ລົງນາມໂຄງການຂົນສົ່ງແບບຍືນຍົງໃນຕົວເມືອງ ນວ

142 10 ກ.ກ. 2018 ຂ່າວໜ້າ​ໜຶ່ງ
ລົງນາມໂຄງການຂົນສົ່ງແບບຍືນຍົງໃນຕົວເມືອງ ນວ

   ກົມ​ຂົນ­ສົ່ງ ກະ­ຊວງ​ໂຍ­ທາ​ທິ​ການ-ຂົນ­ສົ່ງ ແລະ ບໍ­ລິ­ສັດ ເອບ​ຕິ​ຊ້າ ປະ­ເທດ ຟີ​ລິ​ປິນ ຮ່ວມ​ລົງ​ນາມ​ໃນ​ສັນ­ຍາ​ໂຄງ­ການ​ຂົນ­ສົ່ງ​ແບບ​ຍືນ​ຍົງ​ໃນ​ຕົວ​ເມືອງ​ນະ­ຄອນ­ຫຼວງ​ວຽງ​ຈັນ (ນວ) ລວມ​ມູນ​ຄ່າ​ການ​ກໍ່­ສ້າງ 74,93 ຕື້​ກີບ (7,59 ລ້ານ​ກວ່າ​ເອີ​ໂຣ) ໃນ​ນັ້ນ 5 ລ້ານ​ເອີ​ໂຣ ເປັນ​ທຶນ​ຊ່ວຍ­ເຫຼືອ​ລ້າ​ຈາກ EU-AIF 2,59 ລ້ານ​ກວ່າ​ເອີ​ໂຣ ເປັນ​ທຶນ​ກູ້​ຢືມ​ຈາກ EIB.

   ຈຸດ­ປະ­ສົງ​ຂອງ​ການ​ເຝິກ­ອົບ­ຮົມ​ຄັ້ງ​ນີ້ ແມ່ນ​ມອບ​ໃຫ້​ບໍ­ລິ­ສັດ ເອບ​ຕິ​ຊ້າ ປະ­ເທດ ຟີ​ລິ​ປິນ ມາ​ສຶກ​ສາ ອອກ​ແບບ​ລາຍ​ລະ­ອຽດ ຄຸ້ມ​ຄອງ​ການ​ກໍ່­ສ້າງ ແລະ ຕິດ­ຕາມ​ຄວບ​ຄຸມ​ການ­ຈັດ­ຕັ້ງ​ປະ­ຕິ­ບັດ PIC ໂຄງ­ການ​ຂົນ­ສົ່ງ​ແບບ​ຍືນ​ຍົງ​ໃນ​ຕົວ​ເມືອງ ນະ­ຄອນ­ຫຼວງ​ວຽງ​ຈັນ VSUTP ຕະ­ຫຼອດ​ໄລ­ຍະ​ເວ­ລາ 5 ປີ ຈົນ​ສິ້ນ​ສຸດ​ໂຄງ­ການ.

   ພິ­ທີ​ລົງ​ນາມ​ສັນ­ຍາ​ດັ່ງ­ກ່າວ ຈັດ​ຂຶ້ນ​ໃນ​ວັນ​ທີ 4 ກໍ­ລະ­ກົດ 2018 ທີ່​ກະ­ຊວງ​ໂຍ­ທາ​ທິ​ການ-ຂົນ­ສົ່ງ ໂດຍ​ການ​ລົງ​ນາມ​ຂອງ​ທ່ານ ບຸນ​ຕາ ອ່ອນ​ນາ​ວົງ ຫົວ­ໜ້າ​ກົມ​ຂົນ­ສົ່ງ ທາງ​ບໍ­ລິ­ສັດ​ທີ່​ປຶກ­ສາ​ແມ່ນ​ທ່ານ ກອນ​ສາ­ໂລ ເຟີ​ເຣ​ໂຣສ໌ ມາ​ເລ​ຄິວ ຜູ້­ອຳ­ນວຍ­ການ ບໍ­ລິ­ສັດ ເອບ​ຕິ​ຊ້າ ເຊິ່ງ​ມີ​ທ່ານ ວຽງ​ສະ​ຫວັດ  ສີ​ພັນ​ດອນ ຮອງ​ລັດ­ຖະ­ມົນ­ຕີ ກະ­ຊວງ​ໂຍ­ທາ​ທິ​ການ-ຂົນ­ສົ່ງ ພ້ອມ​ບັນ­ດາ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

ຂ່າວທີ່ກ່ຽວຂ້ອງ