ຂ່າວຫຼ້າສຸດ

ຮ່ວມມືກັນພັດທະນາບຸຄະລາກອນ

226 14 ກ.ພ. 2018 ຂ່າວໜ້າ​ໜຶ່ງ
ຮ່ວມມືກັນພັດທະນາບຸຄະລາກອນ

ພິທີ​ລົງ​ນາມ​ການ​ຮ່ວມ​ມື​ຄັ້ງ​ນີ້ ໄດ້​ຈັດ​ຂຶ້ນ​ວັນ​ທີ 8 ກຸມພາ 2018 ຢູ່​ວິທະຍາໄລ​ເຕັກນິກ​ສັບພະ​ວິຊາລະຫວ່າງທ່ານ ບຸນ​ຖະ​ໜອນ ສຸລິຍາ​ວົງ ຮອງ​ຜູ້ອຳນວຍການວິທະຍາໄລ​ເຕັກນິກ​ສັບພະ​ວິຊາ ແລະ ທ່ານ Hongyuan ZHANG ຜູ້ອຳນວຍການ​ບໍລິສັດ Space Eye Lao sole ຈຳກັດ ໂດຍ​ມີທ່ານ ຫຸມພັນ ອຸດ​ສາ ຫົວໜ້າ​ກົມ​ອາຊີວະ​ສຶກ​ສາ ກະຊວງ​ສຶກ​ສາ​ທິການ ແລະ ກີລາ ທ່ານ ພົງ​ສະຫວັດ ອ້ວນ​ປໍ​ມະນີ ຜູ້​ອຳນວຍການ​ວິທະຍາໄລ​ເຕັກນິກ​ສັບພະວິຊາ ທ່ານ Xiaoyang CHENG ປະທານບໍລິສັດ Space Eye Lao sole ຈຳກັດ ພ້ອມ​ດ້ວຍພາກສ່ວນ​ກຽວ​ຂ້ອງ​ເຂົ້າ​ຮ່ວມ.

ການ​ຮ່ວມ​ມື​ຄັ້ງ​ນີ້ ມີ​ໄລຍະ​ເວລາ 5 ປີ ນັບ​ແຕ່​ມື້​ລົງ​ລາຍ​ເຊັນເປັນຕົ້ນ​ໄປ ບໍລິສັດ​ຈະ​ຊ່ວຍເຫຼືອໃນ​ການ​ບຳລຸງ ແລະ ສ້ອມແປງອຸປະກອນການ​ສຳ​ຫຼວດ-ວັດແທກ​ທີ່​ເປ່​ເພ​ຂອງ​ວິທະຍາໄລເຕັກນິກ​ສັບພະ​ວິຊາ ຊ່ວຍເຫຼືອໃນ​ດ້ານ​ຍົກ​ລະດັບ ແລະ ຈັດ​ເຝິກອົບຮົມ​ດ້ານ​ວິຊາ​ການ​ກ່ຽວ​ກັບການ​ວັດແທກ ແລະ ແຜນ​ທີ່່​ໃຫ້ຄູ-ອາຈານທີ່​ກ່ຽວຂ້ອງ​ຂອງ​ວິທະ​ຍາ​ໄລ​ເຕັກນິກ​ສັບພະ​ວິຊາ ຮັບນັກ​ສຶກ​ສາ​ຂອງ​ວິທະຍາໄລ​ເຕັກນິກ​ສັບພະ​ວິຊາ ເຝິກ​ງານ​ຕົວ​ຈິງ 20 ຄົນ​ຕໍ່​ປີ ສຳລັບ​ວິທະຍາໄລເຕັກນິກ​ສັບພະ​ວິຊາ ຈະ​ຊ່ວຍ​ໂຄສະ​ນາ​ປະຊາສຳພັນ​ການ​ນຳ​ໃຊ້​ອຸປະກອນ​ສຳ​ຫຼວດ-ວັດແທກ​ໃຫ້ນັກຮຽນ-ນັກ​ສຶກ​ສາ ແລະ ຜູ້​ປະກອບ​ການ​ອື່ນໆ ຮ່ວມ​ມື​ກັນ​ຄົ້ນຄວ້າ​ເຕັກນິກ​ວິທະຍາສາດ​ດ້ານການ​ສຳ​ຫຼວດ​ວັດແທກ ແລະ ສ້າງ​ແຜນທີ່.

ຂ່າວທີ່ກ່ຽວຂ້ອງ