ແມນຢູ ຄວ້າ "ເຟຣັດ" ຄົນທໍາອິດ ແລະ ດາໂລ ເປັນຄົນຕໍ່ໄປ

205 06 ມິ.ນ. 2018 ວົງຈອນກີລາ
ແມນຢູ ຄວ້າ "ເຟຣັດ" ຄົນທໍາອິດ ແລະ ດາໂລ ເປັນຄົນຕໍ່ໄປ

        ເຄຣກ ນໍວູດ ຊ່າງພາບ ແລະ ນັກຂ່າວອິດສະລະ ຢືນຢັນວ່າ ເຟຣັດ ກອງກາງທີມຊາດບຣາຊິນ ເປັນການເຊັນສັນຍາເສີມທັບຄົນທໍາອິດຂອງແມນເຊສເຕີ ຢູໄນເຕັດໃນພັກຮ້ອນນີ້ ສ່ວນດິໂອໂກ ດາໂລ ກອງຫຼັງດາວຮຸ່ງ ກຽມເຂົ້າກວດຮ່າງກາຍພາຍໃນ 48 ຊົ່ວໂມງ

          ນໍວູດ ຊຶ່ງຂຶ້ນຊື່ໃນຄວາມແມ່ນຢໍາຂອງຂ່າວທາງການສະໂມສອນແມນຯ ຢູໄນເຕັດແບບ 99,99% ເປິດເຜີຍຜ່ານທວິດເຕີສ່ວນຕົວ ໂດຍມີໃຈຄວາມວ່າ "ເຟຣັດ ໂຣດຣິເກສ ໄດ້ກວດຮ່າງກາຍຮຽບຮ້ອຍແລ້ວທີ່ສະໜາມແຄຣິງຕັນເມື່ອວັນຈັນຜ່ານມານີ້ ງານເອກະສານສຸດທ້າຍໄດ້ມີການເຊັນຂຶ້ນກ່ອນປະກາດຢ່າງເປັນທາງການໃນອີກ 24 ຊົ່ວໂມງຖັດມາ.

          "ເຟຣັດ ຄືການເຊັນສັນຍາຄົນທໍາອິດທີ່ຍ້າຍເຂົ້າສູ່ຖິ່ນໂອລ ແທຣບຟອດໃນພັກຮ້ອນນີ້ ໂດຍມີຄ່າຕົວປະມານ 52 ລ້ານປອນ ສ່ວນ ດິໂອໂກ ດາໂລ ເປັນຄົນທີ່ສອງ ທີ່ໂຈເຊ່ ມູຣິນໂຢ່ ກຽມດຶງມາເສີມທັບ ແລະ ຈະປ່ອຍ ມັດເຕໂອ ດາມຽນ ໄປໃຫ້ກັບຢູເວນຕຸສ ທີມດັງແຫ່ງປະເທດອິຕາລີ ".

ຂ່າວທີ່ກ່ຽວຂ້ອງ