ໂຮງແຮມເມືອງແທງ ພ້ອມທຸກດ້ານ ຕ້ອນຮັບປີທ່ອງທ່ຽວລາວ

949 06 ທ.ວ. 2017 ຂ່າວໜ້າ​ໜຶ່ງ
ໂຮງແຮມເມືອງແທງ ພ້ອມທຸກດ້ານ ຕ້ອນຮັບປີທ່ອງທ່ຽວລາວ

ປັດຈຸບັນ ມີ​ຫຼາຍ​ພາກສ່ວນ​ນັບທັງ​ພາກ​ລັດ ແລະ ຫົວໜ່ວຍ​ທຸລະກິດ​ຕ່າງໆ ໄດ້​ກະກຽມ​ຄວາມພ້ອມ​ທຸກ​ດ້ານ​ເພື່ອ​ຕ້ອນຮັບ​ເປີດປີ​ທ່ອງ​ທ່ຽວ​ລາວ 2018 ເປັນຕົ້ນ ວຽກ​ງານ​ໂຄສະນາ​ປະຊາສຳພັນວຽກ​ງານ​ສະຖານທີ່​ທ່ອງ​ທ່ຽວ ສະຖານທີ່​ພັກ​ແຮມ​ຄືນ ອາຫານການ​ກິນ ແລະ ອື່ນໆ ເພື່ອ​ພ້ອມກັນ​ເປັນ​ເຈົ້າພາບ​ທີ່​ດີ ​ຕ້ອນຮັບ​ນັກທ່ອງ​ທ່ຽວ​ຕ່າງປະເທດ​ທີ່​ເຂົ້າ​ມາທ່ອງ​ທ່ຽວ​ປະເທດ​ລາວ​ເຮົາ ໃນນັ້ນ ກໍ່​ມີ​ໂຮງແຮມ​ເມືອງ​ແທງ​ລັກເຊີ​ຣີວຽງ​ຈັນ ທີ່​ຕັ້ງ​ຢູ່​ບ້ານ​ໂພນສີ​ນວນ ເມືອງ​ສີ​ສັດຕະ​ນາກ ນະຄອນ​ຫຼວງ​ວຽງ​ຈັນ ທີ່​ກຽມ​ຄວາມພ້ອມ​ສະຖານທີ່​ພັກ ແລະ ອາຫານ​ຮອງ​ຮັບ​ນັກ​ທ່ອງ​ທ່ຽວ​ທັງພາຍ​ໃນ ແລະ ຕ່າງປະເທດ.

ທ່ານ​ນາງ ນິງ​ທິ ຫງວຽນ ຜູ້ອຳນວຍ​ການ​ໂຮງແຮມ​ເມືອງແທງ​ລັກ​ເຊີ​ຣີວຽງ​ຈັນ ໄດ້​ໃຫ້​ສຳພາດ​ເມື່ອ​ບໍ່​ດົນ​ນີ້​ວ່າ: ໂຮງແຮມເມືອງ​ແທງ ເປັນ​ໂຮງແຮມ​ທີ່​ສູງສົມຄວນ ປະກອບ​ມີ 25 ຊັ້ນ 331 ຫ້ອງ​ນອນ ແລະ ມີ​ຫ້ອງ​ປະຊຸມ 6 ຫ້ອງ ຕັ້ງ​ຢູ່​ໃຈກາງ​ຕົວ​ເມືອງ​ນະຄອນ​ຫຼວງ​ວຽງ​ຈັນ ເຊິ່ງ​ພາຍຫຼັງດຳເນີນ​ທຸລະ​ກິດ​ບໍລິການ​ລູກ​ຄ້າໄດ້​ໜຶ່ງ​ປີ​ ດ້ວຍ​ຄວາມ​ພະຍາຍາມຂອງ​ຜູ້​ບໍລິຫານໂຮງແຮມ​ເມືອງແທງ ໄດ້​ກາຍເປັນ​ທາງ​ເລືອກ​ທີ່ດີ​ ໃຫ້​ຫຼາຍ​ພາກສ່ວນ​ຂອງ​ລາວ ​ໄດ້ຈັດ​ກອງ​ປະຊຸມ​ລະດັບ​ຕ່າງໆ ແລະ ເປັນ​ສະຖານທີ່​ທີ່​ໄດ້​ຮັບຄວາມ​ເຊື່ອ​ໝັ້ນ​ຂອງ​ແຂກ ແລະ ນັກ​ທ່ອງ​ທ່ຽວ​ທີ່​ໄດ້​ມາ​ຢ້ຽມຢາມເຮັດ​ວຽກ ແລະ ມາ​ທ່ອງ​ທ່ຽວ​ຢູ່ນະຄອນຫຼວງ​ວຽງ​ຈັນ ທາງ​ໂຮມແຮມ​ຍັງ​ມີ​ບົດບາດ​ເປັນ​ຂົວ​ຕໍ່​ສອງປະເທດ ​ໃນ​ການ​ຕ້ອນຮັບ​ບັນດາຄະນະ​ການ​ນຳ​ຂັ້ນ​ສູງ​ຂອງ ​ສສ ຫວຽດນາມ ທີ່​ມາ​ເຮັດ​ວຽກ ແລະ ຢ້ຽມຢາມ​ລາວ ດ້ານ​ຄຸນະພາບ ການ​ບໍລິການ​ໂຮງແຮມ​ໄດ້​ຮັບ​ຄຳຕຳ​ນິຕິ​ຊົມ​ທີ່​ດີ​ຈາກ​ລູກ​ຄ້າ​ຫຼາຍຄົນ ໂດຍ​ຜ່ານ​ທາງ​ອອນ​ລາຍບັນດາ​ອົງ​ການຈັດຕັ້ງ​ຂອງ​ລັດ ແລະ ເອກະ​ຊົນ​ຕ່າງໆ ດ້ານ​ລາຍຮັບ​ໂຮງແຮມ​ມີ​ຜົນສຳເລັດ ໃນໄລຍະ​ທຳ​ອິດ​ທີ່​ເປີດ​ບໍລິການ ຈຳນວນ​ແຂກ​ທີ່​ມາ​ບໍລິການ​ພັກແຮມ​ຄືນ ​ແຕ່​ລະ​ເດືອນ​ມີ​ທ່າແຮງເພີ່ມ​ຂຶ້ນ ດຶງ​ດູດ​ນັກ​ທ່ອງ​ທ່ຽວ​ທີ່ມາ​ຈາກ ສ ເກົາຫຼີ ແລະ ບັນດາປະເທດ​ອື່ນໆ.

ເພື່ອ​ກະກຽມ​ຕ້ອນຮັບ​ປີ​ທ່ອງທ່ຽວ​ລາວ 2018 ດ້ວຍ​ຄວາມຄາດ​ຫວັງ​ຈະ​ມີ​ນັກ​ທ່ອງ​ທ່ຽວ​ເພີ່ມຂຶ້ນ​ຫຼາຍ​ກວ່າ​ເກົ່າ ພ້ອມ​ໄດ້​ຕ້ອນຮັບ ແລະ ບໍລິການ​ງານ ທີ່​ສຳຄັນ ໂຮງແຮມ​ເມືອງ​ແທງລັກ​ເຊີ​ຣີວຽງ​ຈັນ ໄດ້​ຫ້າງ​ຫາ​ກະກຽມ ບໍ່​ວ່າ​ຈະ​ເປັນ​ພື້ນຖານ​ໂຄງ​ລ່າງ ຜະລິດ​ຕະ​ພັນ ເຝິກອົບຮົມ​ໃຫ້​ພະນັກ​ງານ ນອກ​ນັ້ນ ບັນຫາ​ສຸ​ຂະອະນາໄມ​ດ້ານ​ອາຫານ ດ້ານການ​ຕ້ານ​ອັກຄີ​ໄພ ທາງ​ໂຮງແຮມ​ກໍ່​ໄດ້​ເອົາໃຈໃສ່ ແລະ ສົມທົບ​ກັບ​ພາກສ່ວນ​ທີ່​ກ່ຽວຂ້ອງ​ຈັດເຝິກຊ້ອມ​ພາຍ​ໃນ​ໂຮງແຮມ ເພື່ອຍົກ​ສູງ​ຄວາມ​ຮູ້​ຄວາມ​ສາມາດ ແລະ ຄວາມ​ຮັບຜິດຊອບ​ໃຫ້​ພະນັກ​ງານ​ໝົດ​ທຸກ​ຄົນ ແລະ ໃນ​ຕໍ່ໜ້າ​ທາງ​ໂຮງແຮມ​ຈະ​ຂະຫຍາຍກິດຈະກຳ​ເຜີຍແຜ່​ໂຄສະນາ​ໃຫ້ກວ້າງຂວາງ​ຕື່ມ ນອກ​ນັ້ນ ໂຮງແຮມ​ຍັງ​ໄດ້​ຮ່ວມ​ມື​ກັບ​ບັນດາ​ອົງການ​ຂ່າວສານ​ວິທະຍຸ ເພື່ອ​ການໂຄສະນາ​ເຂົ້າ​ຮ່ວມ​ງານ​ທ່ອງທ່ຽວ​ສາກົນ ຄື: ຮາ​ນາ​ທົວ ບີ​ໄອ​ທີເອັມ ກຸ່ມ​ບໍລິສັດເມືອງ​ແທງ ຍັງພະຍາຍາມ​ຊ່ວຍ​ຕອບ​ສະໜອງຂໍ້​ມູນ ​ເຖິງ​ບັນດາ​ລູກ​ຄ້າ​ກ່ຽວ​ກັບປີ​ທ່ອງ​ທ່ຽວ​ລາວ 2018 ເພື່ອ​ດຶງດູດ​ນັກ​ທ່ອງ​ທ່ຽວ​ໃນ​ຕະຫຼາດ​ຂອງຫວຽດນາມ ​ເຂົ້າ​ມາ​ທ່ອງ​ທ່ຽວ​ປະເທດ​ລາວ​ໃຫ້​ຫຼາຍ​ຂຶ້ນ​ຕື່ມ​ອີກ.

ຂ່າວທີ່ກ່ຽວຂ້ອງ