ຂ່າວຫຼ້າສຸດ

ລາວ-ໄທ ຜັນຂະຫຍາຍຂອບການຮ່ວມມືເປັນຮູບປະທຳ

651 14 ກ.ພ. 2018 ຂ່າວໜ້າ​ໜຶ່ງ
ລາວ-ໄທ ຜັນຂະຫຍາຍຂອບການຮ່ວມມືເປັນຮູບປະທຳ

ພິທີ​ມອບ-ຮັບ​ໂປຣ​ແກຣມລົງທະບຽນ​ເລກ​ໝາຍ​ໂທລະສັບມື​ຖື​ຢ່າງ​ເປັນ​ທາງ​ການ ລະຫວ່າງກະຊວງ​ໄປສະນີ ໂທລະ​ຄົມ​ມະນາ​ຄົມ ແລະ ການ​ສື່ສານ ແຫ່ງ ​ສປປ ລາວ (​ປທສ) ແລະ ສຳນັກງານ​ຄະນະ​ກຳມະການ​ກິດ​ຈະການ​ກະຈາຍສຽງ ກິດຈະການໂທລະພາບ ແລະ ກິດຈະການ​ໂທລະ​ຄົມມະນາຄົມ​ແຫ່ງ​ຊາດ ແຫ່ງ ຣາ​ຊະ​ອານາຈັກ​ໄທ (​ກສທຊ) ຈັດ​ຂຶ້ນ​ວັນ​ທີ 12 ກຸມພາ 2018 ທີ່ໂຮງແຮມ​ດອນ​ຈັນ​ພາ​ເລດ ກ່າວມອບ​ຂອງ​ທ່ານພົນ​ເອກ ປຣະ​ວິດ ວົງ​ສຸວັນ ຮອງ​ນາຍົກ​ລັດ​ຖະ​ມົນຕີ ລັດຖະມົນຕີ​ກະຊວງ​ປ້ອງ​ກັນປະເທດ ແຫ່ງ ​ຣາ​ຊະ​ອານາຈັກໄທ ກ່າວ​ຮັບ​ຂອງ​ທ່ານ ສອນ​ໄຊ ສີ​ພັນ​ດອນ ຮອງ​ນາຍົກ​ລັດ​ຖະມົນຕີ ແຫ່ງ ​ສປປ ລາວ ມີ​ທ່ານ ທັນ​ສະໄໝ ກົມ​ມະ​ສິດ ລັດ​ຖະມົນຕີ​ກະຊວງ​ໄປສະນີ ໂທລະ​ຄົມມະ​ນາ​ຄົມ ແລະ ການ​ສື່ສານ ທ່ານພົນ​ເອກ ສຸ​ກິດ ຂະ​ມະ​ສຸນທອນ ຮັກສາ​ການ​ປະທານ​ສຳນັກງານ​ຄະນະ​ກຳມະການ​ກິດ​ຈະການ​ກະຈາຍສຽງ ກິດຈະການໂທລະພາບ ແລະ ກິດຈະການ​ໂທລະ​ຄົມມະນາຄົມ​ແຫ່ງ​ຊາດ ແຫ່ງ ຣາ​ຊະ​ອານາຈັກ​ໄທ ພ້ອມ​ພະນັກງານ​ກ່ຽວຂ້ອງ​ສອງ​ປະເທດ​ເຂົ້າຮ່ວມ.

ທ່ານ ທັນ​ສະໄໝ ກົມ​ມະ​ສິດ ໄດ້​ລາຍ​ງານ​ກ່ຽວ​ກັບ​ຜົນ​ການຮ່ວມ​ມື​ຂອງ ​ສປປ ລາວ ແລະ ຣາ​ຊະ​ອານາຈັກ​ໄທ ໃນ​ການ​ຈັດຕັ້ງ​ປະຕິບັດ​ວຽກ​ງານ​ການ​ຕິດ​ຕັ້ງໂປຣ​ແກຣມ​ດັ່ງກ່າວ ເຊິ່ງ​ເຫັນ​ວ່າໄດ້​ສືບ​ເນື່ອງ​ມາ​ຈາກ​ບົດ​ບັນທຶກຄວາມ​ເຂົ້າໃຈ​ ທີ່​ໄດ້​ລົງ​ນາມ​ຮ່ວມກັນ​ໃນ​ປີ 2016 ລະຫວ່າງ​ກະຊວງ ​ປທສ ແລະ ​ກສທຊ ແຫ່ງ ຣາ​ຊະ​ອານາຈັກ​ໄທ ​ຕໍ່​ກັບ​ວຽກງານ​ການ​ເພີ່ມ​ທະວີ​ການ​ແລກປ່ຽນ​ຂໍ້​ມູນ​ຂ່າວສານ ແລະ ປະສົບ​ການ​ໃນ​ການ​ຄຸ້ມ​ຄອງ ດັດສົມ ໂທລະ​ຄົມມະນາຄົມ ແລະ ຄື້ນຄວາມ​ຖີ່​ໃນ​ຂອບ​ເຂດ​ການ​ຮ່ວມມື ຄື: ການ​ຄຸ້ມ​ຄອງ​ບໍລິຫານ​ຕິດຕາມ​ກວດກາ ການ​ອອກ​ອະນຸຍາດ​ຄື້ນ​ຄວາມ​ຖີ່ ການ​ດັດສົມວຽກ​ງານ​ໂທລະ​ຄົມມະນາຄົມ ການ​ປົກ​ປ້ອງ​ຜູ້​ຊົມໃຊ້ ການ​ແກ້ໄຂ​ຂໍ້​ຂັດ​ແຍ່ງ​ໃນ​ການ​ບໍລິການໂທລະ​ຄົມມະນາຄົມ ການ​ສົ່ງເສີມ​ນະ​ວັດຕະ​ກຳ​ດ້ານ​ເຕັກນິກ ໃນ​ຂົງເຂດ​ໂທລະ​ຄົມມະນາຄົມ ການ​ຮ່ວມ​ມື​ສາກົນ​ໃນ​ຂອບ​ສະຫະ​ພາບ​ໂທລະ​ຄົມມະນາຄົມ​ສາກົນ (ITU) ແລະ ອາ​ຊຽນ ການຮ່ວມ​ມື​ດ້ານ​ອື່ນໆ​ທີ່​ທັງ​ສອງ​ຝ່າຍຕົກລົງ​ເຫັນ​ດີ​ເປັນ​ເອກະ​ພາບ​ກັນ ເພື່ອ​ເປັນ​ການຈັດຕັ້ງ​ຜັນ​ຂະຫຍາຍ​ແຜນການ​ຮ່ວມ​ມື ກໍ່​ຄືບັນດາ​ກິດຈະກຳ​ທີ່​ສຳຄັນ​ໃຫ້​ເກີດເປັນ​ຮູບ​ປະ​ທຳ.

ຂ່າວທີ່ກ່ຽວຂ້ອງ