ໃຫ້ຄວາມຮູ້ການນຳໃຊ້ເຄື່ອງວັດແທກນ້ຳ ດ້ວຍລະບົບເລເຊີ

159 10 ສ.ຫ. 2017 ຂ່າວໜ້າ​ໜຶ່ງ
ໃຫ້ຄວາມຮູ້ການນຳໃຊ້ເຄື່ອງວັດແທກນ້ຳ ດ້ວຍລະບົບເລເຊີ

ກົມ​ເຕັກ​ໂນ​ໂລ​ຊີ ແລະ ນະ​ວັດຕະ​ກຳ ກະຊວງ​ວິທະຍາສາດ ແລະ ເຕັກ​ໂນ​ໂລ​ຊີ ຮ່ວມ​ກັບສະ​ຖາ​ບັນ​ຂໍ້​ມູນ-ຂ່າວສານ ຊັບພະຍາກອນ​ນ້ຳ ແລະ ກະສິກຳ ກະຊວງ​ວິທະຍາສາດ ແລະ ເຕັກໂນ​ໂລ​ຊີ ປະເທດ​ໄທ ຈັດ​ເຝິກ​ອົບຮົມ​ກ່ຽວ​ກັບ​ການ​ນຳ​ໃຊ້​ຂໍ້​ມູນ ຈາກ​ສະຖານີ​ວັດແທກ​ລະດັບ​ນ້ຳ ແລະ ສະພາບ​ອາກາດ ແລະ ການ​ບຳລຸງ​ຮັກສາ​ສະຖານີ ຂຶ້ນວັນ​ທີ 9-10 ສິງຫາ 2017 ທີ່​ກະຊວງເປັນ​ປະທານ​ຂອງ​ທ່ານ ສຸ​ມານະ ຈຸລາມະນີ ຫົວໜ້າ​ກົມ​ເຕັກ​ໂນ​ໂລ​ຊີ ແລະ ນະ​ວັດຕະ​ກຳ ມີ​ທ່ານ​ນາງ ສີ​ສຸດາ ສຸກ​ສະ​ໜານ ຜູ້ອຳນວຍການ​ຝ່າຍບໍລິຫານ​ຄວາມ​ຮ່ວມ​ມື ແລະ ສື່ສານ​ອົງການ​ປະເທດ​ໄທ ພ້ອມດ້ວຍ​ບັນດາ​ພະແນກການ ຫ້ອງການ​ກ່ຽວຂ້ອງ ແລະ ພະນັກງານວິຊາ​ການ​ສອງ​ຝ່າຍ​ເຂົ້າ​ຮ່ວມ.

ຈຸດປະສົງ​ເພື່ອ​ເຮັດ​ໃຫ້​ຜູ້​ເຂົ້າຮ່ວມ​ ໄດ້​ຮຽນ​ຮູ້​ກ່ຽວ​ກັບ​ອົງ​ປະກອບ​ຂອງ​ເຄື່ອງ​ໂທລະ​ມາດ ຄຸນລັກສະນະ ແລະ ຫຼັກການ​ເຮັດວຽກ​ຂອງ​ເຄື່ອງ​ດັ່ງກ່າວ ສາມາດນຳ​ໃຊ້​ຂໍ້​ມູນ​ຈາກ​ສະຖານີ​ວັດແທກ​ລະດັບ​ນ້ຳ ແລະ ສະພາບອາກາດ ທີ່​ນຳ​ໃຊ້​ເຕັກ​ໂນ​ໂລ​ຊີໃໝ່ ວັດແທກ​ນ້ຳ​ດ້ວຍ​ລະບົບເລ​ເຊີ ແລະ ສົ່ງ​ຂໍ້​ມູນ​ເຂົ້າ​ເຊີ​ເວີ ສາມາດ​ເຂົ້າ​ເບິ່ງ​ທາງ​ອິນ​ເຕີ​ເນັດ ຮູ້​ສະພາບ​ນ້ຳ​ໄດ້​ຕະຫຼອດ​ເວລາ ນຳ​ໃຊ້​ເຂົ້າ​ໃນ​ວຽກ​ງານ​ຕົວ​ຈິງຂອງ​ຂະແໜງ​ຕົນ ໃນ​ການ​ຜະລິດກະສິກຳ ແລະ ແຈ້ງ​ເຕືອນ​ໄພ​ພິບັດ ແລະ ການ​ຕິດຕາມ​ສະພາບອາກາດ ພ້ອມ​ກັນ​ນັ້ນ​ຜູ້​ເຂົ້າ​ຮ່ວມ ຍັງ​ໄດ້​ລົງ​ພາກ​ສະໜາມ​ຢູ່​ສະຖານີ​ວັດແທກ​ລະດັບ​ນ້ຳ ແລະ ສະພາບ​ອາກາດ​ທີ່​ເມືອງ​ທອງ ເພື່ອຮຽນ​ຮູ້​ລະບົບ​ການ​ເຮັດ​ວຽກ​ຕົວຈິງ​ຂອງ​ເຄື່ອງ​ວັດແທກ ແລະ ຮູ້ວິທີ​ການ​ໃນ​ການ​ແກ້ ແລະ ບຳລຸງ​ຮັກສາ ສະຖານີ​ວັດແທກ​ລະດັບ​ນ້ຳ ແລະ ສະພາບ​ອາກາດ​ໃຫ້ສາມາດ​ລາຍ​ງານ​ຂໍ້​ມູນ​ໄດ້​ເປັນປົກກະຕິ.

ຂ່າວທີ່ກ່ຽວຂ້ອງ