ຜັກ​​​ກູດ ແລະ ຄຸນ​ປະ​​ນ​ໂຫຍດ​ດີໆ ທີ່​ບໍ່​ຄວນ​ເບິ່ງ​ຂ້າມ

212 13 ມິ.ນ. 2018 ຫົວຂໍ້ຂ່າວອື່ນໆ
ຜັກ​​​ກູດ ແລະ ຄຸນ​ປະ​​ນ​ໂຫຍດ​ດີໆ ທີ່​ບໍ່​ຄວນ​ເບິ່ງ​ຂ້າມ

 ຜັກ-ກູດ​ທີ່​ຫຼາຍໆ​ຄົນ​ຄິດ​ວ່າ​ເປັນ​ພືດ​ທຳ​ມະ​ດາ ສາມາດ​ນຳ​ມາ​ປຸງ​ແຕ່ງ​ເປັນ​ອາຫານ​ເທົ່າ​ນັ້ນ ແຕ່​ຄຸນ​ປະໂຫຍດ​ຂອງ​ມັນ​ມີ​ຫຼາຍ​ກວ່າ​ທີ່​ຄິດ ເຮັດ​ໃຫ້​ຫຼາຍໆ​ຄົນ​ເບິ່ງ​ຂ້າມ​ທີ່​ອຸດົມ​ໄປ​ດ້ວຍ​ທາດ​ບຳລຸງ​ຕ່າງໆ​ທີ່​ມີ​ຄຸນ​ປະໂຫຍດ​ຕໍ່​ຮ່າງ-ກາຍ.

 - ຜັກ​ມີ​ທາດ​ເຫຼັກ ເຊິ່ງ​ເປັນສານ​ອາຫານ​ທີ່​ຮ່າງກາຍ​ສ້າງ​ເອງ​ບໍ່​ໄດ້ ມີ​ປະໂຫຍດ​ຕໍ່​ການ​ຊ່ວຍ​ດູດ​ຊືມ​ອາຫານ ແລະ ເອນ​ໄຊ​ບາງ​ຊະນິດ​ຈາກ​ໂປ​ຕີນ​ເຂົ້າ​ສູ່​ຮ່າງກາຍ​ໄດ້​ດີ ແລະ ເປັນ​ອົງ​ປະກອບ​ຂອງ​ເມັດ​ເລືອດ​ແດງ.

- ອຸດົມ​ໄປ​ດ້ວຍ​ເບ​ຕາ​ແຄ​ໂລ​ທີນ​ສູງ ເຊິ່ງ​ຈະ​ຊ່ວຍ​ບຳລຸງ​ສາຍຕາ ຜິວພັນ ແລະ ປ້ອງ​ກັນ​ການ​ເສື່ອມ​ຂອງ​ດວງ​ຕາ.

- ຊ່ວຍ​ແກ້​ພິດ​ໄຂ້ ຫຼຸດ​ອາການ​ໄຂ້​ຕົວຮ້ອນ ຮັກສາ​ພິດ​ອັກເສບ ຊ່ວຍ​ບຳລຸງ​ເລືອດ ປ້ອງ​ກັນ​ພະຍາດ​ເລືອດ​ຈາງ ແລະ ຊ່ວຍ​ຂັບ​ປັດ​ສະ​ວະ.

- ຊ່ວຍ​ຫຼຸດ​ລະດັບ​ຄໍ​ເລດ​ສະ​ເຕີ​ຣອນ​ໃນ​ເລືອດ ເຊິ່ງ​ຈະ​ຊ່ວຍ​ຫຼຸດ​ໂອກາດ​ການ​ເກີດ​ພະຍາດ​ເລື້ອ​ລັງ​ໄດ້​ຫຼາຍ​ຊະນິດ​ ເຊັ່ນ: ພະຍາດ​ຄວາມດັນ ເລືອດສູງ ພະຍາດ​ເບົາຫວານ ຫຼື ພາວະ​ຫົວໃຈ​ຂາດ​ເລືອດ.

- ເຮັດ​ໃຫ້​ລະບົບ​ພູມ​ຄຸ້ມ​ກັນ​ໃນ​ຮ່າງກາຍ​ມີ​ຄວາມແຂງແຮງ ມີ​ປະສິດ​ຕິ​ພາບ​ໃນ​ການ​ປ້ອງກັນ ແລະ ຕໍ່ຕ້ານ​ອະນຸ​ມູນ​ອິດ​ສະລະ​ໄດ້​ເປັນ​ຢ່າງ​ດີ ຊ່ວຍ​ຫຼຸດ-ຜ່ອນ​ຄວາມ​ເສື່ອມ​ຂອງ​ຮ່າງ-ກາຍ.

- ຊ່ວຍ​ບຳລຸງ​ຮ່າງກາຍ​ບໍ່​ໃຫ້​ອ່ອນເພຍ​ງ່າຍ ເຮັດ​ໃຫ້​ລະບົບ​ການ​ເຮັດ​ວຽກ​ພາຍ​ໃນ​ຕ່າງໆ​ເກີດ ຄວາມ​ສົມ​ດູນ ແລະ ເຮັດ​ວຽກ​ດີ​ຂຶ້ນ ເພາະ​ອຸ-ດົມ​ໄປ​ດ້ວຍ​ສານ​ອາຫານ ວິຕາມິນ ແລະ ແຮ່​ທາດ​ທີ່​ຈຳເປັນ​ຕໍ່​ຮ່າງກາຍ.

- ຊ່ວຍ​ດັບ​ຮ້ອນ​ໃນ​ຮ່າງກາຍ ເຮັດ​ໃຫ້​ຮ່າງກາຍ​ສາມາດ​ປັບ​ລະດັບ​ຂອງ​ອຸນຫະພູມ​ພາຍ​ໃນ​ເຂົ້າ​ກັບ​ສະພາບ​ອາກາດ​ຮ້ອນໆ​ໄດ້​ດີ.

- ເປັນ​ແຫຼ່ງ​ຂອງ​ເສັ້ນ​ໄຍ​ອາຫານ ແລະ ແຄວ​ຊຽມ​ສູງ.

- ເປັນ​ຢາ​ຊ່ວຍ​ລະບາຍ ຖ້າ​ຫາກ​ນຳ​ໃບ​ຜັກກູດ​ມາ​ຕຳ​ໃຫ້​ແຫຼກ ແລ້ວ​ພອກ​ບໍລິເວນ​ຜີວ​ໜັງ​ທີ່​ມີ​ອາການ​ຄັນ​ກໍ່​ຈະ​ຊ່ວຍ​ບັນເທົາ ແລະ ເຮັດ​ໃຫ້​ຜີວ​ໜັງ​ຮູ້ສຶກ​ສະບາຍ​ຂື້ນ.

- ມີ​ທາດ​ຟອດ​ສະ​ຟໍ​ລັດ ເຊິ່ງ​ເປັນສານ​ອາຫານ​ທີ່​ສຳຄັນ​ຕໍ່​ຮ່າງກາຍ​ພໍໆກັບ​ແຄວ​ຊ່ຽມ ເຊິ່ງ​ຈະ​ຊ່ວຍ​ບຳລຸງ​ກະດູກ ແລະ ແຂ້ວ ເປັນ​ອົງ​ປະກອບ​ຂອງ​ເນື້ອ​ເຍື່ອ​ເຊວທີ່​ຊ່ວຍ​ໃນ​ການ​ເຮັດ​ວຽກ​ຂອງ​ເຊວ ການ​ດູດ​ຊຶມ ແລະ ລະບົບ​ຂັບ​ຖ່າຍ​ນຳ​ອີກ.

 

ຂ່າວທີ່ກ່ຽວຂ້ອງ