ວັນພຸດ ທີ 24 ຕຸລາ 2018 07:55:29
- ຊ່ວງເຮືອປະຈຳປີ 2018 ຈະຈັດຂຶ້ນຢູ່ທ່າວັດຈັນ ແລະ ຕໍ່ໜ້າໂຮງແຮມແລນມາກ
- ສປປ ລາວ ຄວນລົງທຶນໃສ່ລະບົບເຕືອນໄພລ່ວງໜ້າ ເພື່ອຮັບມືກັບໄພພິບັດ
- ທຸກພາກສ່ວນໃນສັງຄົມ ມີສ່ວນຮ່ວມພັດທະນາຊາວໜຸ່ມ
- Vietcombank ສ້າງຄວາມສະດວກໃຫ້ລູກຄ້າ ທີ່ດຳເນີນທຸລະກິດຢູ່ລາວ
- ສ ອາເມຣິກາ ໃຫ້ທຶນ 700 ລ້ານກວ່າກີບ ບູລະນະວັດວິຊຸນນະຣາດ
- ສະຫຼອງວັນລ້າງມືສາກົນ ມືສະອາດ ສຸຂະພາບແຂງແຮງ
- ບີເອສວີ ເນັ້ນສ້າງບຸຄະລາກອນໃຫ້ມີຄຸນະພາບ
- ສ້າງຄວາມເຂົ້າໃຈການສ້າງເມືອງເຂັ້ມແຂງຮອບດ້ານ ແລະ ພະແນກການ 5 ດີ
- ສຳຫຼວດຄວາມເປັນໄປໄດ້ ການພັດທະນາກີລາສາກົນລາວ-ຈີນ
- ກອງທັບ 1 ຄອງຂັນຊະນະເລີດ ລາວກ໊ອຟຄັບ ແຊັມປ້ຽນຊິບ 2018
ສູ້ຊົນບັນລຸຕົວເລກຄາດໝາຍຜູ້ບໍລິຈາກເລືອດ ໃຫ້ໄດ້ 1.800 ເທື່ອຄົນ
ສູນເລືອດແຫ່ງຊາດ ອົງການກາແດງລາວ ໃນນາມກອງເລຂາຄະນະກຳມະການສົ່ງເສີມການບໍລິຈາກເລືອດ-ສົ່ງເລືອດແຫ່ງຊາດ ຈັດກອງປະຊຸມສະຫຼຸບຖອດຖອນບົດຮຽນ ກ່ຽວກັບການປຸກລະດົມຂົນຂວາຍຜູ້ບໍລິຈາກເລືອດແບບສະໝັກໃຈ ບໍ່ຮຽກຄ່າຕອບແທນປີຜ່ານມາ ກັບຫົວໜ່ວຍທຸລະກິດ ພ້ອມທັງວາງແຜນການປຸກລະດົມປີຕໍ່ໄປ ໂດຍເປັນປະທານຂອງທ່ານ ສິງ ເມໂນລາດ ຮອງປະທານອົງການກາແດງລາວ ທ່ານ ຈັນທະລາ ສຸກສາຄອນ ຫົວໜ້າສູນເລືອດແຫ່ງຊາດ ມີຮອງຫົວໜ້າສູນ ຕາງໜ້າຫົວໜ່ວຍທຸລະກິດ ແລະ ພະນັກງານວິຊາການທີ່ກ່ຽວຂ້ອງ.
ທ່ານ ຈັນທະລາ ສຸກສາຄອນ ກ່າວວ່າ: ຈຸດປະສົງຂອງກອງປະຊຸມ ເພື່ອສະຫຼຸບການຈັດຕັ້ງປະຕິບັດປຸກລະດົມການບໍລິຈາກເລືອດໃນປີຜ່ານມາ ວາງທິດທາງແຜນການແບບມີສ່ວນຮ່ວມໃນປີ 2018 ແລະ ຮັບຮອງເອົາແຜນການຕົວເລກຄາດໝາຍທີ່ວາງໄວ້ ເພື່ອນຳໄປຈັດຕັ້ງປະຕິບັດ ເຊິ່ງໃນປີຜ່ານມາອອກຮັບບໍລິຈາກເລືອດຮ່ວມກັບຫົວໜ່ວຍທຸລະກິດໄດ້ 34 ຄັ້ງ ມີຜູ້ເຂົ້າຮ່ວມກິດຈະກຳ 3.412 ເທື່ອຄົນ ມີຜູ້ປະກອບສ່ວນບໍລິຈາກເລືອດທັງໝົດ 2.236 ເທື່ອຄົນ.
ສຳລັບແຜນການສູ້ຊົນ 2018 ຄາດວ່າຈະອອກຮັບບໍລິຈາກເລືອດຮ່ວມກັບຫົວໜ່ວຍທຸລະກິດ ໃຫ້ໄດ້ 40 ຄັ້ງ ສູ້ຊົນໃຫ້ມີຜູ້ປະກອບສ່ວນບໍລິຈາກເລືອດໃຫ້ໄດ້ບໍ່ຫຼຸດ 1.800 ເທື່ອຄົນ ພ້ອມດຽວກັນ ຍັງຈະລະດົມໃຫ້ມີສ່ວນຮ່ວມ ໃນກິດຈະກຳວັນສຳຄັນຕ່າງໆ ໃຫ້ໄດ້ 3-4 ຄັ້ງ.
