ຂ່າວຫຼ້າສຸດ

ເຢຍລະມັນ ຊ່ວຍເຫຼືອລາວພັດທະນາອາຊີວະສຶກສາ

324 11 ພ.ພ. 2018 ຂ່າວໜ້າ​ໜຶ່ງ
ເຢຍລະມັນ ຊ່ວຍເຫຼືອລາວພັດທະນາອາຊີວະສຶກສາ

ລັດຖະບານ​ເຢຍ​ລະ​ມັນ​ ໃຫ້ການ​ຊ່ວຍເຫຼືອ​ລ້າ​ແກ່​ລັດຖະບານ​ລາວ ໂດຍ​ຜ່ານ​ທະນາຄານ​ສິນ​ເຊື່ອ​ເພື່ອ​ການ​ພັດທະນາ​ເຢຍ​ລະ​ມັນ ຈຳນວນ  6,8 ລ້ານ​ເອີ​ໂຣ ເຂົ້າ​ໃນ​ໂຄງການ​ທຶນ​ສະໜັບ​ສະໜູນ​ການ​ພັດທະນາ​ອາຊີວະ​ສຶກ​ສາ ແລະ ເຝິກອົບຮົມ​ວິຊາ​ຊີບ.

ພິທີ​ເຊັນ​ສັນຍາ​ຈັດ​ຂຶ້ນວັນ​ທີ 8 ພຶດສະພາ 2018 ທີ່​ກະຊວງ​ການ​ເງິນ ໂດຍ​ການ​ເຊັນ​ສັນຍາລະຫວ່າງ​ທ່ານ ລໍ​ເຣນ ແກັດ​ສະ​ເນີ ຜູ້ອຳນວຍການ​ທະນາຄານ​ພັດທະນາ​ເຢຍ​ລະ​ມັນ (KfW) ປະຈຳ ​ສປປ ລາວ ກັບທ່ານ​ນາງ ທິບ​ພະ​ກອນ ຈັນທະ​ວົງສາ ຮອງ​ລັດຖະມົນຕີ​ກະຊວງ​ການ​ເງິນ ແລະ ທ່ານ ກອງ​ສີ ແສງ​ມະນີ ຮອງ​ລັດຖະມົນຕີ​ກະຊວງ​ສຶກ​ສາ​ທິ​ການ ແລະ ກີລາ ມີ​ທ່ານ ແຊນ ປີ​ເຕີ ລຸກ​ເຕິນ​ເຮິມ ທູດ​ເຢຍ​ລະ​ມັນ​ປະຈຳ​ລາວ ມີ​ຫົວໜ້າ​ຫ້ອງການ​ປະຈຳ​ພາກ​ພື້ນ​ອາຊີ​ຕາເວັນ​ອອກ ແລະ ປາ​ຊີ​ຟິກ ທະນາຄານ​ພັດທະນາ​ເຢຍ​ລະ​ມັນ ພ້ອມ​ດ້ວຍ​ຕາງໜ້າ​ຂັ້ນ​ກົມ ກະຊວງ​ສຶກ​ສາ​ທິ​ການ ແລະ ກີລາ ແລະ ກະຊວງ​ການ​ເງິນ​ເຂົ້າ​ຮ່ວມ.

ການ​ຊ່ວຍເຫຼືອ​ລ້າ​ຂອງ​ລັດຖະບານ​ເຢຍ​ລະ​ມັນ ໃນ​ໂຄງການ​ທຶນ​ສະໜັບສະໜູນການ​ພັດທະນາ​ອາຊີວະ​ສຶກ​ສາ ແລະ ເຝິກອົບຮົມ​ວິຊາ​ຊີບ ແມ່ນ​ເພື່ອ​ພັດທະນາ​ວຽກ​ງານ​ອາຊີວະ​ສຶກ​ສາ​ໃນ​ລາວ ໃຫ້​ແທດເໝາະ​ສອດຄ່ອງ​ກັບ​ການ​ຂະຫຍາຍຕົວ ແລະ ຄວາມ​ຕ້ອງການ​ຂອງ​ຕະຫຼາດ​ແຮງ​ງານ ແລະ ຊ່ວຍ​ໃນ​ການ​ປັບປຸງ ປະຕິ​ຮູບ​ລະບົບ​ການ​ສຶກ​ສາ​ແຫ່ງ​ຊາດ ແລະ ການ​ຮ່ວມ​ມື​ພາກ​ລັດ ແລະ ເອກະ​ຊົນ​ໃນ​ການ​ພັດທະນາ​ວຽກ​ງານ​ອາຊີວະ​ສຶກ​ສາ​ໃນ​ລາວ.

ຂ່າວທີ່ກ່ຽວຂ້ອງ