ຂ່າວຫຼ້າສຸດ

ເບີ່ງບ້ານເຂົາເອົາບົດຮຽນ 10/07/2018

165 10 ກ.ກ. 2018 ຫົວຂໍ້ຂ່າວອື່ນໆ

   ພົບ​ກັນ​ວັນ​ນີ້​ມີ​ຫຼາຍ​ເລື່ອງ​ເກົ່າໆ​ເອົາ​ມາ​ເລົ່າ ຄືນ­ໃໝ່ ເພື່ອ​ເບິ່ງ​ວ່າ​ຢູ່​ຕ່າງ­ປະ­ເທດ​ນັ້ນ​ເຂົາ​ມີ​ມາດ ຕະ­ການ​ຄຸ້ມ​ຄອງ​ລັດ ຄຸ້ມ​ຄອງ​ສັງ­ຄົມ​ຄື​ແນວ­ໃດ ເຊັ່ນ: ຢູ່​ມາ​ເລ​ເຊຍ ເມັກ​ຊິກ (ເມັກ​ຊິ​ໂກ) ແລະ ຢູ່​ອິ​ຕາ​ລີ.

   ທີ່ ມາ​ເລ​ເຊຍ: ພາຍ​ໃນ​ປີ 2020 ຄື: ອີກ 2 ປີ​ໃນ­ຕໍ່­ໜ້າ​ນີ້ ທາງ​ການ​ມາ​ເລ​ເຊຍ​ໄດ້​ໝາຍ​ໝັ້ນ ຄັ້ນ​ມື​ຫັນ​ມາ​ເລ​ເຊຍ​ໃຫ້​ກາຍ­ເປັນ​ປະ­ເທດ​ທີ່​ມີ​ຖາ­ນະ​ພັດ­ທະ­ນາ​ຢ່າງ​ສົມ­ບູນ​ແບບ.

ເພື່ອ​ໃຫ້​ບັນ­ລຸ​ເປົ້າ​ໝາຍ​ດັ່ງ­ກ່າວ ທາງ​ການ​ມາ ເລ​ເຊຍ ໄດ້​ກຳ­ນົດ​ວຽກ​ສຳ­ຄັນ​ໄວ້​ແຕ່​ເມື່ອ 3 ປີ ກ່ອນ​ໜ້າ​ນີ້ ຄື: ຕ້ອງ​ພັດ­ທະ­ນາ​ສີ­ມື​ແຮງ​ງານ​ໃຫ້ ມີ​ກຳ­ມະ­ກອນ​ຊຳ­ນິ​ຊຳ­ນານ​ງານ ຈຳ­ນວນ 35% ຂອງ​ແຮງ​ງານ​ທັງ​ໝົດ​ຢູ່​ພາຍ​ໃນ​ປະ­ເທດ.

ສະ­ຖິ­ຕິ ເມື່ອ 3 ປີ​ກ່ອນ ມາ​ເລ​ເຊຍ​ມີ­ແຮງ ງານ​ທັງ​ໝົດ 14,3 ລ້ານ​ຄົນ ໃນ​ນັ້ນ ມີ​ພຽງ 28% ຈັດ​ໄດ້​ວ່າ​ເປັນ​ກຳ­ມະ­ກອນ​ຊຳ­ນານ​ງານ ການ​ພັດ­ທະ­ນາ​ແຮງ​ງານ​ພາຍ​ໃນ​ປະ­ເທດ​ໃຫ້ ພຽງ­ພໍ​ນັ້ນ ຖື​ເປັນ​ໜ້າ​ວຽກ​ບຸ­ລິ­ມະ­ສິດ​ຂອງ​ມາ​ເລ ເຊຍ​ທີ່​ບໍ່​ຕ້ອງ­ການ​ຈ້າງ​ແຮງ​ງານ​ຕ່າງ­ປະ­ເທດ​ມາ ເຮັດ​ແທນ​ໃນ​ໜ້າ​ວຽກ​ທີ່​ຄົນ​ມາ​ເລ​ເຊຍ​ເອງ​ສາ ມາດ​ເຮັດ​ໄດ້ ສ່ວນ​ແຮງ​ງານ​ຕ່າງ­ປະ­ເທດ​ນັ້ນ ຈະ ວ່າ​ຈ້າງ​ສະ­ເພາະ​ໃຫ້​ເຮັດ​ວຽກ​ໃນ 5 ຂະ­ແໜງ ການ​ທີ່​ແຮງ​ງານ​ທ້ອງ­ຖິ່ນ​ບໍ່​ສົນ­ໃຈ​ເຮັດ ເຊັ່ນ: ວຽກ​ກໍ່­ສ້າງ ກະ­ສິ­ກຳ ປ່າ­ໄມ້ ການ​ຜະ­ລິດ ແລະ ບາງ​ວຽກ​ໃນ​ຂະ­ແໜງ​ບໍ­ລິ­ການ.

ໃນ​ຊຸມ​ປີ­ຜ່ານ­ມາ ຈຳ­ນວນ​ແຮງ​ງານ​ຕ່າງ​ປະ ເທດ​ໄດ້​ເພີ່ມ​ຂຶ້ນ​ຢ່າງ​ໄວ­ວາ ເຮັດ​ໃຫ້​ເງິນ­ຕາ​ພາຍ ໃນ​ຮົ່ວ​ໄຫຼ​ອອກ​ນອກ​ປະ­ເທດ​ສູງ​ເຖິງ​ເກືອບ 9 ຕື້ ໂດ​ລາ​ສະ­ຫະ­ລັດ (ສະ­ຖິ­ຕິ​ປີ 2014) ແຮງ​ງານ ຕ່າງ­ປະ­ເທດ ປະ­ມານ 2/3 ເຂົ້າ​ໄປ​ເຮັດ​ວຽກ ແບບ​ຜິດ​ກົດ­ໝາຍ (ສະ­ຖິ­ຕິ​ໃນ​ເດືອນ​ມິ­ຖຸ­ນາ ປີ 2015).

   ທີ່ ເມັກ​ຊິກ: ທາງ​ການ​ປະ­ເທດ​ເມັກ​ຊິກ (ເມັກ ຊິ​ໂກ) ໄດ້​ຮັບ­ຮອງ​ເອົາ​ແຜນ­ການ​ດີໆ ເພື່ອ​ອັດ   ສ່ອງ​ຫວ່າງ​ຄວາມ​ບໍ່​ສະ­ເໝີ­ພາບ​ລະ­ຫວ່າງ​ຍິງ- ຊາຍ​ໃນ​ຕະ­ຫຼາດ​ແຮງ​ງານ ໂດຍ​ສະ­ເພາະ ແມ່ນ ໃນ​ຂະ­ແໜງ​ທຸ­ລະ​ກິດ​ຂະ­ໜາດ​ນ້ອຍ ແລະ ຂະ ໜາດ​ກາງ (SME) ແຜນ­ການ​ດັ່ງ­ກ່າວ​ໄດ້​ຮັບ ການ​ຄ້ຳ­ປະ­ກັນ​ດ້ວຍ​ງົບ­ປະ­ມານ​ທີ່​ເພີ່ມ​ຂຶ້ນ​ຈາກ 350 ລ້ານ​ໂດ​ລາ​ສະ­ຫະ­ລັດ ເປັນ 700 ລ້ານ​ໂດ ລາ​ສະ­ຫະ­ລັດ​ໃນ​ປີ 2018 ນີ້​ເອງ ງົບ­ປະ­ມານ​ດັ່ງ ກ່າວ​ຈະ​ນຳ​ໃຊ້​ເພື່ອ​ພັດ­ທະ­ນາ​ກຳ­ລັງ​ແຮງ​ງານ ໃຫ້ SME ໂດຍ​ເນັ້ນ​ການ​ສ້າງ​ໂອ­ກາດ​ໃຫ້​ແມ່­ຍິງ ໄດ້​ເຂົ້າ​ຮ່ວມ​ໃນ​ຂະ­ແໜງ­ການ​ຜະ­ລິດ​ທຸ­ລະ​ກິດ ຫຼາຍ​ຂຶ້ນ.

   ຂ່າວ​ບອກ​ວ່າ: ມີ​ຫຼາຍ​ໂຄງ­ການ​ທີ່​ເນັ້ນ​ການ ເປັນ​ເຈົ້າ​ການ​ຂອງ​ແມ່­ຍິງ​ໃນ​ການ​ບໍ­ລິ­ຫານ ແລະ   ຄຸ້ມ​ຄອງ​ໂດຍ​ກົງ ໃນ​ໂຄງ­ການ​ຮັດ​ແຄບ​ສະ­ພາບ ຫຼຸດ​ໂຕນ​ລະ­ຫວ່າງ ຍິງ-ຊາຍ ໃນ​ຕະ­ຫຼາດ​ແຮງ ງານ​ນີ້ ທາງ​ການ​ເມັກ​ຊິກ​ໄດ້​ສ້າງ​ເງື່ອນ­ໄຂ​ໃຫ້​ສະ​ຖາ​ບັນ​ແມ່­ຍິງ (Inmujeres) ໄດ້​ຍົກ​ສູງ​ບົດ ບາດ​ຂອງ​ຕົນ​ເອງ​ໃນ​ການ​ປະ­ຕິ­ບັດ​ສິດ​ສະ­ເໝີ ພາບ​ກັບ​ເພດ​ຊາຍ.

   ທີ່ ອິ​ຕາ​ລີ: ມີ​ຂ່າວ​ຫວ່າງ​ບໍ່​ດົນ​ມາ​ນີ້​ວ່າ  ມິ ລານ ແລະ ຕູ​ຣິນ ເຊິ່ງ​ເປັນ​ສອງ​ນະ­ຄອນ​ໃຫຍ່​ຢູ່ ທາງ​ພາກ​ເໜືອ​ຂອງ​ອິ​ຕາ​ລີ ໄດ້​ສັ່ງ​ຫ້າມ​ລົດ​ບາງ ປະ­ເພດ​ສັນ­ຈອນ​ຕາມ​ຖະ­ໜົນ ແນ­ໃສ່​ສະ­ກັດ​ກັ້ນ ສະ­ພາບ​ອາ­ກາດ​ເສື່ອມ​ໂຊມ​ໜັກ.

ຢູ່​ນະ­ຄອນ​ຕູ​ຣິນ ໄດ້​ມີ​ການ​ເຕືອນ​ໄພ​ລະ­ດັບ​ສີ ແດງ ແລະ ໄດ້​ສັ່ງ​ຫ້າມ​ລົດ​ທີ່​ແລ່ນ​ດ້ວຍ​ນ້ຳ­ມັນ ກາ​ຊວນ​ທີ່​ປ່ອຍ​ອາຍ​ພິດ​ລະ­ດັບ Euro 5 ແລະ 4 ອອກ​ແລ່ນ​ໃນ​ເວ­ລາ​ອັນ​ຈຳ­ກັດ ສ່ວນ​ຢູ່ ມິ​ລານ ທີ່​ມີ​ລະ­ດັບ​ການ​ເຕືອນ​ໄພ​ລະ­ດັບ​ສີ­ໝາກ­ກ້ຽງ​ນັ້ນ ໄດ້​ສັ່ງ​ຫ້າມ​ລົດ​ທີ່​ແລ່ນ​ດ້ວຍ​ນ້ຳ­ມັນ​ກາ​ຊວນ​ທີ່ ປ່ອຍ​ອາຍ​ພິດ​ສະ­ເພາະ​ຂັ້ນ Euro 5 ອອກ​ແລ່ນ.

ຂ່າວທີ່ກ່ຽວຂ້ອງ