ໄຟ

102 06 ກ.ກ. 2018 ຫົວຂໍ້ຂ່າວອື່ນໆ

   ຄຳ​ນາມ ແປ​ວ່າ ອາຍ ທາດ​ທີ່​ໃຫ້​ຄວາມ​ຮ້ອນ, ແສງ ແລະ ຄວັນ ທີ່​ເກີດ​ຈາກ​ເຜົາ​ໄໝ້​ຂອງ​ວັດ­ຖຸ​ສິ່ງ​ຂອງ​ທີ່​ເປັນ​ເຊື້ອ​ໄຟ ເຊັ່ນ: ໄມ້, ເຈ້ຍ, ຖ່ານ, ອາຍ​ແກ​ັສ... ເປັນ​ຄຳ​ທີ່​ມີ​ຫຼາຍ​ຄວາມ​ໝາຍ ທັງ​ທາງ​ກົງ ແລະ ທາງ​ອ້ອມ ຈຶ່ງ​ພົບ​ເຫັນ​ໃຊ້​ທົ່ວ​ໄປ​ໃນ​ພາ­ສາ​ລາວ ແລະ ໃນ​ພາ­ສາ​ຕ່າງ­ປະ­ເທດ​ກໍ​ມີ​ເຊັ່ນ​ກັນ. ຄວາມ​ໝາຍ​ຂອງ​ໄຟ ກ່ຽວ­ຂ້ອງ​ກັບ ການ​ເຜົາ​ໄໝ້, ການ​ໃຫ້​ຄວາມ​ຮ້ອນ, ແຫຼ່ງ​ແສງ​ສະ­ຫວ່າງ, ແຫຼ່ງ​ຄວາມ​ຮ້ອນ, ແຫຼ່ງ​ພະ­ລັງ­ງານ, ການ​ລະ­ເບີດ... ນອກ­ຈາກ​ນີ້, ຍັງ​ໃຊ້ “ໄຟ” ເປັນ​ສັນ­ຍະ­ລັກ ຫຼື ຄຳ​ອຸ​ປະ­ລັກ​ຕ່າງໆ​ເພື່ອ​ປຽບ­ທຽບ​ໄດ້​ເຊັ່ນ: ການ​ມ່ວນ­ຊື່ນ, ຄວາມ​ຮັກ, ກິດ­ຈະ­ກຳ, ຄວາມ​ອັນ­ຕະ­ລາຍ...

ຕົວ­ຢ່າງ: ຄວາມ​ໝາຍ​ກົງ

- ໄຟ​ໄໝ້​ຟືນ​ຈົນ​ໝົດ (ການ​ເຜົາ​ໄໝ້)

- ມີ​ໄຟ​ບໍ່? ຂໍ​ຕໍ່​ຢາ​ແດ່ ! (ການ​ຂໍ​ໄຟ)

- ຍາມ­ໜາວ​ມາ ກໍ​ພາ­ກັນ​ນັ່ງ​ອ້ອມ​ກອງ​ໄຟ (ຄວາມ​ອົບ​ອຸ່ນ)

- ໄຕ້​ທຽນ​ໃນ​ຫ້ອງ​ແລ້ວ ກໍ​ຄ່ອຍ​ແຈ້ງ​ຂຶ້ນ​ມາ  (ແສງ​ສະ­ຫວ່າງ)

- ເຕົາ­ລີດ​ໄດ້​ຄວາມ​ຮ້ອນ​ຈາກ​ໄຟ­ຟ້າ (ພະ­ລັງ​ກະ­ແສ​ໄຟ­ຟ້າ)

ຄວາມ​ໝາຍ​ອ້ອມ ເປັນ​ສັນ­ຍະ­ລັກ ຫຼື ອຸ​ປະ­ລັກ:

- ໃຈ­ຮ້ອນ​ເປັນ​ຟືນ​ເປັນ​ໄຟ (ຄວາມ​ຮູ້­ສຶກ/ອາ­ລົມ)

- ປາກ​ຮ້າຍ​ເປັນ​ຟືນ​ເປັນ​ໄຟ (ອາ­ລົມ​ຮ້າຍ)

- ມີ​ຄວັນ​ຕ້ອງ​ມີ​ໄຟ ມີ​ໄຟ​ຕ້ອງ​ມີ​ຄວັນ (ສຳ­ນວນ)

- ລັດ­ຖະ­ບານ​ເປີດ​ໄຟ​ຂຽວ​ໃຫ້​ໂຄງ­ການ (ອະ­ນຸ­ຍາດ)

- ມ່ວນ​ເປັນ​ໄຟ! (ສຳ­ນວນ​ສັນ­ຍະ­ລັກ​ບັນ­ຍາ­ກາດ)

ໂດຍ: ແສງ​ຈັນ ສຸ​ຂະ​ເສມ

ຂ່າວທີ່ກ່ຽວຂ້ອງ