ຮູ້ພາສາລາວມື້ລະຄຳ - ໂດຍ : ແສງຈັນ ສຸຂະເສມ : ແຊ

129 07 ພ.ຈ. 2017 ຫົວຂໍ້ຂ່າວອື່ນໆ

(share) ຄຳ​ຢືມ ຫຼື ຄຳ​ທີ່​ຮັບ​ມາ​ຈາກ​ພາ­ສາ​ອັງ­ກິດ ແປ​ວ່າ ແລກ­ປ່ຽນ​ກັນ, ສົ່ງ​ໃຫ້​ກັນ, ມັກ​ນຳ​ກັນ. ປັດ­ຈຸ­ບັນ​ນີ້ ມັກ​ສົ່ງ​ຂ່າວ ຫຼື ຂໍ້­ຄວາມ​ຜ່ານ​ສື່​ອອນ​ລາຍ​ທາງ​ມື​ຖື, ເຟດ​ບຸກ... ເຊິ່ງ​ເປັນ​ຄຳ​ພາ­ສາ​ອັງ­ກິດ​ທີ່​ຮັບ​ເຂົ້າ​ມາ​ໃນ​ພາ­ສາ​ລາວ​ໂດຍ​ກົງ ໂດຍ​ບໍ່​ໄດ້​ແປ​ເອົາ​ຄວາມ​ໝາຍ​ເລີຍ ດັ່ງ​ດຽວ​ກັບ​ຄຳ​ອື່ນໆ​ເຊັ່ນ​ກັບ​ຄຳ​ວ່າ ກາ­ເຟ, ໂຕ​ໂຢ​ຕາ... ພຽງ​ແຕ່​ໄດ້​ປ່ຽນ­ແປງ​ຄຳ​ນັ້ນ​ມາ​ເປັນ​ສຽງ​ລາວ​ເທົ່າ​ນັ້ນ ແລະ ຄວາມ​ໝາຍ​ຂອງ​ຄຳ​ກໍ​ບໍ່​ໄດ້​ປ່ຽນ­ແປງ. ປັດ­ຈຸ­ບັນ​ຈະ​ພົບ​ເຫັນ​ໃຊ້​ກັນ​ທົ່ວ​ໄປ​ໃນ​ທຸກ​ສັງ­ຄົມ.

ຕົວ­ຢ່າງ:

- ສື່​ທາງ​ເຟດ​ບຸກ​ມີ​ໃຫ້​ກົດ​ແຊ​ໄລ, ຄອມ​ເມັນ​ກັນ​ຫຼາຍ

- ຫຼາຍ​ຄົນ​ກໍ​ເປີດ​ເຟດ​ເພື່ອ​ເບິ່ງ​ໂດຍ​ບໍ່​ໄດ້​ກົດ​ແຊ​ໄລ, ຄອມ​ເມັນ​ຫຍັງ

- ເມື່ອ​ແຊ​ຮູບ​ຫຼື​ວີ​ດີ​ໂດ​ແລ້ວ ກໍ​ຖື​ເປັນ​ການ​ບັນ­ທຶກ​ໄວ້​ໃນ​ມື​ຖື​ເລີຍ

- ມີ​ບາງ​ຄົນ​ມັກ​ແຊ​ຮູບ​ລາ­ມົກ​ໄປ​ແລ້ວ ຖືກ​ໝູ່ ຫຼື ສັງ­ຄົມ​ຕິ­ຕຽນ​ຄືນ

ໃນ​ແງ່​ພາ­ສາ​ສາດ, ການ​ຢືມ​ຄຳ ຫຼື ການ​ຮັບ​ຄຳ​ຕ່າງ­ປະ­ເທດ​ເຂົາ​ມາ​ໃຊ້​ໃນ​ພາ­ສາ​ໃດ​ໜຶ່ງ ຖື​ເປັນ​ປາ­ກົດ­ການ​ປົກ­ກະ­ຕິ​ຂອງ​ພາ­ສາ ບໍ່​ມີ​ພາ­ສາ​ໃດ​ໃນ​ໂລກ​ປອດ​ຈາກ​ຄຳ​ພາ­ສາ​ຕ່າງ­ປະ­ເທດ​ເລີຍ. ໃນ​ແງ່​ວັດ­ທະ­ນະ­ທຳ​ກໍ​ຈະ​ຖື​ວ່າ ຄຳ​ຢືມ​ແມ່ນ​ການ​ໃຊ້​ວັດ­ທະ­ນະ­ທຳ​ພາ­ສາ​ປະ­ສົມ ຫຼື ເອີ້ນ​ວ່າ ແຊ ກໍ​ແມ່ນ​ຄຳ​ລູກ​ປະ­ສົມ​ວັດ­ທະ­ນະ­ທຳ​ທາງ​ພາ­ສາ​ນັ້ນ​ເອງ.

ຂ່າວທີ່ກ່ຽວຂ້ອງ