີນ​ກຳ­ນົດ​ໃຊ້ ຢູ່​ໃນ​ຄ້າຍ​ຜູ້​ລີ້​ໄພ ອາ​ລ ຄາ​ຊີ 2 ໃກ້​ກັບ​ນະ­ຄອນ ໂມ​ຊູລ ຂອງ​ອີ​ຣັກ.

ຂ່າວ​ແຈ້ງ­ວ່າ ຜູ້​ໄດ້​ຮັບ​ເຄາະຮ້າຍ​ນັ້ນ ຕົ້ນ­ຕໍ​ແມ່ນ​ເດັກ­ນ້ອຍ ແມ່­ຍິງ ແລະ ຄົນ​ສູງ​ອາ­ຍຸ ຊຶ່ງ​ພວກ​ເຂົາ​ມີ​ອາ­ການ​ຮາກ ແລະ ເຈັບ­ທ້ອງ ຫຼັງ​ກິນ​ອາ­ຫານ​ເຊົ້າ​ໃນ​ມື້​ນັ້ນ ສ່ວນປະ­ສົມ​ໃນ​ອາ­ຫານປະ­ກອບ​ມີ ​ໝາກ­ຖົ່ວ ເຂົ້າ ຊີ້ນ​ໄກ່ ແລະ ​ນົມ​ສົ້ມ.

ຂ່າວທີ່ກ່ຽວຂ້ອງ