ຫົວເຫວີຍເປີດໂຕສະມາດໂຟນ Huawei P20 ແລະ Huawei P20Pro

244 30 ມີ.ນ. 2018 ຫົວຂໍ້ຂ່າວອື່ນໆ
ຫົວເຫວີຍເປີດໂຕສະມາດໂຟນ Huawei P20 ແລະ Huawei P20Pro

ຫົວ​ເຫວີຍ​ເປີດ​ໂຕ​ສະມາດ​ໂຟນ Huawei P20 ແລະ Huawei P20Pro ທີ່​ທົ່ວ​ໂລກ​ຕັ້ງໃຈ​ລໍຄອຍ ທີ່ Grand Palais Exhibition Hall and Museum Complex ເມືອງ​ປາ​ຣີດ ປະເທດ​ຝຣັ່ງ ໃນ​ວັນ​ທີ 27 ມີນາ ທີ່​ຜ່ານ​ມາ, ໂດຍ ຫົວ​ເຫວີຍ P20 Pro ເປັນ​ສະມາດ​ໂຟນ​ລຸ້ນ​ທຳ​ອິດ​ຂອງ​ໂລກ​ທີ່​ມາ​ພ້ອມ​ກັບ​ກ້ອງ​ຫລັງ 3 ໂຕ ທີ່​ພັດທະນາ​ຮ່ວມ​ກັບ ໄລ​ກ້າ ແລະ ເທັກ​ໂນ​ໂລ​ຊີ​ປັນຍາ​ປະດິດ AI (Artificial Intelligence). ການ​ປະສົມ​ປະສານ​ລະຫວ່າງ​ເທັກ​ໂນ​ໂລ​ຊີ ແລະ ການ​ອອກ​ແບບ​ທີ່​ທັນ​ສະ​ໃໝ​ໄດ້​ມາ​ຊ່ວຍ​ຍົກ​ລະດັບ​ປະສົບ​ການ​ໃນ​ການ​ນຳ​ໃຊ້​ສະມາດ​ໂຟນ​ຂື້ນ​ໄປ​ອີກ​ຂັ້ນ ແລະ ລຸ້ນ​ນີ້​ຖື​ວ່າ​ເປັນ​ສະມາດ​ໂຟນ​ທີ່​ກ້ອງຖ່າຍຮູບ​ດີ​ທີ່​ສຸດ​ອັນ​ດັບ​ໜື່ງ ທັງ​ດ້ານ​ການ​ຖ່າຍຮູບ ແລະ ຖ່າຍ​ວິ​ດີ​ໂອ (ຈັດ​ອັນ​ດັບ​ຈາກ DxOMark) , ລວມ​ໄປ​ເຖິງ​ການ​ເປີດ​ໂຕ​ສີ​ໃຫມ່ Twilight ທີ່​ມີ​ສີສັນ​ສວຍ​ງາມ​ແບບ​ບໍ່​ຊ້ຳ​ໃຜ ແລະ ບໍ່​ເຄີຍ​ມີ​ມາ​ກ່ອນ. ສຳລັບ​ການ​ວາງ​ຈຳໜ່າຍ​ໃນ​ລາວ​ຈະ​ມີ​ການ​ເປີດ​ໂຕ​ໃນ​ໄວໆ​ນີ້.

ສະຫຼຸບ​ສະ​ເປັກ​ເບື້ອງ​ຕົ້ນ​ຂອງ P20 Pro:

  • ກ້ອງ​ດ້ານ​ຫຼັງ 3 ເລນ 40 MP (RGB, ຮູ​ຮັບ​ແສງ f/1.8) + 20 MP MP (ສີຂາວ​ດຳ Monochrome, ຮູ​ຮັບ​ແສງ f/1.6) + 8 MP (Telephoto, ຮູ​ຮັບ​ແສງ f/2.4)  ຮອງ​ຮັບ​ການ​ຊູມ​ແບບ 3x optical zoom / 5x hybrid zoom 
  • ກ້ອງ​ດ້ານ​ໜ້າ 24 MP, ຮູ​ຮັບ​ແສງ f/2.0 ຮອງ​ຮັບ​ຄວາມ​ຍາວ​ໂຟກ​​LSWinErrັສ​ຄົງ​ທີ່ ພ້ອມ Lighting effect
  • Huawei Full View Display 2.0 ໜ້າ​ຈໍ​ຂະໜາດ 6.1” ແບບ OLED ຄວາມ​ລະອຽດ​ລະດັບ FHD+
  • ໜ່ວຍ​ຄວາມ​ຈຳ​ພາຍ​ໃນ 6 GB RAM + 128 GB ROM
  • Face Unlock ລະບົບ​ປົດ​ລອ໊ກ​ດ້ວຍ​ໃບ​ໜ້າທີ່​ວ່ອງໄວ ແລະ ປອດ​ໄພ
  • ແບັດ​ເຕີ​ລີ້ 4,000 mAh  ຮອງ​ຮັບ​ເທັກ​ໂນ​ໂລ​ຢີ Huawei Super charge.

ຂ່າວທີ່ກ່ຽວຂ້ອງ