ຂ່າວຫຼ້າສຸດ

ຟີ​ລິບ​ປິນ ສືບສວນ​ກໍລະນີ​ນັກ​ການເມືອງ​ຖືກ​ເຂັ່ນຂ້າ​ເປັນ​ລາຍ​ທີ​ສາມ

514 10 ກ.ລ. 2018 ຂ່າວຕ່າງປະເທດ
ຟີ​ລິບ​ປິນ ສືບສວນ​ກໍລະນີ​ນັກ​ການເມືອງ​ຖືກ​ເຂັ່ນຂ້າ​ເປັນ​ລາຍ​ທີ​ສາມ

   ຂ່າວສານ AFP ລາຍ​ງານ​ວ່າ ວັນ​ທີ 8 ກໍລະກົດ​ນີ້ ເຈົ້າ​ໜ້າທີ່​ຟີ​ລິບ​ປິນ ໄດ້​ດຳເນີນ​ການ ສືບສວນ​ສອບ​ສວນ ກໍລະນີ​ທີ່​ຮອງ​ເຈົ້າ​ຄອງ​ນະຄອນ​ຄົນ​ໜຶ່ງ ຖືກ​ເຂັ່ນຂ້າ​ຢູ່​ໃກ້​ກັບ​ນະຄອນຫຼວງ​ມາ​ນີ​ລາ. ນີ້​ເປັນ​ການ​ໂຈມ​ຕີ​ທີ່​ພາໃຫ້​ເກີດ​ການ​ເສຍ​ຊີວິດ​ເປັນ​ລາຍ​ທີ​ສາມ ທີ່​ດຳເນີນ​ການ​ໂດຍ​ກຸ່ມ​ມື​ປືນ ທີ່​ບໍ່​ຮູ້​ວ່າ​ເປັນ​ຝ່າຍ​ໃດ ໂດຍ​ມຸ່ງ​ເປົ້າ​ໃສ່​ເຈົ້າ​ໜ້າທີ່​ລະດັບ​ທ້ອງຖິ່ນ ຢູ່​ໃນ​ຟີ​ລິບ​ປິນ ໃນ​ຮອບ​ເວລາ ບໍ່​ເຖິງ​ໜຶ່ງ​ອາທິດ.

   ເຈົ້າ​ໜ້າທີ່​ຕຳຫຼວດ​ເວົ້າ​ວ່າ ໃນ​ເວລາ​ນີ້​ຍັງ​ບໍ່​ພົບ​ເຫັນ​ວ່າ​ມີ​ການ​ກ່ຽວ​ພັນ​ກັນ ລະຫວ່າງ​ກໍລະນີ ການ​ເຂັ່ນຂ້າ​ທ່ານ ອາ​ເລັກ​ຊານ​ເດີ​​ຣ ລູ​ບີ​ການ ຮອງ​ເຈົ້າ​ຄອງ​ນະຄອນ ທຣີ​​ສ ມາຕີ​ເຣ​​ສ (ທາງ​ທິດໃຕ້​ນະຄອນຫຼວງ​ມາ​ນີ​ລາ) ກັບ ການ​ເຂັ່ນຂ້າ​ເຈົ້າ​ຄອງ​ນະຄອນ​ອີກ 2 ກໍລະນີ ທີ່​ເກີດ​ຂຶ້ນ​ໃນ​ວັນ​ທີ 2 ແລະ 3 ກໍລະກົດ ຕາມ​ລຳດັບ​ທີ່​ນະຄອນ ຕານາ​ວານ (ແຂວງ ບາ​ຕັນ​ກາ​​ສ) ແລະ​ເມືອງ ເກ​ເນ​ຣາ​​ລ ຕີ​ນີ​ໂອ.

 

ຂ່າວທີ່ກ່ຽວຂ້ອງ