ແຂ່ງ​ຂັນ​ກ໊ອ​ຟລະ​ດົມ​ທຶນ​ຊ່ວຍ​ທີມ​ຊາດ ຮ່ວມ​ຊີ­ເກມ

327 01 ສ.ຫ. 2017 ວົງຈອນກີລາ
ແຂ່ງ​ຂັນ​ກ໊ອ​ຟລະ​ດົມ​ທຶນ​ຊ່ວຍ​ທີມ​ຊາດ ຮ່ວມ​ຊີ­ເກມ

ການ​ແຂ່ງ­ຂັນ​ກີ​ລາກ​໊ອຟ​ຊີງ​ຂັນ​ທ່ານ​ນາ­ຍົກ­ລັດ­ຖະ­ມົນ­ຕີ​ປະ­ຈຳ​ປີ 2017 ເພື່ອ​ລະ­ດົມ​ທຶນ​ຊ່ວຍ​ນັກ​ກີ​ລາກ​໊ອຟ​ທີມ​ຊາດ​ລາວ ກຽມ​ເຂົ້າ​ຮ່ວມ​ງານ​ມະ​ຫະ​ກຳ​ກີ­ລາ​ຊີ­ເກມ ຄັ້ງ​ທີ 29  ຫຼື ກົວ​ລາ​ລຳ​ເປີ​ເກມ 2017 ທີ່​ສະ­ໜາມ​ກີ­ລາ ເລັກ​ວິວ ກ໊ອຟ ຄລັບ ວຽງ​ຈັນ ເມືອງ​ໄຊ​ເຊດ​ຖາ ນະ­ຄອນ­ຫຼວງ​ວຽງ​ຈັນ ດຳ­ເນີນ​ມາ​ເປັນ​ເວ­ລາ 3 ວັນ ຮອດ​ວັນ​ທີ 30 ກໍ­ລະ­ກົດ 2017 ໄດ້​ສຳ­ເລັດ ໃຫ້​ກຽດ​ເຂົ້າ​ຮ່ວມ ແລະ ມອບ​ລາ­ງວັນ​ໂດຍ​ທ່ານ ບຸນ​ທອງ ຈິດ​ມະ­ນີ ຮອງ​ນາຍ​ຍົກ​ລັດ­ຖະ­ມົນ­ຕີ ມີ​ບັນ­ດາ​ລັດ­ຖະ­ມົນ­ຕີ ພ້ອມ​ດ້ວຍ​ຄະ­ນະ​ບໍ­ລິ­ຫານ​ງານ​ສະ­ຫະ­ພັນ​ກີ​ລາກ​໊ອຟ​ແຫ່ງ​ຊາດ ແລະ ນັກ​ກີ​ລາກ​໊ອຟ.

ສຳ­ລັບ​ການ​ແຂ່ງ­ຂັນ​ຄັ້ງ​ນີ້ ປະ ກອບ​ມີ ຮຸ່ນ​ທົ່ວ​ໄປ ສາຍ ກ ສາຍ ຂ ສາຍ ຄ ແລະ ປະ­ເພດ​ທີມ  ມີ​ນັກ­ກີ­ລາ​ສະ­ມັກ​ຫຼິ້ນ​ອ້ອມ​ຂ້າງ​ສູນ​ກາງ​ເຂົ້າ​ຮ່ວມ 53 ຄົນ ສຳ­ລັບ​ສາຍ​ທົ່ວ​ໄປ​ມີ​ນັກ­ກີ­ລາ​ທີມ​ຊາດ​ລົງ​ສະ­ໜາມ​ແຂ່ງ­ຂັນ​ເພື່ອ​ທົດ​ສອບ​ຄວາມ​ສາ­ມາດ​ມີ 25 ຄົນ ສ່ວນ​ປະ­ເພດ​ສາຍ ມີ 28  ຄົນ ໃນ​ນັ້ນ​ມີ​ການ​ລົງ­ທະ­ບຽນ​ສຳ​ລະ​ເງິນ​ເພື່ອ​ປະ­ກອບ­ສ່ວນ​ເປັນ​ກອງ​ທຶນ​ຊ່ວຍ­ເຫຼືອ​ການ​ກະ­ກຽມ​ຄວາມ​ພ້ອມ​ໃຫ້​ແກ່​ທີມ​ນັກ​ກີ​ລາກ​໊ອຟ​ທີມ​ຊາດ​ລາວ ເຂົ້າ​ຮ່ວມ​ຊີ­ເກມ ຄັ້ງ​ທີ 29 ຜູ້​ລະ 2,5 ລ້ານ​ກີບ ສະ­ເພາະ​ບຸກ­ຄົນ ປະ­ເພດ​ທີມ ທີມ​ລະ 2,6 ລ້ານ​ກີບ.

ຜົນ​ປາ­ກົດ​ວ່າ: ຮຸ່ນ​ທົ່ວ​ໄປ​ຊະນະ​ເລີດ​ໄດ້­ແກ່​ທ່ານ ສັນ­ຕິ ສີ​ທຸມ​ພະ​ລັດ ຮອງ​ຊະ­ນະ​ເລີດ​ທ່ານ ໄຊ​ຍິ່ງ ຕົງ​ເຢີ​ທໍ່ ແລະ ອັນດັບ 3 ທ່ານ ສີ​ປະ­ເສີດ ພັນ​ແພງ​ດີ ສຳ­ລັບ​ສາຍ ກ ອັນ​ດັບ 1 ທ່ານ ແດງ​ທຽນ ເຫຼີຍ ອັນ​ດັບ 2 ທ່ານ ສຸ­ທາ ສີ​ສະ­ອາດ ແລະ ອັນ​ດັບ 3 ທ່ານ ວົງ​ວິ­ຫານ ຂັນ​ສະ​ນະ​ວົງ ສາຍ ຂ ອັນ​ດັບ 1 ທ່ານ ວິ­ລະ​ເດດ ວົງ​ໄຊ ອັນ​ດັບ 2 ທ່ານ ທະ­ວີ​ຊັບ ວົງ​ໄຊ ແລະ ອັນ​ດັບ 3 ທ່ານ ວຽງ​ແກ້ວ ບົວ​ໄລ​ວັນ ສາຍ ຄ ອັນ​ດັບ 1 ທ່ານ ອາ​ລາ​ວອນ ວົງ​ສັນ­ຕິ ອັນ​ດັບ 2 ທ່ານ ວິ​ໄຊ ອິນ​ທະວົງ ແລະ ອັນ​ດັບ 3 ທ່ານ ອາ​ນຸ​ລັກ ຄຳ​ມາ​ວົງ ສ່ວນ​ປະ­ເພດ​ທີມ​ອັນ​ດັບ 1 ທີມ​ໂຮງ­ແຮມ​ເຮືອງ​ຈະ­ເລີນ ອັນ​ດັບ 2 ທີມ​ກະ­ຊວງ​ປ້ອງ​ກັນ​ປະ­ເທດ ແລະ ອັນ​ດັບ 3 ທີມ​ຮ້ານ​ອາ­ຫານ​ໂກ​ດັງ.

ຂ່າວທີ່ກ່ຽວຂ້ອງ