CEO ຂອງ​ກຸ່ມ​ບໍລິສັດ Amazon ກາຍເປັນ​ມະຫາ​ເສດຖີ​ລ້ຳ​ລວຍ​ທີ່​ສຸດ​ໃນ​ໂລກ

241 20 ມິ.ນ. 2018 ຂ່າວຕ່າງປະເທດ
CEO ຂອງ​ກຸ່ມ​ບໍລິສັດ Amazon ກາຍເປັນ​ມະຫາ​ເສດຖີ​ລ້ຳ​ລວຍ​ທີ່​ສຸດ​ໃນ​ໂລກ

     ທ່ານ ເຈ​​ຟ ບີ​​ຊອສ ຜູ້​ກໍ່​ຕັ້ງ ແລະ​ເປັນ​ຜູ້ອຳນວຍການ​ຝ່າຍ​ບໍລິຫານ (CEO) ຂອງ​ກຸ່ມ​ບໍລິສັດ ອາ​ມາ​ຊອນ (Amazon) ໄດ້​ກາຍເປັນ​ມະຫາ​ເສດ​ຖື​ທີ່​ລ້ຳ​ລວຍ​ທີ່​ສຸດ​ໃນ​ໂລກ ໂດຍ​ຄາດ​ວ່າ​ມີ​ຍອດ ມູນ​ຄ່າ​ຊັບ​ສິນ​ທີ່ 141,9 ຕື້​ໂດ​ລາ​ສະຫະລັດ.

    ບັນຊີ​ລາຍ​ຊື່​ມະຫາ​ເສດຖີ​ທີ່​ລ້ຳ​ລວຍ​ທີ່​ສຸດ​ໃນ​ໂລກ ສະບັບ​ຫຼ້າ​ສຸດ​ຂອງ Forbes ທີ່​ນຳ​ອອກ​ມາ ເປີດເຜີຍ​ເມື່ອ​ວັນ​ທີ 18 ມິຖຸນາ​ນີ້  ລະບຸ​ວ່າ ນັບ​ແຕ່​ວັນ​ທີ 1 ມິຖຸນາ​ທີ່​ຜ່ານ​ມາ ຊັບ​ສິນ​ຂອງ ບີ​​ຊອສ ໄດ້​ເພີ່ມ​ຂຶ້ນ​ຕື່ມ 5 ຕື້​ໂດ​ລາ​ສະຫະລັດ ຮອງ​ລົງ​ມາ​ເປັນ​ອັນ​ດັບ​ສອງ​ກໍ​ແມ່ນ​ມະຫາ​ເສດຖີ ບີ​​ລ ເກດ ເຈົ້າ​ຂອງ​ກຸ່ມ​ບໍລິສັດ Microsoft Corporation ໂດຍ​ມີ​ມູນ​ຄ່າ​ຊັບ​ສິນ 92,9 ຕື້​ໂດ​ລາ​ສະຫະລັດ ແລະ ມາ​ໃນ​ອັນ​ດັບ​ສາມ​ກໍ​ແມ່ນ​ມະຫາ​ເສດຖີ ວໍ​ເຣນ ບູ​​ຟ​ເຟດ ຊຶ່ງ​ເປັນ​ໜຶ່ງ​ໃນ​ບັນດາ​ນັກ​ລົງທຶນ ທີ່​ປະສົບ​ຄວາມ​ສຳເລັດ​ທີ່​ສຸດ​ໃນ​ໂລກ ຖືກ​ຈັດ​ຢູ່​ໃນ​ອັນ​ດັບ 3 ໂດຍ​ຄາດ​ວ່າ​ມີ​ມູນ​ຄ່າ​ຊັບ​ສິນ 82,2 ຕື້ ໂດ​ລາ​ສະຫະລັດ.

    CEO ຂອງ Amazon ໄດ້​ກາຍເປັນ​ຄົນ​ລ້ຳ​ລວຍ​ທີ່​ສຸດ​ໃນ​ໂລກ ມາ​ຕັ້ງແຕ່​ຕົ້ນ​ປີ​ນີ້ ແລະ ​ກຸ່ມ​ບໍລິສັດ​ຂອງ​ເຂົາ ກໍ​ເປັນ​ກຸ່ມ​ບໍລິສັດ​ທີ່​ມີ​ມູນ​ຄ່າ​ການ​ຫັນ​ທຶນ​ສູ່​ຕະຫຼາດ​ສູງ​ເປັນ​ອັນ​ດັບ​ສອງ ຂອງ​ໂລກ ໂດຍ​ເປັນ​ຮອງ​ຈາກ​ບໍລິສັດ Apple ດ້ານ​ເຕັກ​ໂນ​ໂລ​ຊີ.

 

ຂ່າວທີ່ກ່ຽວຂ້ອງ