ກອງປະຊຸມສະໄໝສາມັນເທື່ອທີ 4 ຂອງສະພາປະຊາຊົນ ນວ ຊຸດທີ I

270 10 ມ.ກ. 2018 ຂ່າວໜ້າ​ໜຶ່ງ
ກອງປະຊຸມສະໄໝສາມັນເທື່ອທີ 4 ຂອງສະພາປະຊາຊົນ ນວ ຊຸດທີ I

ກອງ​ປະຊຸມ​ສະໄໝ​ສາມັນ​ເທື່ອທີ 4 ຂອງ​ສະພາ​ປະຊາຊົນ ນະຄອນ​ຫຼວງ​ວຽງ​ຈັນ (ນວ) ຊຸດ​ທີ I ໄຂ​ຂຶ້ນ​ເປັນ​ທາງ​ການ ວັນ​ທີ 9 ມັງກອນ 2018 ຢູ່​ຫ້ອງ​ວ່າການປົກຄອງ ນວ ໂດຍ​ເປັນ​ປະທານຂອງ​ທ່ານ ອານຸພາບ ຕຸ​ນາ​ລົມ ປະທານ​ສະພາ​ປະຊາຊົນ ນວ ໃຫ້ກຽດ​ເຂົ້າ​ຮ່ວມ​ຂອງ​ທ່ານ ສິນ​ລະວົງ ຄຸດ​ໄພທູນ ເຈົ້າ​ຄອງ ນວ ພ້ອມ​ດ້ວຍ​ສະມາຊິກ​ສະພາ​ແຫ່ງຊາດ ປະຈຳ​ເຂດ​ເລືອກ​ຕັ້ງທີ 1 ນວ ສະມາຊິກ​ສະພາ​ປະຊາຊົນ ນວ ບັນດາ​ການ​ນຳອະດີດ​ການນຳ ແລະ ແຂກ​ຖືກ​ເຊີນ​ເຂົ້າຮ່ວມ.

ທ່ານ ອານຸພາບ ຕຸ​ນາ​ລົມ ກ່າວ​ວ່າ: ກອງ​ປະຊຸມ​ຄັ້ງ​ນີ້ ຈະດຳເນີນ​ແຕ່​ວັນ​ທີ 9-12 ມັງກອນນີ້ ເຊິ່ງ​ຈະ​ສຸມ​ໃສ່​ຕົກລົງ​ບັນຫາສຳຄັນ​ພື້ນຖານ​ຂອງ ນວ ຄື: ພິຈາລະ​ນາ ແລະ ຮັບຮອງ​ເອົາ​ບົດລາຍ​ງານ​ການຈັດຕັ້ງ​ປະຕິບັດແຜນ​ພັດທະນາ​ເສດຖະກິດ-ສັງຄົມ ປີ 2017 ແລະ ແຜນການ​ປີ 2018 ຂອງ ນວ ບົດ​ລາຍ​ງານການຈັດຕັ້ງ​ປະຕິບັດ​ແຜນ​ງົບ​ປະມານ​ປີ 2017 ແລະ ແຜນການ​ປີ 2018 ບົດ​ລາຍ​ງານ​ການ​ເຄື່ອນໄຫວ​ວຽກ​ງານປີ 2017 ແລະ ທິດ​ທາງ​ປີ 2018 ຂອງ​ອົງການກວດ​ສອບ​ປະຈຳ​ພາກ​ກາງ ບົດສະຫຼຸບ​ຂາດ​ຕົວ​ຜົນ​ການ​ກວດສອບ​ການຈັດຕັ້ງ​ປະຕິບັດ​ງົບ​ປະມານ ສົກ​ປີ 2015-2016 ແຜນວຽກ​ຈຸດ​ສຸມປີ​ທ່ອງ​ທ່ຽວ​ລາວ 2018 ບົດ​ລາຍ​ງານ​ການຈັດຕັ້ງປະຕິບັດ​ແຜນການເຄື່ອນໄຫວວຽກ​ງານ​ປີ 2017 ແລະ ທິດ​ທາງປີ 2018 ຂອງ​ອົງການ​ໄອ​ຍະ​ການປະຊາຊົນ ແລະ ສານ​ປະຊາຊົນ ນວ ບົດ​ລາຍ​ງານ​ການຈັດຕັ້ງ​ປະຕິ​ບັດ​ວຽກ​ງານ ​ປກຊ-​ປກສ ປີ 2017 ແລະ ທິດ​ທາງປີ 2018 ບົດ​ລາຍ​ງານ​ການເຄື່ອນໄຫວວຽກ​ງານ​ປີ 2017 ແລະ ທິດ​ທາງປີ 2018 ຂອງ​ສະພາ​ປະຊາຊົນ ນວ ການ​ສະເໜີ​ແຕ່ງຕັ້ງ​ບຸ​ຄະລາ​ກອນ​ໃນ​ກົງຈັກ​ອົງການ​ປົກຄອງ ນວ ແລະ ຮັບ​ຟັງ​ການ​ຊີ້ແຈງ​ບັນຫາ​ສຳຄັນ​ຈຳນວນ​ໜຶ່ງ.

ບັນດາ​ເນື້ອ​ໃນ​ທີ່​ນຳ​ມາ​ພິ​ຈາລະ​ນາ ແລະ ຮັບຮອງ​ເອົາ​ໃນກອງ​ປະຊຸມ​ຄັ້ງ​ນີ້ ລ້ວນ​ແຕ່​ເປັນບັນຫາ​ທີ່​ສຳຄັນ ແລະ ກວມ​ເອົາຫຼາຍ​ຂົງເຂດ​ວຽກ​ງານ ສະນັ້ນ ບົນ​ຈິດ​ໃຈຄວາມ​ສາມັກຄີ ຄວາມຮັບຜິດຊອບ​ໃນ​ຖານະ​ເປັນ​ອົງການ​ແຫ່ງ​ສິດ ແລະ ຜົນ​ປະໂຫຍດ​ຂອງ​ປະຊາຊົນ ຕາງໜ້າໃຫ້​ຄະນະ​ປະຈຳ​ສະພາ​ປະຊາຊົນ ນວ.

ຂ່າວທີ່ກ່ຽວຂ້ອງ