ອາກາດເລີ່ມໜາວເຢັນລົງຕື່ມອີກຢູ່ທຸກພາກ

234 10 ມ.ກ. 2018 ຂ່າວໜ້າ​ໜຶ່ງ

ມວນ​ອາກາດ​ໜາວ​ເຢັນ​ຈາກ ​ສປ ຈີນ ຈະ​ມີ​ກຳລັງ​ແຮງ​ເພີ່ມ​ຂຶ້ນ ແຜ່​ລົງ​ມາ​ປົກ​ຄຸມ​ຢູ່​ທົ່ວ​ທຸກ​ພາກຂອງ​ປະເທດ​ລາວ ສົມທົບ​ກັບ​ກະແສ​ລົມ​ຕາເວັນ​ອອກສຽງ​ເໜືອ ທີ່​ມີ​ກຳລັງ​ແຮງ​ພັດ​ປົກ​ຄຸມ​ຢູ່​ທົ່ວທຸກ​ພາກ​ຂອງ​ປະເທດ​ລາວ ໃນ​ໄລຍະ​ວັນ​ທີ 9-14 ມັງກອນ 2018 ເຊິ່ງ​ຈະ​ເຮັດ​ໃຫ້​ອຸນຫະພູມ​ອາກາດ​ໜາວ​ເຢັນ​ລົງ 3-5 ອົງສາ ຢູ່​ແຂວງ​ພາກ​ເໜືອ ພ້ອມ​ມີ​ຝົນຕົກ​ກະຈາຍ ແລະ ລົມ​ພັດ​ແຮງ​ຢູ່ບາງ​ທ້ອງຖິ່ນ ໂດຍ​ສະເພາະຢູ່ເຂດ​ພູ​ດອຍ ບັນດາ​ແຂວງ​ພາກເໜືອ ແຂວງ​ໄຊ​ສົມບູນ ເມືອງດາກ​ຈຶງ ແລະ ເຂດ​ພູ​ພຽງ​ບໍ​ລິເວນ ອາກາດ​ຈະ​ໜາວ​ເຢັນ​ຫຼາຍ.

ສະເພາະ​ແຂວງຜົ້ງ​ສາລີ ຫົວພັນ ແລະ ແຂວງ​ຊຽງ​ຂວາງ ໃນ​ວັນ​ທີ 9-10 ມັງກອນ 2018 ອຸນຫະພູມ​ອາກາດ​ຈະ​ຫຼຸດ​ລົງ 3-5 ອົງສາ ເຊິ່ງ​ຈະ​ເຮັດ​ໃຫ້​ອາກາດໜາວ​ເຢັນ​ຫຼາຍ ພ້ອມ​ມີ​ລົມ​ພັດແຮງ ແລະ ມີ​ຝົນຕົກ​ກະຈາຍເປັນ​ບາງ​ໂອກາດ.

ໃນ​ວັນ​ທີ 10-14 ມັງກອນ 2018 ອຸນຫະພູມ​ອາດ​ຈະ​ຫຼຸດ​ລົງ 2-4 ອົງສາ ໃນ​ແຕ່​ລະ​ພາກ ດັ່ງນັ້ນ ຈຶ່ງ​ແຈ້ງ​ເຕືອນ​ເຖິງ​ປະຊາຊົນ​ບັນດາ​ເຜົ່າ ອຳນາດ​ການ​ປົກຄອງ ແລະ ອົງ​ການຈັດຕັ້ງ​ທຸກ​ພາກສ່ວນ ຈົ່ງ​ມີ​ສະຕິ​ກຽມພ້ອມ​ຮັບ​ໃຊ້ສະພາບ​ການ​ປ່ຽນແປງ​ຂອງ​ອຸນຫະ​ພູມ​ໜາວ​ເຢັນ​ຫຼາຍ ເຊິ່ງ​ອາດຈະ​ມີ​ຜົນ​ກະທົບ​ຕໍ່​ສຸຂະພາບ ໂດຍສະເພາະແມ່ນ​ເດັກນ້ອຍ ແລະ ຜູ້ເຖົ້າ ຂໍ​ໃຫ້​ນຸ່ງ​ຫົ່ມ​ໃຫ້​ຮ່າງກາຍ​ອົບອຸ່ນ​ຢູ່​ສະເໝີ ພ້ອມ​ທັງ​ໃຫ້​ຕິດຕາມຂ່າວ​ພະຍາກອນ​ອາກາດ ແລະ ລະດັບ​ນ້ຳ​ຈາກ​ກົມ​ອຸຕຸນິຍົມ ແລະ ອຸ​ທົກ​ກະ​ສາດ ໃນ​ໄລຍະ 2-4 ວັນ​ຕໍ່ໜ້າ​ນີ້.

ຂ່າວທີ່ກ່ຽວຂ້ອງ