ນົກແກ້ວ

94 09 ກ.ກ. 2018 ຫົວຂໍ້ຂ່າວອື່ນໆ

ຄຳ​ວິ­ເສດ ແປ​ວ່າ ສັດ​ປີກ​ປະ­ເພດ​ນົກ ທີ່​ເບື້ອງ​ຕົ້ນ​ອາ­ໄສ​ຢູ່​ປ່າ ແຕ່​ຄົນ​ໄດ້​ນຳ​ເອົາ​ລ້ຽງ​ໄວ້​ເປັນ​ສັດ­ລ້ຽງ ທີ່​ສາ­ມາດ​ຮຽນ​ເວົ້າ​ພາ­ສາ​ຄົນ​ເຮົາ​ແບບ​ງ່າຍໆ​ໄດ້ ຕົວ­ຢ່າງ: ແກ້ວ​ເອີຍ​ແກ້ວ ກິນ​ເຂົ້າ​ກັບ​ກ້ວຍ! ດັ່ງ­ນັ້ນ, ນົກ​ແກ້ວ ຈຶ່ງ​ໄດ້​ນຳ​ມາ​ປຽບ­ທຽບ​ເປັນ​ຮູບ​ພາບ​ວ່າ ຈັ່ງ​ແມ່ນ​ປາກ​ເປັນ/ກ້ຽງ​ຄື​ນົກ​ແກ້ວ​ນໍ ! ນົກ​ແກ້ວ ໃນ​ທີ່​ນີ້ ບໍ່​ແມ່ນ​ນົກ​ແກ້ວ​ສັດ​ປີກ ແຕ່​ແມ່ນ​ເດັກ­ນ້ອຍ​ທີ່​ປາກ​ລ່ຽນ­ໄຫຼ​ດີ ຈຶ່ງ​ເວົ້າ​ວ່າ ເປັນ­ຕາ​ຮັກ​ຕາ​ແພງ ! ໃນ​ແງ່​ພາ­ສາ​ສາດ, ນົກ​ແກ້ວ ແມ່ນ​ສຳ­ນວນ​ປາ­ກົດ­ການ​ການ​ກາຍ​ຄວາມ​ໝາຍ​ຂອງ​ຄຳ ຈຶ່ງ​ພົບ​ເຫັນ​ໃນ​ພາ­ສາ​ໃນ​ໂລກ.

ຕົວ­ຢ່າງ:

- ປ່າ​ນີ້​ມີ​ນົກ​ຝູງ​ນົກ​ແກ້ວ ເພາະ​ມີ​ໜາກ​ໄມ້​ປ່າ​ຫຼາຍ

- ນົກ​ແກ້ວ​ຮຽນ​ເວົ້າ​ພາ­ສາ​ຄົນ “ສະ­ບາຍ­ດີ​ແກ້ວ! ແກ້ວ​ເອີຍ ແກ້ວ​ກິນ​ເຂົ້າ​ກັບ​ກ້ວຍ”

- ຫຼານ​ສາວ​ນ້ອຍ​ເວົ້າ​ກ້ຽງ​ປານ​ນົກ​ແກ້ວ

ໂດຍ: ແສງ​ຈັນ ສຸ​ຂະ​ເສມ

ຂ່າວທີ່ກ່ຽວຂ້ອງ