ລົດໂຊເຈນ ຮ່ວມວາງສະແດງສິນຄ້າໃນໂອກາດບຸນພະທາດຫຼວງ 2017

114 09 ພ.ຈ. 2017 ຫົວຂໍ້ຂ່າວອື່ນໆ
ລົດໂຊເຈນ ຮ່ວມວາງສະແດງສິນຄ້າໃນໂອກາດບຸນພະທາດຫຼວງ 2017

ບຸນ​ນະມັດສະການ​ພະ​ທາດຫຼວງ ແມ່ນ​ງານ​ບຸນ​ປະເພນີ​ທີ່​ຍິ່ງ​ໃຫຍ່ ແລະ ເປັນ​ເຫດການ​ທີ່​ສຳຄັນ​ທີ່​ສຸດ​ຂອງ ​ສປປ ລາວ ເຊິ່ງ​ຈັດ​ຂຶ້ນ​ໃນ​ເດືອນ 12 ຕາມ​ປະຕິທິນ​ລາວ (ກົງ​ກັບ​ເດືອນ 11 ໃນ​ປະຕິທິນ​ສາກົນ) ຂອງ​ທຸກໆ​ປີ ແລະ ງານ​ວາງສະແດງ​ສິນຄ້າ​ໃນ​ໂອກາດ​ງານ​ບຸນ​ພະ​ທາດຫຼວງ​ປີ 2017 ໄດ້​ຈັດ​ຂຶ້ນ​ວັນ​ທີ 28 ຕຸລາ-3 ພະຈິກ 2017 ເຊິ່ງ​ໄດ້​ຮັບ​ຜົນສຳເລັດ​ຢ່າງ​ຈົບງາມ ພາຍ​ໃນ​ງານ​ມີ​ສິນຄ້າ​ວາງສະແດງ​ຢ່າງ​ຫຼວງຫຼາຍ ນອກຈາກ​ຜະລິດ​ຕະ​ພັນ​ພື້ນເມືອງ​ລາວ​ແລ້ວ ​ຍັງ​ມີ​ຜະລິດ​ຕະ​ພັນ​ເຄື່ອງໃຊ້​ໃນ​ຊີວິດ​ປະຈຳ​ວັນ ເຄື່ອງ​ຫັດຖະກຳ​ຕ່າງໆ​ຈາກ​ບັນດາ​ປະເທດ​ອ້ອມ​ຂ້າງ.

ເພື່ອ​ເປັນ​ການຈັດຕັ້ງ​ຜັນ​ຂະຫຍາຍ​ນະໂຍບາຍ “ໜຶ່ງ​ເສັ້ນທາງ​ໜຶ່ງ​ແລວ​ທາງ” ຂອງ​ປະທານ​ປະເທດ ​ສປ.ຈີນ ເພື່ອ​ບັນລຸ​ເປົ້າ​ໝາຍ​ການ​ພັດທະນາ​ໃນ​ພາກ​ພື້ນ ​ດ້ວຍ​ນະ​ວັດຕະ​ກຳ​ໃໝ່​ທີ່​ເປັນ​ຈິງ ແລະ ເພື່ອ​ເຮັດ​ໃຫ້ການ​ຮ່ວມ​ມື​ຂອງ​ລາວ-ແຂວງ​ຢຸນ​ໜານ ​ສປ.ຈີນ ສາມາດ​ກ້າວ​ເຂົ້າ​ສູ່​ລວງ​ເລິກ ແລະ ເຮັດ​ໃຫ້​ຕະຫຼາດ​ການ​ຄ້າ​ພື້ນເມືອງ​ໝັ້ນຄົງ​ໜັກ​ແໜ້ນ​ຍິ່ງ​ຂຶ້ນ ພະແນກການ​ຄ້າ​ແຂວງ​ຢຸນ​ໜານ ຈຶ່ງ​ໄດ້​ເຕົ້າໂຮມ​ວິ​ສາ​ຫະ​ກິດ​ຢຸນ​ໜານ 8 ບໍລິສັດ ​ເຂົ້າ​ຮ່ວມ​ເທ​ສະການ​ບຸນ​ພະ​ທາດຫຼວງ ແລະ ງານ​ວາງສະແດງ​ສິນຄ້າ​ສາກົນ​ດັ່ງກ່າວ ໃນ​ນີ້​ລົດ​ໂຊ​ເຈນ (SOJEN) ພາຫະນະ​ແຫ່ງ​ກິດຈະການ​ໂປ​ເຈນ ເປັນ​ວິ​ສາ​ຫະ​ກິດ​ເອກະ​ຊົນ​ທີ່​ຕິດ​ອັນ​ດັບ 1 ໃນ 20 ວິ​ສາ​ຫະ​ກິດ​ຂອງ​ແຂວງ​ຢຸນ​ໜານ ແລະ ຕິດ​ອັນ​ດັບ 1 ໃນ 500 ຂອງ ສປ.ຈີນ ກໍ່​ໄດ້​ຮັບ​ການ​ເຊື້ອ​ເຊີນ​ເຂົ້າ​ຮ່ວມ.

ໃນ​ງານ​ວາງສະແດງ​ສິນຄ້າ​ຄັ້ງ​ນີ້ SOJEN ໄດ້​ນຳ​ລົດ​ຫຼາຍ​ຮຸ່ນ​ທີ່​ມີ​ທ່າແຮງ ພ້ອມ​ດ້ວຍ​ລົດບັນທຸກ​ທີ່​ມີ​ຄຸນ​ນະ​ພາບ​ດີ ແລະ ມີ​ຄວາມ​ທັນ​ສະໄໝ​ມາ​ວາງສະແດງ ເຊິ່ງ​ແຕ່​ລະ​ຮຸ່ນ​ສາມາດ​ປ່ຽນ​ສະພາບ ແລະ ສາມາດ​ຕອບ​ສະໜອງ​ຕາມ​ຄວາມ​​ຕ້ອງ​ການ​ຂອງ​ປະຊາຊົນ​ໃນ​ທ້ອງຖິ່ນ ກໍ່​ຄື​ການ​ຂົນສົ່ງ​ສິນຄ້າ​ຂອງ​ຜູ້​ປະກອບ​ການ​ທຸລະ​ກິດ ນອກ​ນີ້​ເຄື່ອງນຸ່ງ​ຂອງ​ພະນັກງານ ແລະ ສະຖານທີ່ວາງສະແດງ ​ກໍ່​ໄດ້​ປະດັບ​ປະດາ​ດ້ວຍ​ສີຟ້າ ແລະ ເປັນ​ລະບຽບ​ຮຽບ​ຮ້ອຍ ຈຶ່ງ​ເຮັດ SOJEN ເປັນ​ທີ່​ດຶງ​ດູດ​ສາຍຕາ​ຫຼາຍ​ທີ່​ສຸດ​ໃນ​ງານ ໃນ​ນີ້​ລູກ​ຄ້າ​ທີ່​ໄດ້​ເຂົ້າ​ມາ​ສອບ​ຖາມ​ຂໍ້​ມູນ​ກ່ຽວ​ກັບ SOJEN ມີ​ທັງ​ນາຍ​ທະຫານ ຄົນ​ຕ່າງ​ດ້າວ ຜູ້​ຄ້າຂາຍ​ຂະໜາດ​ນ້ອຍ ແລະ ເຈົ້າ​ຂອງ​ໂຮງງານ​ຕ່າງໆ.

ທ່ານ ໂຮ້​ຈິງ​ຢູ້ ຜູ້​ຄົ້ນຄວ້າ​ຂະແໜງການ​ຄ້າ​ອາ​ຊຽນ ພະແນກການ​ຄ້າ​ແຂວງ​ຢຸນ​ໜານ ພ້ອມ​ດ້ວຍ​ຄະນະ ກໍ່​ໄດ້​ມາ​ທ່ຽວ​ຊົມ​ເຂດ​ວາງສະແດງ​ພາຫະນະ​ຂອງ SOJEN ແລະ ໄດ້​ຮັບຮອງ​ເອົາຍຸດ​ທະ​ສາດ “ກ້າວ​ອອກ​ໄປ​ສູ່​ຕ່າງປະເທດ​ຢ່າງ​ບໍ່​ຢຸດ​ຢັ້ງ” ພ້ອມ​ທັງ​ໄດ້​ກ່າວ​ວ່າ ​ຈະ​ໃຫ້ການ​ສະໜັບສະໜູນ​ຫຼາຍ​ຂຶ້ນ​ແກ່​ການ​ພັດທະນາ​ພາຫະນະ​ຂອງ SOJEN ໃນ​ອະນາຄົດ.

ໄລຍະ​ເຂົ້າ​ຮ່ວມ​ງານ​ວາງສະແດງ ແລະ ໄລຍະ​ບຸນ​ພະ​ທາດຫຼວງ SOJEN ຍັງ​ໄດ້​ຮັບ​ກາ​ເຊື້ອ​ເຊີນ​ເຂົ້າ​ຮ່ວມ​ໃນ​ກອງ​ປະຊຸມ ​ກ່ຽວ​ກັບ​ການ​ນຳ​ສະເໜີ​ຜະລິດ​ຕະ​ພັນ ແລະ ວິ​ສາ​ຫະ​ກິດ​ຈີນ (ຢຸນ​ໜານ) ຢູ່​ນະຄອນຫຼວງ​ວຽງ​ຈັນ ເຊິ່ງ​ໃນ​ກອງ​ປະຊຸມ​ດັ່ງກ່າວ ​ຜູ້​ຈັດການ​ທົ່ວ​ໄປ​ຂອງ SOJEN ສາຂາ ​ສປປ ລາວ ໄດ້​ໃຫ້​ແນະນຳ​ກ່ຽວ​ກັບ​ດ້ານ​ຍຸດ​ທະ​ສາດ ແລະ ສະພາບ​ການ​ພັດທະນາ​ຂອງ SOJEN ໃນ ​ສປປ ລາວ ໃຫ້​ຂະແໜງການ​ຄ້າ​ອາ​ຊຽນ ພະແນກການ​ຄ້າ​ແຂວງ​ຢູນ​ໜານ ສະພາ​ອຸດສາຫະກຳ ແລະ ການ​ຄ້າ​ແຫ່ງ​ຊາດ​ລາວ ຄະນະ​ກຳມະການ​ການ​ຮ່ວມ​ມື ລາວ-ຈີນ ແລະ ບັນດາ​ວິ​ສາ​ຫະ​ກິດ​ລາວ ແລະ ຈີນ 20 ກວ່າ​ບໍລິສັດ​ໄດ້​ຮັບ​ຊາບ​ຢ່າງ​ລະອຽດ.

SOJEN ມີ​ຜະລິດ​ຕະ​ພັນ​ລົດ​ທຸລະ​ກິດ ລົດ​ຮັບ​ໃຊ້​ວຽກ​ສະເພາະ ລົດ​ໃຊ້​ພະລັງງານ​ໃໝ່ 3 ພາກສ່ວນ​ໃຫຍ່ ມີ 9 ປະເພດ 30 ຊະນິດ 146 ຮຸ່ນ ເປັນຕົ້ນ​ລົດ​ບັນທຸກ​ຂະໜາດ​ໃຫຍ່ ແລະ ຂະໜາດ​ນ້ອຍ ລົດ​ຮັບ​ໃຊ້​ໂຄງການ ລົດ​ແກ່​ສິນຄ້າ ແລະ ລົດ​ກະບະ ເຊິ່ງ​ລົດ​ທັງ​ໝົດ​ແມ່ນ​ໄດ້​ຜ່ານ ISO 9001:2015 ລະບົບ​ການ​ຄຸ້ມ​ຄອງ​ຄຸນ​ນະ​ພາບ ແລະ “3C” ຂອງ ສປ.ຈີນ ມາ​ແລ້ວ ພ້ອມ​ນີ້ SOJEN ໄດ້​ສະແຫວງຫາ​ເຕັກນິກ​ການ​ຜະລິດ​ສິນຄ້າ​ທີ່​ດີ ແລະ ທັນ​ສະໄໝ ​ໂດຍ​ຄຳນຶງ​ເຖິງ​ຄວາມ​ຮູ້ສຶກ​ຂອງ​ລູກ​ຄ້າ​ຜູ້​ຂັບ​ຂີ່​ລົດ​ເປັນ​ຫຼັກ ພ້ອມ​ທັງ​ຄົ້ນ​ຫາ​ຄວາມ​ດີເລີດ​ໃນ​ການ​ຈັດ​ຊື້​ວັດຖຸ​ດິບ ຄົ້ນຄວ້າ​ການ​ຜະລິດ ເອົາໃຈໃສ່​ການ​ຜະລິດ​ລົດ ຈຶ່ງ​ເຮັດ​ໃຫ້​ລົດ​ແຕ່​ລະ​ຄັນ​ມີ​ເຕັກນິກ​ທີ່​ດີເລີດ ແລະ ທັນ​ສະໄໝ ການ​ປະກອບ​ເຄື່ອງ​ອາ​ໄຫຼ່​ແຕ່​ລະ​ອັນ​ຈົນ​ຮອດ​ໃສ່​ນ໋ອດ​ນ້ອຍ ກໍ່​ເປັນ​ວຽກ​ທີ່​ສຳຄັນ ຂໍ້​ມູນ​ທຸກ​ຢ່າງ​ທີ່​ໄດ້​ມາ​ຈາກ​ການ​ທົດ​ລອງ ແລະ ກວດ​ສອບ​ເປັນ​ສິ່ງ​ທີ່​ປະເສີດ ແລະ ມີ​ມູນ​ຄ່າ​ສູງ ສະນັ້ນ​ວິຊາ​ການ​ຜະລິດ​ຂອງ SOJEN ຈຶ່ງ​ສາມາດ​ຜະລິດ​ລົດ​ທີ່​ໄດ້​ຂາຍ​ດີ​ອອກ​ມາ​ຫຼາຍ​ຮຸ່ນ ໂດຍ​ສະເພາະ F15, F350 ແລະ ອື່ນໆ.        

SOJEN ໄດ້​ປະຕິບັດ​ຕາມ​ຄຳ​ຮຽກຮ້ອງ​ທີ່​ວ່າ “ກ້າວ​ອອກ​ໄປ​ສູ່​ຕ່າງປະເທດ​ຢ່າງ​ເປັນ​ເຈົ້າ​ການ” ໂດຍ​ອີງໃສ່​ທ່າແຮງ​ທີ່​ຕັ້ງ​ຂອງ​ແຂວງ​ຢຸນ​ໜານ ຄື​ປ້ອມ​ແຜ່​ລັງສີ​ມາ​ປູ​ເຄືອ​ຂ່າຍ​ຈຳໜ່າຍ​ໃນ​ອາ​ຊຽນ​ພາກ​ຕາເວັນ​ອອກສຽງ​ໃຕ້ ປັດຈຸບັນ​ຜະລິດ​ຕະ​ພັນ​ທີ່​ໄດ້​ຂາຍ​ດີ​ຢູ່ ​ສປປ ລາວ ແມ່ນ​ມີ​ຫຼາຍ​ກວ່າ 30 ຮຸ່ນ ນອກ​ນີ້​ຍັງ​ໄດ້​ກຽມ​ລົດ 1.800 ຄັນ ເພື່ອ​ຕອບ​ສະໜອງ​ຄວາມ​ຕ້ອງການ​ໃນ​ໄລຍະ​ເວລາ​ໃກ້ໆ​ນີ້ ລວມ​ທັງ​ເຄື່ອງ​ອາ​ໄລ່​ທີ່​ມີ​ມູນ​ຄ່າ 4 ລ້ານ​ໂດ​ລາ​ສະຫະລັດ ຫຼື ປະມານ 32 ຕື້​ກີບ ພະນັກງານ​ຈີນ​ຫຼາຍ​ກວ່າ 30 ຄົນ ແລະ ພະນັກງານ​ລາວ​ຫຼາຍ​ກວ່າ 100 ຄົນ ເພື່ອ​ໄວ້​ຄອຍ​ບໍ​ລິການ​ຫຼັງ​ການ​ຂາຍ ແລະ ເບິ່ງແຍງ​ຜູ້​ໃຊ້​ລົດ ເຮັດ​ໃຫ້​ປະຊາຊົນ​ລາວ​ໄດ້​ຮັບ​ໃຊ້​ລົດ​ບັນທຸກ​ທີ່​ມີ​ຄຸນ​ນະ​ພາບ​ດີ ແລະ ບໍລິການ​ປະຕູ​ດຽວ​ທີ່​ອົບ​ອຸ່ນໃຈ ແລະ ຊື້​ລົດ​ທີ່​ມີ​ຄຸນະພາບ​ໃນ​ລາຄາ​ຖືກ.

ໂດຍ​ປະຕິບັດ​ຍຸດ​ທະ​ສາດ “ໜຶ່ງ​ເສັ້ນທາງ​ໜຶ່ງ​ແລວ​ທາງ” ຢ່າງ​ເລິກເຊິ່ງ SOJEN ຈະ​ເຕີບ​ໂຕ​ກ້າວໜ້າ​ຢ່າງ​ບໍ່​ຢຸດ​ຢັ້ງ ຂະຫຍາຍ​ຕະຫຼາດ​ຫຼັກ​ໃນ ​ສປ.ຈີນ ແລະ ກ້າວ​ອອກ​ໄປ​ສູ່​ຕ່າງ​ປະເທດ​ຢ່າງ​ບໍ່​ຢຸດ​ຢັ້ງ ເພື່ອ​ຂະຫຍາຍຕົວ​ເຂົ້າ​ສູ່​ຕະຫຼາດ​ສາກົນ ໂດຍ​ສະເພາະ​ອາ​ຊຽນ​ພາກ​ຕາເວັນ​ອອກສຽງ​ໃຕ້ ອາ​ຊຽນ​ໃຕ້ ອາ​ຊຽນ​ພາກ​ຕາເວັນຕົກ ແລະ ອື່ນໆ ເພື່ອ​ນຳ​ສົ່ງ​ລົດ​ບັນທຸກ ແລະ ບໍລິ​ການ​ທີ່​ດີ​ເຂົ້າ​ມາສູ່​ປະເທດ​ທີ່​ມີ​ເສັ້ນທາງ “ໜຶ່ງ​ເສັ້ນທາງ​ໜຶ່ງ​ແລວ​ທາງ” ຜ່ານ ພ້ອມ​ທັງ​ສ້າງ​ລະບົບ​ບໍລິການ​ລົດ​ທຸລະ​ກິດ​ໃຫ້​ເປັນ​ໜຶ່ງ.

ຂ່າວທີ່ກ່ຽວຂ້ອງ