ການບຸກລຸກດິນເຂດສະຫງວນ ບຶງທາດຫຼວງ ຍັງເປັນບັນຫາໜັກທີ່ຈະຕ້ອງໄດ້ແກ້ໄຂ

184 09 ກ.ກ. 2018 ຂ່າວໜ້າ​ໜຶ່ງ

   ການ​ບຸ­ກລຸກ​ຈັບ­ຈອງ​ເອົາ​ດິນ​ເຂດ​ສະ­ຫງວນ​ຕາມ​ແຄມ​ຫ້ວຍ­ຮ່ອງ​ຄອງ​ບຶງ ຢູ່​ນະ­ຄອນ­ຫຼວງ​ວຽງ​ຈັນ ໂດຍ​ສະ­ເພາະແມ່ນ​ບຶງ​ທາດ­ຫຼວງ ​ມາ​ເປັນ​ດິນ​ນຳ​ໃຊ້​ຂອງ​ຕົນ ​ແມ່ນ​ພົບ​ເຫັນ​ຫຼາຍ​ຈຸດ ໃນ​ນັ້ນ ມີ​ທັງ​ດິນ​ຜູ້​ມີ​ອຳ­ນາດ ດິນ​ພະ­ນັກ­ງານ ແລະ ດິນ​ປະ­ຊາ­ຊົນ​ທີ່​ເຫັນ​ໄດ້​ຈາກ​ໂຄງ­ການ​ລວງ​ຄອງ​ລະ­ບາຍ​ນ້ຳ​ບຶງ​ທາດ­ຫຼວງ​ຊົ່ວ­ຄາວ ທີ່​ມີ​ຄວາມ​ກວ້າງ 50 ແມັດ ທີ່​ໄດ້​ຈັດ​ຕັ້ງ​ປະ­ຕິ­ບັດ​ໃນ​ຜ່ານ​ມາ​ພົບ​ຄວາມ​ຫຍຸ້ງ­ຍາກ​ເວ­ລາ​ປະ­ຕິ­ບັດ​ງານ​ໄປ ພົບ​ດິນ​ຂອງ​ບຸກ­ຄົນ​ທີ່​ມີ​ໃບ​ສິດ​ນຳ​ໃຊ້​ຢ່າງ​ຖືກ­ຕ້ອງ.

   ທ່ານ ສາຍ​ຄຳ ແພງ​ຄຳ​ມີ ຫົວ­ໜ້າ​ຂະ­ແໜງ​ຊົນ­ລະ­ປະ­ທານ ພະ​ແນກ​ກະ­ສິ­ກຳ ແລະ ປ່າ­ໄມ້ ນະຄອນ​ຫຼວງ​ວຽງ​ຈັນ ທັງ​ເປັນ​ຜູ້​ຮັບ­ຜິດ­ຊອບ​ໂຄງ­ການ​ດັ່ງ­ກ່າວ ໃຫ້​ສຳ­ພາດ​ເມື່ອ​ທ້າຍ​ເດືອນ​ມິ­ຖຸ­ນາ 2018 ວ່າ: ການ­ຈັດ­ຕັ້ງ​ປະ­ຕິ­ບັດ​ໂຄງ­ການ​ລວງ​ຄອງ​ລະ­ບາຍ​ນ້ຳ​ຕ້ານ​ແລ້ງ-ຕ້ານ​ຖ້ວມ ຢູ່​ຕົວ​ເມືອງ​ນະ­ຄອນ­ຫຼວງ​ວຽງ​ຈັນ ເວ­ລາ​ຈັດ​ຕັ້ງ​ປະ­ຕິ­ບັດ​ແມ່ນ​ພົບ​ບັນ­ຫາ​ຫຍຸ້ງ­ຍາກ​ເມື່ອ​ຖືກ​ດິນ​ທີ່​ມີ​ໃບ​ຕາ­ດິນ ແລະ ບັນ­ຫາ​ນີ້​ແມ່ນ​ມີ​ຢູ່​ທຸກ​ເມືອງ ຕໍ່​ບັນ­ຫາ​ນີ້​ຈະ​ໄດ້​ສົມ­ທົບ​ກັບ​ພະ​ແນກ​ຊັບ­ພະ­ຍາ­ກອນ​ທຳ​ມະ​ຊາດ ແລະ ສິ່ງ­ແວ­ດລ້ອມ ນະ­ຄອນ­ຫຼວງ​ວຽງຈັນ​ ລົງ​ກວດ­ກາ​ຕື່ມ ປັດ­ຈຸ­ບັນ ​ພວກ​ເຮົາ​ກຳ­ລັງ​ສັງ​ລວມ​ຂໍ້​ມູນ​ສົມ­ທົບ​ກັບ​ອຳ­ນາດ​ການ​ປົກ­ຄອງ​ເມືອງ ແລະ ບ້ານ ​ກວດ­ກາ​ບັນ­ດາ​ເຈົ້າ​ຂອງ​ດິນ​ທີ່­ຢູ່​ຕາມ​ລຽບ​ຄອງ ຖ້າ​ໄດ້​ຂໍ້​ມູນ​ຄົບ ​ຈະ​ໄດ້​ສັງ​ລວມ​ລາຍ​ງານ​ຕໍ່​ທ່ານ​ເຈົ້າຄອງ​ນະ­ຄອນ­ຫຼວງ ເພື່ອ​ຂໍ​ທິດ​ຊີ້​ນຳ​ໃນ​ການ­ຈັດ­ຕັ້ງ​ປະ­ຕິ­ບັດ​ຂັ້ນ​ຕອນ​ຕໍ່​ໄປ.

ຂ່າວທີ່ກ່ຽວຂ້ອງ