ຂ່າວຫຼ້າສຸດ

ງານວາງສະແດງເຄື່ອງເຮືອນລາວ ຄັ້ງທີ 3 ມີ 170 ຫ້ອງວາງສະແດງເຂົ້າຮ່ວມ

203 10 ກ.ກ. 2018 ຂ່າວໜ້າ​ໜຶ່ງ
ງານວາງສະແດງເຄື່ອງເຮືອນລາວ ຄັ້ງທີ 3 ມີ 170 ຫ້ອງວາງສະແດງເຂົ້າຮ່ວມ

   170 ຮ້ານ​ວາງ­ສະ­ແດງ ຈາກ 70 ຫົວ­ໜ່ວຍ​ທຸ­ລະ​ກິດ​ພາຍ​ໃນ ແລະ ຕ່າງ­ປະ­ເທດ ນຳ​ເອົາ​ຜະ­ລິດ​ຕະ​ພັນ​ເຄື່ອງ​ເຟີ​ນີ​ເຈີ​ທີ່​ຜະ­ລິດ​ດ້ວຍ​ໄມ້ ຫວາຍ ໄມ້­ປ່ອງ ວັດ​ສະ​ດຸ​ເສດ​ເຫຼືອ​ຕ່າງໆ​ທີ່​ເຮັດ​ເປັນ​ເຄື່ອງ​ເຟີ​ນີ​ເຈີ ລວມ​ເຖິງ​ຜະ­ລິດ​ຕະ​ພັນ​ຫັດ­ຖະ­ກຳ ເຄື່ອງ​ແກະ­ສະ­ຫຼັກ ອຸ­ປະ­ກອນ​ປະ­ກອບ-ຮັບ​ໃຊ້​ເຄື່ອງ­ມື ແລະ ເຄື່ອງ​ຈັກ​ຕ່າງໆ​ກ່ຽວ​ກັບ ເຟີ​ນີ​ເຈີ ແລະ ອື່ນໆ ມາ​ວາງ­ສະ­ແດງ ແລະ ຈຳ­ໜ່າຍ​ໃນ​ລາ­ຄາ​ໂຮງ­ງານ ພ້ອມ​ທັງ​ໄດ້​ກຽມ​ຫຼຸດ​ລາ­ຄາ​ພິ­ເສດ ແລະ ຂອງ​ແຈກ​ແຖມ​ອີກ​ຈຳ­ນວນ​ຫຼວງ­ຫຼາຍ ເພື່ອ​ຄືນ​ກຳ­ໄລ​ໃຫ້​ລູກ​ຄ້າ​ໃນ​ງານ​ວາງ­ສະ­ແດງ​ເຄື່ອງ​ເຮືອນ​ລາວ ຄັ້ງ​ທີ 3 ປະ­ຈຳ​ປີ 2018 ລະ­ຫວ່າງ ວັນ​ທີ 7-15 ກໍ­ລະ­ກົດ 2018 ຢູ່​ສູນ​ການ​ຄ້າ​ລາວ-ໄອ​ເຕັກ.

   ທ່ານ ກອງ​ມາ­ລາ ພົມ­ມາ​ໄລ ຮອງ​ປະ­ທານ​ສະ­ມາ­ຄົມ​ເຟີ​ນີ​ເຈີ​ລາວ (ສຟລ) ກ່າວ​ໃນ​ພິ­ທີ​ເປີດ​ງານ​ວາງ ສະ­ແດງ​ເຄື່ອງ​ເຮືອນ​ລາວ ຄັ້ງ​ທີ 3 ເປັນ​ທາງ​ການ ວັນ​ທີ 9 ກໍ­ລະ­ກົດ 2018 ວ່າ: ງານ​ວາງ­ສະ­ແດງ​ເຄື່ອງ​ເຮືອນ​ລາວ ຄັ້ງ​ທີ 3 ຈັດ​ຂຶ້ນ​ເພື່ອ​ເປັນ​ການ­ຈັດ­ຕັ້ງ-ຜັນ​ຂະ­ຫຍາຍ​ເນື້ອ​ໃນ​ຈິດ­ໃຈ​ຂອງ​ຂັ້ນ​ເທິງ ໂດຍ​ສະ­ເພາະ ຄຳ​ສັ່ງ​ເລກ​ທີ 15/ນຍ ໃຫ້​ປາ­ກົດ​ຜົນ​ເປັນ​ຈິງ ເພື່ອ​ປົກ​ປັກ​ຮັກ­ສາ​ປ່າ­ໄມ້-ນຳ​ໃຊ້​ໄມ້​ໃຫ້​ເກີດ​ປະ­ໂຫຍດ ໂດຍ​ການ​ປຸງ​ແຕ່ງ​ເປັນ​ຜະ­ລິດ​ຕະ​ພັນ​ສຳ­ເລັດ​ຮູບ ຕິດ​ພັນ​ກັບ​ການ​ນຳ​ໃຊ້​ເຕັກ­ນິກ-ເຕັກ​ໂນ​ໂລ​ຊີ​ທີ່​ທັນ​ສະ­ໄໝ​ໃນ​ການ​ຜະ­ລິດ ເພື່ອ​ສ້າງ​ມູນ​ຄ່າ​ເພີ່ມ​ໃຫ້​ໄມ້​ລາວ​ເປັນ​ທີ່​ຕ້ອງ­ການ​ຂອງ​ຕະ­ຫຼາດ​ພາຍ​ໃນ ແລະ ຕ່າງ­ປະ­ເທດ ທັງ​ເປັນ​ການ​ສົ່ງ­ເສີມ ແລະ ສ້າງ​ຄວາມ​ເຂັ້ມ­ແຂງ​ໃຫ້​ຫົວ­ໜ່ວຍ​ທຸ­ລະ​ກິດ​ເຟີ​ນີ​ເຈີ ໂດຍ​ສະ­ເພາະ ການ​ພັດ­ທະ­ນາ​ສີ­ໄມ້­ລາຍ­ມື​ຂອງ​ຄົນ​ລາວ ສ້າງ​ວຽກ​ເຮັດ​ງານ​ທຳ ແລະ ສ້າງ​ລາຍ​ຮັບ​ໃຫ້​ປະ­ຊາ­ຊົນ ແລະ ປະ­ເທດ​ຊາດ ເຊິ່ງ​ພາຍ​ໃນ​ງານ​ຄັ້ງ​ນີ້​ນອກ­ຈາກ​ຈະ​ມີ​ກາ­ນວາງ­ສະ­ແດງ​ຜະ­ລິດ​ຕະ​ພັນ​ສິນ­ຄ້າ​ຄຸ­ນະ­ພາບ​ດີ​ໃນ​ລາ­ຄາ​ຖືກ​ແລ້ວ ຍັງ​ຈະ​ມີ​ການ​ສາ­ທິດ​ຜະ­ລິດ​ເຄື່ອງ​ເຟີ​ນີ​ເຈີ ແກະ­ສະ­ຫຼັກ​ໄມ້ ສະ­ແດງ​ສິ­ລະ​ປະ-ວັນ­ນະ­ຄະ­ດີ ຈັບ​ສະ­ຫຼາກ​ມອບ​ລາ­ງວັນ ຕິດ​ພັນ​ກັບ​ການ​ຈັດ​ກິດ­ຈະ­ກຳ​ສົ່ງ­ເສີມ​ການ­ທ່ອງ­ທ່ຽວ ໃນ​ໂອ­ກາດ​ປີ​ທ່ອງ​ທ່ຽວ​ລາວ 2018 ໂດຍ​ງານ​ຄັ້ງ​ນີ້​ມີ 170 ຫ້ອງ​ວາງ­ສະ­ແດງ ຈາກ 70 ຫົວ­ໜ່ວຍ​ທຸ­ລະ​ກິດ ໃນ​ນີ້ ຈາກ​ຕ່າງ​ແຂວງ 14 ຫົວ­ໜ່ວຍ​ທຸ­ລະ​ກິດ 16 ຫ້ອງ​ວາງ­ສະ­ແດງ ຈາກ 9 ແຂວງ ນອກ​ນັ້ນ​ແມ່ນ​ມາ​ຈາກ​ນະ­ຄອນ­ຫຼວງ​ວຽງ​ຈັນ ປະ­ເທດ​ໄທ ສ ເກົາ­ຫຼີ ຍີ່­ປຸ່ນ ເຊິ່ງ​ຄາດ​ວ່າ​ມູນ​ຄ່າ​ການ​ຈໍ​ລະ​ຈອນ​ຊື້-ຂາຍ​ສິນ­ຄ້າ​ລວມ 20 ຕື້​ກີບ ຄາດ​ວ່າ​ຈະ​ມີ​ການ​ຄ້າ-ຂາຍ​ໄດ້​ປະ­ມານ 80%.

ຂ່າວທີ່ກ່ຽວຂ້ອງ