ຂ່າວຫຼ້າສຸດ

ລັດຖະບານຣັດເຊຍ ຖະແຫຼງການພາກພູມໃຈນັກເຕະທີມຊາດ ຍົກເປັນວິລະບູລຸດຂອງປະເທດ

206 09 ກ.ກ. 2018 ວົງຈອນກີລາ
ລັດຖະບານຣັດເຊຍ ຖະແຫຼງການພາກພູມໃຈນັກເຕະທີມຊາດ ຍົກເປັນວິລະບູລຸດຂອງປະເທດ

ທ່ານ ວະລາດິເມຍ ປູຕິນ ປະທານປະເທດຣັດເຊຍ ປະກາດຢູ່ວັງແກຣມແລັງ ເຖິງຄວາມພາກພູມໃຈໃນຕົວນັກກີລາເຕະບານທີມຊາດຣັດເຊຍ ເຖິງແມ່ນວ່າຈະຈົບເສ້ັນທາງບານໂລກໃນບ້ານຕົວເອງພຽງແຕ່ຮອບ 8 ທີມສຸດທ້າຍກໍຕາມ.

ໂດຍທ່ານ ດິມິທຣີ ເປສໂກ ໂຄສົກລັດຖະບານ ໄດ້ລະບຸວ່າ “ທ່ານ ປູຕິນ ຮັບຊົມການແຂ່ງຂັນໂດຍຕະຫຼອດ ເຮົາພ່າຍແພ້ຢ່າງຍຸຕິທໍາ ແລະ ມັນເປັນເກມທີ່ໂດດເດັ່ນ ພວກເຂົາຍັງເປັນບຸກຄົນທີ່ໂດດເດັ່ນສໍາລັບພວກເຮົາສະເໝີ ພວກເຂົາຄືວິລະບຸລຸດ ທຸກຄົນສູ້ໃນສະໜາມທຸກນາທີ ເຮົາພູມໃຈໃນຕົວຂອງພວກເຂົາ”.

ດ້ານ ສະຕານິສລາຟ ເຊີເຊຊອຟ ຜູ້ຈັດການໃຫຍ່ຂອງທີມຊາດຣັດເຊຍ ໃຫ້ສໍາພາກຫຼັງເກມວ່າ “ເຮົາເຊື່ອໝັ້ນໃນຕົວເອງສະເໝີ ຣັດເຊຍພິສູດຜົນງານຕົວເອງດ້ວຍການທີ່ທຸກຄົນເຮັດວຽກໜັກ ຂ້ອຍເຊື່ອວ່າກອງເຊຍບານຣັດເຊຍຈະບໍ່ພຽງແຕ່ເລີ່ມໝັ້ນໃຈເຮົາ ແຕ່ພວກເຂົາຮັກເຮົາ ຄົນທັງປະເທດຈະຫຼົງຮັກເຮົາ ພວກເຂົາຮັບຮູ້ໄດ້ວ່າ ທີມຊາດຣັດເຊຍ ມີຄ່າພຽງພໍ ເຮົາຫວັງວ່າເຮົາຈະປ່ຽນແປງສະຖານະການຕ່າງໆໃຫ້ດີຂຶ້ນໄດ້”.

ຂ່າວທີ່ກ່ຽວຂ້ອງ