ກອງ​ກຳ­ລັງ​ທະ­ຫານ​ອາ­ກາດ ສ.ອາ​ເມ​ຣິ​ກາ ຍິງ​ເຮືອ­ບິນ​ຂອງ​ກອງ­ທັບ​ຊີ​ຣີ​ ຕົກ

308 20 ມິ.ນ. 2017 ຂ່າວຕ່າງປະເທດ
ກອງ​ກຳ­ລັງ​ທະ­ຫານ​ອາ­ກາດ ສ.ອາ​ເມ​ຣິ​ກາ ຍິງ​ເຮືອ­ບິນ​ຂອງ​ກອງ­ທັບ​ຊີ​ຣີ​ ຕົກ

ກອງ­ທັບ​ຊີ​ຣີ ແຈ້ງ​ໃຫ້​ຮູ້­ເມື່ອ​ວັນ​ທີ 18 ມິ­ຖຸ­ນາ​ນີ້​ວ່າ ກອງ​ກຳ­ລັງ​ປະ­ສົມ ອັນ​ມີ ສ.ອາ​ເມ​ຣິ​ກາ ເປັນ​ແກນ​ນຳ ໄດ້​ຍິງ​ເຮືອ­ບິນ​ຂອງ​ກອງ­ທັບ​ຊີ​ຣີ ຕົກ 1 ລຳ ຢູ່​ໃນ​ເຂດ​ຊົນ­ນະ­ບົດ ໃນ​ແຂວງ​ຣັກ​ກາ (ຊີ​ຣີ) ໃນ​ຂະ­ນະ​ທີ່​ເຮືອ­ບິນ​ຂອງ​ຊີ​ຣີ ພວມ​ປະ­ຕິ­ບັດ​ໜ້າ­ທີ່​ການ​ສູ້​ຮົບ​ຕ້ານ​ກັບ​ພວກ​ມື​ປືນ ທີ່​ຂຶ້ນ​ກັບ​ອົງ­ການ​ລັດ​ອິ​ສລາມ (IS).

ໂທລະ­ພາບ​ແຫ່ງ​ລັດ​ຊີ​ຣີ ອ້າງ​ຕາມ​ຖະ­ແຫຼງ­ການ​ຂອງ​ກອງ­ທັບ​ປະ­ເທດ​ນີ້​ໃຫ້​ຮູ້​ວ່າ ເຮືອ­ບິນ​ທີ່​ຖືກ​ຍິງ​ນັ້ນ ໄດ້​ຕົກ ແລະ ນັກ​ບິນ​ກໍ​ຫາຍ​ສາບ​ສູນ ເຫດ­ການ​ນັ້ນ​ເກີດ​ຂຶ້ນ​ໃນ​ຕອນ​ບ່າຍ​ວັນ​ທີ 18 ມິ­ຖຸ­ນາ ຢູ່​ໃກ້​ກັບ​ພື້ນ​ທີ່​ບ້ານ​ຣາ​ຊາ​ຟາ.

ໃນ​ຂະ­ນະ​ດຽວ ກັນ​ນັ້ນ​ກອງ­ທັບ​ຂອງ ສ.ອາ​ເມ​ຣິ​ກາ ກໍ​ໄດ້​ຢັ້ງ­ຢືນ​ວ່າ ເຮືອ­ບິນ​ຂອງ ສ.ອາ​ເມ​ຣິ​ກາ ລຳ​ໜຶ່ງ ໄດ້​ຍິງ​ເຮືອ­ບິນ​ການ​ທະ­ຫານ​ຂອງ​ຊີ​ຣີ ຕົກ ໃນ​ລະ­ຫວ່າງ​ທີ່​ເຮືອ­ບິນ​ລຳ​ທີ່​ຖືກ​ຍິງ​ນັ້ນ ປະ­ຕິ­ບັດ​ການ​ຖິ້ມ​ລະ­ເບີດ​ໃສ່​ຈຸດ​ທີ່­ຢູ່​ໃກ້​ກັບ​ພວກ​ມື​ປືນ​ທີ່​ຂຶ້ນ​ກັບ​ກອງ​ກຳ­ລັງ​ປະ­ຊາ­ທິ­ປະ­ໄຕ​ຊີ​ຣີ (SDF) ຊຶ່ງ​ເປັນ​ພັນ­ທະ​ມິດ​ຂອງ​ຊາວ​ເຄີດŒອາ​ຣັບ ໂດຍ​ແມ່ນ ສ.ອາ​ເມ​ຣິ​ກາ ໃຫ້­ການ​ໜູນ​ຫຼັງ.

ຂ່າວທີ່ກ່ຽວຂ້ອງ