ຂ່າວຫຼ້າສຸດ

ຮູ້ພາສາລາວ ມື້ລະຄຳ - ໂດຍ: ແສງ​ຈັນ ສຸ​ຂະ​ເສມ : ແມັດ​ເຊດ/ແມັດ​ເຊັນ​ເຈີ

131 27 ກ.ຍ. 2017 ຫົວຂໍ້ຂ່າວອື່ນໆ

ຄຳ​ຢືມ (borrowing word) ຫຼື ຄຳ​ທີ່​ຮັບ​ມາ​ຈາກ​ພາ­ສາ​ອັງກິດ (message\messenger) ແປ​ວ່າ ຂໍ້­ຄວາມ\ຜູ້ສົ່ງ​ຂໍ້­ຄວາມ ເຊິ່ງ​ເປັນ​ຄຳ​ທີ່​ຮັບເຂົ້າ​ມາ​ໃນ​ພາ­ສາ​ລາວ​ໂດຍ​ກົງ ໂດຍ​ບໍ່​ໄດ້​ແປ​ເອົາ​ຄວາມ​ໝາຍເລີຍ ດັ່ງ​ດຽວ​ກັບ​ຄຳ​ອື່ນໆ ເຊັ່ນ ກັບ​ຄຳ​ວ່າ ກາ­ເຟ, ໂຕ​ໂຢ​ຕາ... ພຽງ​ແຕ່​ໄດ້​ປ່ຽນ­ແປງ​ຄຳ​ນັ້ນ​ມາ​ເປັນ​ສຽງ​ລາວ​ເທົ່າ​ນັ້ນ ແລະ ຄວາມໝາຍ​ຂອງ​ຄຳ​ກໍ​ບໍ່​ໄດ້ປ່ຽນ­ແປງ. ປັດ­ຈຸ­ບັນ​ຈະ​ພົບ​ເຫັນ​ໃຊ້​ກັນ​ໃນ​ຂົງເຂດ​ອີ​ເລັກ​ໂຕຼ​ນິກ​ໂທລະ­ສັບ, ຄອມ​ພີວ​ເຕີ.. ເປັນ​ສ່ວນ​ຫຼາຍ.

ຕົວ­ຢ່າງ:

- ສົ່ງ​ແມັດ​ເຊດ​ຫາ​ເຮົາ​ແດ່​ເດີ!

- ຢູ່​ໂທລະ­ສັບ​ມື​ຖື ໃຊ້​ແມັດ​ເຊັນ​ເຈີ​ສົ່ງ​ຂ່າວ​ຫາ​ກັນ​ສະ­ດວກ​ກວ່າ

- ແມັດ​ເຊັນ​ເຈີ​ແມ່ນ​ຟັງ​ຊັນ​ໜຶ່ງ​ທີ່​ໃຊ້​ງ່າຍ​ໃນ​ມື​ຖື

ໃນ​ແງ່​ພາ­ສາ​ສາດ, ການ​ຢືມ​ຄຳ ຫຼື ການ​ຮັບ​ຄຳ​ຕ່າງ­ປະ­ເທດເຂົາ​ມາ​ໃຊ້​ໃນ​ພາ­ສາ​ໃດ​ໜຶ່ງ ຖື​ເປັນ​ປາ­ກົດ­ການ​ປົກ­ກະ­ຕິ​ຂອງພາສາ ບໍ່​ມີ​ພາ­ສາ​ໃດ​ໃນ​ໂລກ​ປອດ​ຈາກ​ຄຳ​ພາ­ສາ​ຕ່າງ­ປະ­ເທດ​ເລີຍ. ໃນ​ແງ່​ວັດ­ທະ­ນະ­ທຳ​ກໍ່​ຈະ​ຖື​ວ່າ ຄຳ​ຢືມ​ແມ່ນ​ການ​ໃຊ້ວັດ­ທະ­ນະ­ທຳພາ­ສາ​ປະ­ສົມ ຫຼື ເອີ້ນ​ວ່າ ລູກ​ປະ­ສົມ​ວັດ­ທະ­ນະ­ທຳ​ພາ­ສາ​ນັ້ນ​ເອງ.

ຂ່າວທີ່ກ່ຽວຂ້ອງ