ຂ່າວຫຼ້າສຸດ

ໂຕຊິບາ ໃຫ້ການຊ່ວຍເຫຼືອສ້ອມແປງ ສະຖານີໄຟຟ້ານ້ຳງຽບ 2

626 23 ມ.ສ. 2018 ຫົວຂໍ້ຂ່າວອື່ນໆ
ໂຕຊິບາ ໃຫ້ການຊ່ວຍເຫຼືອສ້ອມແປງ ສະຖານີໄຟຟ້ານ້ຳງຽບ 2

ອີງ​ຕາມ​ຂໍ້​ມູນ​ຈາກບໍ​ລິ​ສັດ Neo Target Company Limited ປະເທດ​ໄທ ໃຫ້​ຮູ້​ວ່າ: ເຄື່ອງ​ຈັກ​ສຸດ​ທ້າຍ​ຂອງ​ສະຖານີ​ໄຟຟ້າ​ນ້ຳ​ງຽບ 2 ໄດ້​ເລີ່ມ​ຜະລິດ​ໄຟຟ້າ​ໃນ​ວັນ​ທີ 10 ກຸມພາ 2018 ຫຼັງ​ຈາກ​ໄດ້​ມີ​ການ​ສ້ອມແປງ​ດ່ວນ ເຊິ່ງ​ຕາມ​ການ​ສ້ອມແປງ​ຜ່ານ​ມາ​ ໂດຍ​ແມ່ນ​ຜູ້​ຜະລິດ​ອຸປະກອນ ກໍ່​ຄືບໍລິສັດ ໄຟຟ້າ​ນ້ຳຕົກ ໂຕ​ຊິ​ບາ (ຫາງ​ໂຈ) ຈຳກັດ (Toshiba Hydro Power (Hangzhou) Co., Ltd.) ເຊິ່ງ​ສະແດງ​ໃຫ້​ເຫັນ​ວ່າ: ເຄື່ອງ​ຈັກ-ໄດ​ປັ່ນ​ໄຟຟ້າ​ໄຮ​ໂດຣ​ລິກ 3 ເຄື່ອງ​ຂອງ​ສະຖານີ​ໄຟຟ້າ​ນ້ຳ​ງຽບ 2 ໄດ້​ເລີ່ມ​ຕົ້ນ​ການ​ຜະລິດ ແລະ ປັ່ນ​ໄຟຟ້າ​ຕໍ່​ແລ້ວ.

ໂຄງການ​ໄຟຟ້າ​ນ້ຳ​ງຽບ 2 ຕັ້ງ​ຢູ່​ເມືອງ​ຜາ​ໄຊ ແຂວງ​ຊຽງ​ຂວາງ ໂດຍ​ແມ່ນບໍລິສັດ China International Water & Electric Corp ເຊິ່ງ​ແມ່ນ​ບໍລິສັດ​ຫຸ້ນ​ສ່ວນ​ກັບສະຫະ​ບໍລິສັດ​ສາມ​ຈອດຈ໌​ຂອງ​ຈີນ (China Three Gorges Corporation) ເປັນ​ຜູ້​ລົງທຶນ ແລະ ກໍ່ສ້າງ ສະຖານີ​ໄຟຟ້າ​ນ້ຳ​ງຽບ 2 ປະກອບ​ມີ​ເຄື່ອງ​ຈັກ​ຜະລິດ-ໄດ​ປັ່ນ​ໄຮ​ໂດຣ​ລິກ 3 ເຄື່ອງ​ທີ່​ມີ​ສ່ວນ​ຫົວ​ງານ​ສູງ​ສຸດ 490 ແມັດ ຄວາມ​ໄວ​ຂອງ​ການ​ປັ່ນ​ໃນ​ອັດຕາ 600 ຮອບ/ນາທີ ແລະ ຄວາມ​ຈຸ​ໃນ​ອັດຕາ 60WM ຕໍ່ 68,6MVA ດ້ວຍ​ກຳລັງ​ຕິດ​ຕັ້ງ​ທັງ​ໝົດ 180 MW ການ​ຜະລິດ​ໄຟຟ້າ​ໄດ້​ສະເລ່ຍ​ຕໍ່​ປີ​ແມ່ນ 721 ລ້ານ KWh ແລະ ການ​ລົງທຶນ​ທັງ​ໝົດ​ແມ່ນ 345 ລ້ານ​ໂດ​ລາ​ສະຫະລັດ ສະຖານີ​ໄຟຟ້າ ຕົ້ນຕໍ​ແມ່ນ​ເລັ່ງ​ໃສ່​ການ​ຜະລິດ​ໄຟຟ້າ ການ​ປ້ອງ​ກັນ​ນ້ຳ​ຖ້ວມສະໜອງ​ເຂົ້າ​ໃນ​ຊົນລະປະທານ ແລະ ການທ່ອງທ່ຽວ.

ໃນ​ເດືອນ​ພຶດສະພາ 2012 ບໍລິສັດ​ໄຟຟ້າ​ໂຕ​ຊິ​ບາ (Toshiba Hydro Power) ໄດ້​ເຊັນ​ສັນຍາ​ການ​ສະໜອງ ແລະ ການ​ບໍລິການ​ດ້ານ​ເຕັກນິກ​ສຳລັບ​ເຄື່ອງ​ຈັກ-ໄດ​ປັ່ນ​ໄຟ​ໄຮ​ໂດຣ​ລິກ​ປະເພດ Francis ແນວ​ຕັ້ງ 3 ເຄື່ອງ​ທີ່​ມີ​ຄວາມ​ຈຸ 60MW ຕໍ່​ເຄື່ອງ ແລະ ອຸປະກອນ​ເສີມ​ຂອງ​ສະຖານີ​ໄຟ້​ຟ້າ​ນ້ຳ​ງຽບ 2 ຫຼັງ​ຈາກ​ການ​ອອກ​ແບບ ແລະ ການ​ຜະລິດ​ເປັນ​ເວລາ​ຫຼາຍ​ກວ່າ 3 ປີ ເຄື່ອງ​ຈັກ-ໄດ​ປັ່ນ​ໄຟ​ໄຮ​ໂດຣ​ລິກ 3 ເຄື່ອງ​ຂອງ​ສະຖານີ​ໄຟຟ້າ​ນ້ຳ​ງຽບ 2 ທີ່​ມີ​ຫົວ​ງານ​ນ້ຳ​ສູງ ແລະ ຄວາມ​ໄວ​ສູງ​ໄດ້​ເຂົ້າ​ສູ່​ການ​ບໍລິການ​ໃນ​ເດືອນກັນຍາ 2015 ເຊິ່ງ​ໄດ້​ຮັບ​ການ​ປະ​ເມີນ​ສູງ​ຈາກ​ລູກ​ຄ້າ​ໃນ​ດ້ານ​ການ​ໃຊ້​ງານ ແລະ ຄວາມ​ເຊື່ອ​ຖື​ໄດ້​ຂອງ​ອຸປະກອນ​ດັ່ງ​​​ກ່າວ.

ມາ​ຮອດ​ວັນ​ທີ 11 ກັນຍາ 2017 ສະຖານີ​ໄຟຟ້າ​ຢູ່​ກ້ອງ​ສະຖານທີ່​ກໍ່ສ້າງ​ຂອງ​ເຂື່ອນ​ທາງ​ຫົວນ້ຳ​ທີ່​ແຕກ​ຫັກ ນ້ຳ​ຂີ້ຕົມ​ໄຫຼ​ເຂົ້າ​ໄຫຼ​ເຂົ້າ​ຖ້ວມ​ເຮືອນ​ຈັກ​ເປັນ​ຈຳນວນ​ຫຼາຍ ເຮັດ​ໃຫ້​ເຂົ້າ​ຖ້ວມ​ຈັກ-ໄດ​ປັ່ນ​ໄຟ​ໄຮ​ໂດຣ​ລິກ 3 ເຄື່ອງ​ທີ່​ກ່າວ​ມາ​ນັ້ນ ໄດ້​ຮັບ​ຄວາມ​ເສຍ​ຫາຍ​ເປ່​ເພສະຖານີ​ໃຊ້​ການ​ບໍ່​ໄດ້ ອັນ​ໄດ້​ສົ່ງ​ຜົນ​ກະທົບ​ຕໍ່​ການ​ສະໜອງ​ກະແສ​ໄຟຟ້າ ໂດຍ​ສະເພາະ​ແມ່ນ​ທາງ​ພາກ​ຕາເວັນ​ອອກ​ສ່ຽງ​ເໜືອ ເຊິ່ງ​ມີ​ຜົນ​ກະທົບ​ຫຼວງຫຼາຍ​ຕໍ່​ເສດຖະກິດ​ທ້ອງຖິ່ນ ແລະ ຊີວິດ​ຂອງ​ຄົນ​ໃນ​ທ້ອງຖິ່ນ.

ຫຼັງ​ຈາກ​ເກີດ​ເຫດການ​ດັ່ງກ່າວ​ຂຶ້ນ ບໍລິສັດ ​ໄຟຟ້າ​ນ້ຳຕົກ​ໂຕ​ຊິ​ບາ (Toshiba Hydro Power) ໄດ້​ເລີ່ມ​ຕົ້ນ​ດຳເນີນ​ວິທີ​ການ​ແກ້​ໄຂ​ຕາມ​ຄວາມ​ຮຽກຮ້ອງ​ຂອງ​ລູກ​ຄ້າ​ໂດຍ​ທັນທີ ຕາມ​ທີ່​ລູກ​ຄ້າ​ຂອງ​ຕົນ​ເອງ​ໄດ້​ແຈ້ງ​ໃຫ້​ຊາບ ແລະ ໄດ້​ມອບ​ໝາຍ​ໃຫ້​ນັກວິຊາການ​ລົງ​ກວດກາ​ພາກ​ສະໜາມ​ໃນ​ເວລາ​ອັນ​ສັ້ນ ​ຫຼັງ​ຈາກ​ການ​ປຶກສາ​ຫາລື​ດ່ວນ​ໂດຍ​ພະ​ແນກ​ຜະລິດ ແລະ ເຕັກນິກ ແລະ ກຳນົດ​ລາຍການ​ວັດຖຸ ແລະ ອຸປະກອນ​ສຳລັບ​ການ​ສ້ອມແປງ​ກັບ​ລູກ​ຄ້າ ເພື່ອ​ດຳເນີນ​ການ​ໃຫ້​ທັນ​ກັບ​ເວລາ ບໍລິສັດ ​ໄຟຟ້າ​ນ້ຳຕົກ​ໂຕ​ຊິ​ບາ ໄດ້​ໃຫ້​ບູ​ລິ​ມະ​ສິດ​ແກ່​ອຸປະກອນ​ການ​ຜະລິດ​ທີ່​ຈຳເປັນ​ ສຳລັບ​ການ​ສ້ອມແປງ​ສະຖານີ​ໄຟຟ້າ​ນ້ຳ​ງຽບ 2 ໂດຍ​ດ່ວນ ແລະ ໄດ້​ດຳເນີນ​ການ​ຈັດ​ສົ່ງ​ໃຫ້​ໄວ​ທີ່​ສຸດ ແລະ ຍັງ​ຄຸນະພາບ​ດີ​ທີ່​ສຸດ ເຊິ່ງ​ໃນ​ລະຫວ່າງ​ການ​ສ້ອມແປງ ທີມ​ປະຕິບັດ​ງານ​ຂອງ​ບໍລິສັດ​ໄດ້​ເຮັດ​ວຽກ​ຢ່າງ​ຕໍ່​ເນື່ອງ​ຕະຫຼອດ 24 ຊົ່ວໂມງ​ຕໍ່ 7 ວັນ ດຳເນີນ​ການ​ແກ້​ໄຂ​ບັນຫາ​ຕ່າງໆ​ທີ່​ເກີດ​ຂຶ້ນ​ໃຫ້​ໄວ​ທີ່​ສຸດ ແລະ ຮັບປະກັນ​ໃຫ້ການ​ສ້ອມແປງ​ສຳເລັດ​ຕາມ​ເວລາ.

ເຄື່ອງ​ຈັກ​ປັ່ນ​ໄຟ 3 ເຄື່ອງ​ທີ່​ກ່າວ​ມາ​ຂອງ​ສະຖານີ​ໄຟຟ້າ​ນ້ຳ​ງຽບ 2 ໄດ້​ເລີ່ມ​ຜະລິດ​ໄຟຟ້າ​ຕໍ່​ຕາມ​ກຳນົດ​ເວລາ ໄດ້​ປະກອບສ່ວນ​ທີ່​ສຳຄັນ​ຕໍ່​ການ​ພັດທະນາ​ເສດຖະກິດ-ສັງຄົມ​ຂອງ ສປປ ລາວ ເຊິ່ງ​ຍັງ​ເປັນ​ການ​ພິສູດ​ໃຫ້​ເຫັນ​ເຖິງ​ຄວາມ​ເຂັ້ມແຂງ​ໂດຍ​ລວມ​ຂອງບໍລິສັດ ​ໄຟຟ້າ​ນ້ຳຕົກ​ໂຕ​ຊິ​ບາ (Toshiba Hydro Power) ໃນ​ການ​ປະຕິບັດ​ໂຄງການ​ຢູ່​ຕ່າງປະເທດ.

ສຳລັບບໍລິສັດ ໄຟຟ້າ​ນ້ຳຕົກໂຕ​ຊິ​ບາ (ຫາງ​ໂຈ) ຈຳກັດ (Toshiba Hydro Power (Hangzhou) Co., Ltd.) ມີ​ຊື່​ຫຍໍ້​ວ່າບໍລິສັດ​ ໄຟຟ້າ​ນ້ຳຕົກ​ໂຕ​ຊິ​ບາ (Toshiba Hydro Power) ແມ່ນ​ບໍລິສັດ​ຮ່ວມ​ທຶນ​ສ້າງຕັ້ງ​ຂຶ້ນ​ໂດຍ​ສະຫະ​ບໍລິສັດ​ ໂຕ​ຊີ​ບາ (Toshiba Corporation) ຂອງ​ຍີ​ປຸ່ນ ແລະ ສະຫະ​ບໍລິສັດ ​ຊີ​ໂນ​ໄຮ​ໂດຣ (Sinohydro Corporation) ຂອງ​ຈີນ ​ກິດຈະກຳ​ຕົ້ນຕໍ​ຂອງ​ບໍລິສັດ​ແມ່ນ​ການ​ຄົ້ນຄວ້າ ແລະ ການ​ພັດທະນາ ການ​ອອກ​ແບບ ການ​ຜະລິດ ພ້ອມ​ທັງ​ການ​ຕິດ​ຕັ້ງ ແລະ ການ​ບໍລິການ​ຢູ່​ໃນ​ພາກ​ອຸປະກອນ​ໄຟຟ້າ​ນ້ຳຕົກ.

ທຶນ​ຈົດ​ທະບຽນ 80% ຂອງ​ບໍລິສັດ ​ໄຟຟ້າ​ນ້ຳຕົກ​ໂຕ​ຊິ​ບາ (Toshiba Hydro Power) ແມ່ນ​ທຶນ​ຂອງ​ສະຫະ​ບໍລິສັດ ​ໂຕ​ຊິ​ບາ (Toshiba Corporation) 20% ແມ່ນ​ທຶນ​ຂອງ​ສະຫະ​ບໍລິສັດ​ ຊີ​ໂນ​ໄຮ​ໂດຣ (Sinohydro Corporation) ຂອງ​ຈີນ.

ຕະຫຼອດ​ໄລຍະ​ປະຫວັດ​ກວ່າ 120 ປີ​ຂອງ​ທຸລະ​ກິດ​ຈັກ-ໄດ​ປັ່ນ​ໄຟ ແລະ ຜະລິດ​ໄຟຟ້າ​ນ້ຳຕົກ ສະຫະ​ບໍລິສັດ​ໂຕ​ຊິ​ບາ​ ໄດ້​ມີ​ບົດບາດ​ຊັ້ນ​ນຳ​ຢູ່​ໃນ​ທຸລະ​ກິດ​ນ້ຳຕົກ ແລະ ໃຫ້​ຜະລິດ​ຕະ​ພັນ​ກ້າວໜ້າ​ສຸດ​ແກ່​ລູກ​ຄ້າ​ທົ່ວ​ໂລກ ໂດຍ​ສະເພາະ​ຢູ່​ໃນ​ເຄື່ອງ​ຈັກ​ນ້ຳຕົກ​ແບບ​ດັ້ງເດີມ ​ທີ່​ມີ​ກຳລັງ​ການ​ຕິດ​ຕັ້ງ​ທີ່​ໃຫຍ່​ທີ່​ສຸດ ໂຕ​ຊິ​ບາ​ໄດ້​ຢູ່​ໃນ​ແນວ​ໜ້າ​ຂອງ​ອຸປະກອນ​ໄຟຟ້າ​ນ້ຳຕົກ​ຂະໜາດ​ໃຫຍ່ ຫົວ​ງານ​ສູບຄວາມ​ໄວ​ສູງ ​ທີ່​ທຳ​ການ​ປ້ຳ​ເກັບ​ມ້ຽນ ມັນ​ໄດ້​ເປັນ​ຜະລິດ​ຕະ​ພັນ​ທຳລາຍ​ສະຖິຕິ​ໂລກ​ ທີ່​ໄດ້​ຮັບ​ການ​ສະໜັບສະໜູນ​ໂດຍ​ການ​ຄົ້ນຄວ້າ ແລະ ການ​ພັດທະນາ​ກ້າວໜ້າ​ທີ່​ສຸດ​ຢູ່​ໃນ​ຂະແໜງ​ນີ້.

ມາ​ຮອດ​ເດືອນ​ທັນວາ 2017 ບໍລິສັດ​ ໄຟຟ້າ​ນ້ຳຕົກ​ໂຕ​ຊິ​ບາ ໄດ້​ຂາຍ​ໄດ​ປັ່ນ​ໄຟຟ້າ​ນ້ຳຕົກ​ໄປ 109 ຊຸດ (ຄວາມ​ຈຸ​ທັງ​ໝົດ 7.183MW) ແລະ ຈັກ​ປັ່ນ​ໄຟຟ້າ​ນ້ຳຕົກ 123 ຊຸດ (ຄວາມ​ຈຸ​ທັງ​ໝົດ 12.550MVA) ໃຫ້​ແກ່​ລູກ​ຄ້າ​ໃນ​ທົ່ວ​ໂລກ.

ຂ່າວທີ່ກ່ຽວຂ້ອງ