ຂ່າວຫຼ້າສຸດ

ADB ເພີ່ມ​ເງິນ 350 ລ້ານ​ໂດ​ລາ ໃຫ້​ແກ່​ການເຄື່ອນໄຫວ​ຊ່ວຍເຫຼືອ​ດ້ານ​ການ​ຄ້າ

42 13 ມິ.ນ. 2018 ຂ່າວຕ່າງປະເທດ
ADB ເພີ່ມ​ເງິນ 350 ລ້ານ​ໂດ​ລາ ໃຫ້​ແກ່​ການເຄື່ອນໄຫວ​ຊ່ວຍເຫຼືອ​ດ້ານ​ການ​ຄ້າ

     ວັນ​ທີ 11 ມິຖຸນາ​ນີ້ ທະນາຄານ​ພັດທະນາ​ອາຊີ (ADB) ໄດ້​ຮັບຮອງ​ຂໍ້​ຕົກລົງ ກ່ຽວ​ກັບ​ການ​ເພີ່ມ​ເຕີມ 350 ລ້ານ​ໂດ​ລາ​ສະຫະລັດ ເພື່ອ​ເປີດ​ກວ້າງ​ຂະໜາດ ແລະ ລະດັບ ອິດ​ທິ​ພົນ​ຂຶ້ນ​ຕື່ມ ສຳລັບ​ໂຄງການ​ຊ່ວຍເຫຼືອ​ດ້ານ​ການ​ເງິນ​ໃຫ້​ແກ່​ການ​ຄ້າ (TFP).

    ADB ໃຫ້​ຮູ້​ວ່າ ຈະ​ເພີ່ມ​ລະດັບ​ການ​ຊ່ວຍເຫຼືອ​ດ້ານ​ການ​ເງິນ​ຂອງ TFP ຂຶ້ນ​ເປັນ 1,35 ຕື້​ໂດ​ລາ​ສະຫະລັດ ເພື່ອ​ໃຫ້​ທັນ​ກັບ​ຄວາມ​ຕ້ອງການ​ຂອງ​ຕະຫຼາດ ກ່ຽວ​ກັບ​ການ​ຊ່ວຍເຫຼືອ​ດ້ານ​ການ​ເງິນ ໃຫ້​ແກ່​ການ​ຄ້າ ຊຶ່ງ​ໄດ້​ເພີ່ມ​ຂຶ້ນ ກວ່າ 50% ໃນ​ປີ 2017.

    ທ່ານ ສະ​ເຕ​ເວນ ເບກ ຜູ້ອຳນວຍການ​ພາກສ່ວນ​ຊ່ວຍເຫຼືອ​ດ້ານ​ການ​ເງິນ ໃຫ້​ແກ່​ການ​ຄ້າ​ຂອງ ADB ເວົ້າ​ວ່າ ການ​ເປີດ​ກວ້າງ​ການ​ກຳນົດ​ທຶນ ຈະ​ຊ່ວຍ​ໃຫ້ ADB ຕອບ​ສະໜອງ​ຄວາມ​ຕ້ອງການ ທີ່​ເພີ່ມ​ຂຶ້ນ​ຢ່າງ​ແຮງ​ຂອງ​ຕະຫຼາດ ທີ່​ມີ​ຕໍ່​ການ​ບໍລິການ​ຊ່ວຍເຫຼືອ​ດ້ານ​ການ​ເງິນ​ສຳລັບ​ການ​ຄ້າ.

    ຜົນ​ການ​ສຳ​ຫຼວດ​ຂອງ ADB ຊີ້​ໃຫ້​ເຫັນ​ວ່າ ບັນດາ​ອົງ​ປະກອບ​ດ້ານ​ການ​ເງິນ ເພື່ອ​ຊ່ວຍເຫຼືອ​ການ​ຄ້າ ກໍ​ຄື​ບັນດາ​ວິ​ສາ​ຫະ​ກິດ​ຂະໜາດ​ກາງ ແລະ ນ້ອຍ ມີ​ບົດບາດ​ສຳຄັນ ໃນ​ການ​ຮັດ​ແຄບ​ຊ່ອງ​ຫວ່າງ​ການ​ຊ່ວຍເຫຼືອ​ການ​ເງິນ​ໃຫ້​ແກ່​ການ​ຄ້າ​ທົ່ວ​ໂລກ ໂດຍ​ຄາດ​ວ່າ​ມີ​ເຖິງ 1.500 ຕື້​ໂດ​ລາ​ສະຫະລັດ ໃນ​ຈຳນວນ​ນັ້ນ​ມີ 40% ແມ່ນ​ຢູ່​ໃນ​ພາກ​ພື້ນ​ອາຊີ-ປາ​ຊີ​ຟິກ.

    TFP ໄດ້​ຮັບ​ການ​ຜັນ​ຂະຫຍາຍ​ຢູ່​ໃນ 21 ພື້ນຖານ​ເສດຖະກິດ ທີ່​ເປັນ​ສະມາຊິກ​ຂອງ  ADB ໃນ​ນັ້ນ ການເຄື່ອນໄຫວ​ແຮງ​ທີ່​ສຸດ ແມ່ນ​ຢູ່​ໃນ​ຕະຫຼາດ ອາກ​ເມ​ນີ ບັງ​ກລາ​ເດ​​ສ ປາ​ກິດ​ສະຖານ ສີ​ລັງກາ ແລະ​ຫວຽດນາມ.

ຂ່າວທີ່ກ່ຽວຂ້ອງ