ເຊີນໄປຊົມຝູງຊ້າງປ່າຢູ່ບ້ານນາ ເມືອງທ່າພະບາດ

245 18 ຕ.ລ. 2017 ຫົວຂໍ້ຂ່າວອື່ນໆ
ເຊີນໄປຊົມຝູງຊ້າງປ່າຢູ່ບ້ານນາ ເມືອງທ່າພະບາດ

ໃນຄໍລຳ “ນຳຫາພາທ່ຽວ” ຂອງພວກເຮົາມື້ນີ້ ຂໍນຳພາບັນ ດາທ່ານມາຮູ້ຈັກກັບຝູງຊ້າງປ່າ ເຊິ່ງຢູ່ປະເທດເຮົາໃນປັດຈຸບັນສັດ ປະເພດດັ່ງກ່າວແມ່ນຫາຍາກ ແລະ ນັບມື້ຫຼຸດໜ້ອຍຖອຍລົງ ຫຼື  ອາດຈະໝົດໄປໃນອະນາຄົດຖ້າ ພວກເຮົາບໍ່ເປັນເຈົ້າການເອົາໃຈ ໃສ່ປົກປັກຮັກສາ ຝູງຊ້າງປ່າທີ່ວ່າ ນີ້ ແມ່ນຢູ່ບ້ານນາ ເມືອງທ່າພະ ບາດ ແຂວງບໍລິຄຳໄຊ.
ທ່ານ ເຄນ ລໍມະນີ ຫົວໜ້າພະ ແນກຖະແຫຼງຂ່າວ-ວັດທະນະທຳ ແລະ ທ່ອງທ່ຽວ ປະຈຳແຂວງບໍລິ ຄຳໄຊ ໄດ້ໃຫ້ຮູ້ວ່າ: ສຳລັບຫໍ ຄອຍຊ້າງຢູ່ບ້ານນາ ເມືອງທ່າ ພະບາດ ເປັນອີກສະຖານທີ່ ທ່ອງ ທ່ຽວທາງທຳມະຊາດຂອງແຂວງ ພວກຂ້າພະເຈົ້າ ເຊິ່ງໄດ້ຮັບ ຄວາມນິຍົມຊົມຊອບຈາກນັກ ທ່ອງທ່ຽວເປັນຢ່າງດີ ໂດຍສະ ເພາະ ແມ່ນຊາວຕ່າງປະເທດ ຫໍຄອຍດັ່ງກ່າວມີຄວາມສູງປະ ມານ 20 ກວ່າແມັດ ລັກສະນະ ເປັນສີ່ຫຼ່ຽມ ສ້າງດ້ວຍເບຕົງທີ່ ແໜ້ນໜາ ແລະ ມີຄຸນະພາບສູງ ຕັ້ງຢູ່ໃນທ່າມກາງການອ້ອມຮອບ ຂອງທຳມະຊາດ ພູຜາປ່າໄມ້ທີ່ ດົກໜາ ແລະ ອຸດົມສົມບູນ ຫ່າງ ຈາກບ້ານນາ ປະມານ 4 ກິໂລ ແມັດ ລົດທຸກຊະນິດບໍ່ສາມາດ ເຂົ້າໄປໄດ້ ບັນດານັກທ່ອງທ່ຽວ ຕ້ອງໄດ້ຍ່າງເຂົ້າໄປ ພ້ອມທັງກະ ກຽມອຸປະກອນຮັບໃຊ້ ເປັນຕົ້ນ ແມ່ນນ້ຳດື່ມ ອາຫານ ໄຟສາຍ ກ້ອງສ່ອງ ມຸ້ງ ໝອນ ຜ້າຫົ່ມ ແລະ ອື່ນໆໃຫ້ພຽງພໍ ທັງນີ້ ກໍ່ ເພາະວ່າຢູ່ໃນຫໍຄອຍດັ່ງກ່າວ ແມ່ນບໍ່ມີສິ່ງອຳນວຍຄວາມສະ ດວກ ບໍ່ມີຮ້ານອາຫານ ແລະ ເຮືອນພັກ.
ເມື່ອໄປຮອດສະຖານທີ່ນັ້ນ ແລ້ວແມ່ນຫ້າມໃຊ້ສຽງດັງ ແລະ ສິ່ງລົບກວນຕ່າງໆ ເພາະວ່າຈະ ເປັນການລົບກວນຝູງຊ້າງປ່າ ຖ້າ ມີສຽງລົບກວນຝູງຊ້າງປ່າຈະບໍ່ ພາກັນອອກມາກິນປຸ່ງ (ທາດດິນ ເຄັມ) ທີ່ຢູ່ໃກ້ຫໍຄອຍນັ້ນຢ່າງເດັດ ຂາດ ແລະ ນັກທ່ອງທ່ຽວກໍ່ຈະ ພາດໂອກາດໄດ້ເຫັນຝູງຊ້າງປ່າ ເຫຼົ່ານັ້ນ ຖ້າບໍ່ມີສິ່ງລົບກວນພໍ ຮອດເວລາ 16 ໂມງຈົນຮອດທ່ຽງ ຄືນຂອງທຸກໆມື້ຝູງຊ້າງປ່າກໍ່ຈະ ພາກັນຫຼັ່ງໄຫຼອອກມາກິນປຸ່ງ ລົງ ອາບນ້ຳໃນສາຍຫ້ວຍຢ່າງໜ້າ ອອກຊອນ ແລະ ເປັນພາບທີ່ ສວຍງາມຫຼາຍ ບັນດານັກທ່ອງ ທ່ຽວສາມາດຖ່າຍຮູບໄດ້ ແຕ່ ຫ້າມເປີດແຟດເພາະມັນຈະສົ່ງ ແສງລົບກວນ.
ຢ່າງໃດກໍ່ຕາມ ການອອກເດີນ ທາງໄປຊົມຝູງຊ້າງປ່າຢູ່ບ້ານນາ ເມືອງທ່າພະບາດ ນັກທ່ອງທ່ຽວ ຄວນສຶກສາຂໍ້ມູນໃຫ້ລະອຽດ ກ່ອນ ຫຼື ໃຫ້ປະຊາຊົນໃນບ້ານນາ ນັ້ນເປັນຜູ້ພາງທາງໄປຈະເປັນ ການດີທີ່ສຸດ ສິ່ງສຳຄັນການເດີນ ທາງທຸກຄັ້ງຕ້ອງໄປເປັນໝູ່ນັບແຕ່ 4 ຄົນຂຶ້ນໄປ ແຕ່ບໍ່ໃຫ້ເກີນ 15 ຄົນ ນັບທັງຄົນນຳທ່ຽວຂັ້ນທ້ອງ ຖິ່ນ ເພາະມັນຈະແອອັດເກີນໄປ (ຫໍຄອຍຈະເຕັມ) ພ້ອມກັນນັ້ນ ຢູ່ ໃນຫໍຄອຍແມ່ນມີຫ້ອງນ້ຳເພື່ອ ອຳນວຍຄວາມສະດວກໂດຍສະ ເພາະແມ່ນໃນເວລາກາງຄືນ.
ເອົາເປັນວ່າຖ້າຜູ້ໃດມີຄວາມ ຫຼົງໄຫຼ ແລະ ມັກຮັກໃນທຳມະ ຊາດ ຢາກເຫັນຝູງຊ້າງປ່າ ກໍ່ສາ ມາດໄປເບິ່ງໄປຊົມໄດ້ຢູ່ທີ່ຫໍຄອຍ ຊ້າງປ່າບ້ານນາ ເມືອງທ່າພະ ບາດ ແຂວງບໍລິຄຳໄຊ ແຕ່ຢ່າລືມ ກະກຽມອຸປະກອນຮັບໃຊ້ຢ່າງຄົບ ຊຸດ ແລະ ສຶກສາຂໍ້ມູນໃຫ້ລະ ອຽດກ່ອນ ເມື່ອທ່ານມາເຖິງແລ້ວ ຮັບຮອງວ່າຈະບໍ່ຜິດຫວັງ ຊາວ ບ້ານນາຍິນດີຕ້ອນຮັບທຸກໆ ທ່ານ.

ຂ່າວທີ່ກ່ຽວຂ້ອງ