ເບີ່ງບ້ານເຂົາເອົາບົດຮຽນ 11/07/2018

82 11 ກ.ກ. 2018 ຫົວຂໍ້ຂ່າວອື່ນໆ

ພົບ​ກັນ​ວັນ​ນີ້​ມີ​ເລື່ອງ​ການ​ຫຼຸດ​ນ້ຳ­ໜັກ​ຂອງ ເຫຼົ່າ​ທະ­ຫານ​ໃນ​ປະ­ເທດ​ແອັດ​ສະ​ປາຍ ການ​ຂຶ້ນ ເງິນ­ເດືອນ​ທະ­ຫານ​ພັນ­ທະ​ທີ່ ສ ເກົາ­ຫຼີ ແລະ ເລື່ອງ​ສິງ­ກະ­ໂປ​ກຳ­ນົດ​ແຜນ​ງານ​ເພື່ອ​ຄວາມ ປອດ​ໄພ​ດ້ານ​ໄຊ​ເບີ ໃນ​ອາ​ຊຽນ.

ທີ່ ແອັດ​ສະ​ປາຍ: (ສະ​ເປນ) ມີ​ຂ່າວ​ສີ​ແປກໆ ອອກ​ມາ​ຈາກ​ປະ­ເທດ​ແອັດ​ສະ​ປາຍ ຫຼື ສະ​ເປນ  ກ່ຽວ​ກັບ​ມາດ​ຕະ­ການ​ຫຼຸດ​ນ້ຳ­ໜັກ​ຂອງ​ທະ­ຫານ​ໜ່ວຍ​ປະ­ຈັນ­ບານ​ຂອງ​ກອງ­ທັບ​ຂອງ​ປະ­ເທດ​ນີ້ ຂ່າວ​ບອກ​ວ່າ: ແຜນ​ຫຼຸດ​ນ້ຳ­ໜັກ ຫຼື ຄວາມ​ຕຸ້ຍ ຂອງ​ທະ­ຫານ​ຄັ້ງ​ນີ້​ແມ່ນ​ເພື່ອ​ຮັກ­ສາ​ຊື່​ສຽງ ແລະ ຄວາມ​ຍິ່ງ​ໃຫຍ່​ຂອງ​ກົມ​ກອງ​ປະ­ຕິ​ການ​ສາຍ­ຟ້າແລບ ພາຍ​ໃຕ້​ມາດ​ຕະ­ການ​ດັ່ງ­ກ່າວ ມີ​ທະ­ຫານ ຈຳ­ນວນ​ກວ່າ 3.000 ຄົນ ໄດ້​ຜ່ານ​ການ​ກວດ ເພື່ອ​ວັດ​ຄວາມ​ຕຸ້ຍ ຜົນ​ອອກ​ມາ​ປາ­ກົດ​ວ່າ ມີ​ທະ ຫານ​ຈຳ­ນວນ 180 ຄົນ ສອບ​ຕົກ ເພາະ​ມີ​ດັດ​ສະ ນີ​ມວນ​ສານ​ຮ່າງ­ກາຍ (BMI) ເກີນ​ອັດ­ຕາ 30 ເຊິ່ງ​ຕົວ​ເລກ​ຈຳ­ກັດ​ຄວາມ​ຕຸ້ຍ ເພື່ອ​ຂ້າ​ພະ­ຍາດ ຕຸ້ຍ​ກູ້​ເອົາ​ຄົນ ທະ­ຫານ 180 ຄົນ​ຕ້ອງ​ໄດ້​ເຂົ້າ​ຫຼັກ ສູດ​ເຝິກ­ຊ້ອມ​ຢ່າງ​ໜັກ ເພື່ອ​ຫຼຸດ​ຄວາມ​ຕຸ້ຍ​ໃຫ້​ໄດ້  ຕາມ​ກຳ­ນົດ​ເວ­ລາ ບໍ່​ຊັ້ນ​ກໍ່​ມີ​ສິດ​ຖືກ​ປົດ​ປະ­ຈຳ ການ ເພາະ​ສະ­ພາບ​ຕຸ້ຍ​ອຸ້ຍ​ລຸ້ຍ​ຈະ​ເຮັດ​ໃຫ້​ກົມ ກອງ​ເສຍ­ຊື່​ໃນ​ຖາ­ນະ​ເປັນ​ໜ່ວຍ “ປະ­ຕິ­ບັດ​ການ ໄວ” ຫຼັກ­ສູດ​ຫຼຸດ​ນ້ຳ­ໜັກ​ຕົວ​ນັ້ນ ປະ­ກອບ​ດ້ວຍ ການ​ຄວບ​ຄຸມ​ເລື່ອງ​ອາ­ຫານ ການ​ຫຼິ້ນ​ກີ­ລາ ການ ກວດ​ສອບ​ດ້ານ​ການ​ແພດ ແລະ ຫຼັກ­ການ​ດ້ານ ຈິດ­ຕະ­ສາດ​ຄວບ​ຄູ່​ກັນ​ໄປ.

ທີ່ ສ ເກົາ­ຫຼີ: ອັນ​ນີ້​ກໍ່​ເປັນ​ເລື່ອງ​ທະ­ຫານ​ເຊັ່ນ ກັນ ແຕ່​ເປັນ​ຂ່າວ​ດີ​ກວ່າ ຄື: ນັບ​ແຕ່​ວັນ​ທີ 17 ມັງ­ກອນ​ປີ​ນີ້​ເປັນ­ຕົ້ນ​ມາ ທະ­ຫານ​ພັນ­ທະ​ໃນ​ກອງ ທັບ ສ ເກົາ­ຫຼີ ໄດ້​ເງິນ­ເດືອນ​ເພີ່ມ​ຂຶ້ນ​ເກືອບ​ສອງ ເທົ່າ​ຕົວ ຈາກ 163.000 ວອນ ເປັນ 306.100 ວອນ​ຕໍ່​ເດືອນ (1 ໂດ​ລາ​ສະ­ຫະ­ລັດ ແລກ​ໄດ້​ເກືອບ 1.200 ວອນ) ແນວ­ໃດ​ກໍ່​ດີ ອັດ­ຕາ​ເງິນ­ເດືອນ​ທີ່ ເພີ່ມ​ຂຶ້ນ​ນີ້​ຍັງ​ຕ່ຳ​ກວ່າ​ລະ­ດັບ​ເງິນ­ເດືອນ​ຂັ້ນ​ຕ່ຳ ຂອງ​ປະ­ເທດ ເງິນ­ເດືອນ​ຂັ້ນ​ຕ່ຳ​ຂອງ ສ ເກົາ­ຫຼີ ນັ້ນ​ແມ່ນ 7.530 ວອນ​ຕໍ່ 1 ຊົ່ວ­ໂມງ​ເຮັດ​ວຽກ ທ່ານ​ປະ­ທາ­ນາ­ທິ­ບໍ­ດີ​ຫົວ​ໃໝ່​ໄຟ​ແຮງ​ຊື່ ມູນ​ແຈ​ອິນ ຄົນ​ປັດ­ຈຸ­ບັນ​ໄດ້​ຮັບ­ປາກ​ວ່າ ພາຍ​ໃນ​ປີ 2022 ຈະ​ເຮັດ​ໃຫ້​ເງິນ­ເດືອນ​ທະ­ຫານ​ພັນ­ທະ​ເພີ່ມ​ຂຶ້ນ​ໃນ​ລະ­ດັບ​ເຄິ່ງ​ໜຶ່ງ​ຂອງ​ເງິນ­ເດືອນ​ຂັ້ນ​ຕ່ຳ​ຂອງ ປະ­ເທດ ສ່ວນ​ເງິນ­ເດືອນ​ຂອງ​ລັດ­ຖະ­ກອນ​ນັ້ນ ເພີ່ມ​ຂຶ້ນ​ສະ­ເລ່ຍ​ປີ​ລະ 2,6% ທະ­ຫານ​ພັນ­ທະ ສ ເກົາ­ຫຼີ ເຊິ່ງ​ສ່ວນ​ຫຼາຍ​ມີ​ອາ­ຍຸ​ແຕ່ 20 ປີ​ຂຶ້ນ​ໄປ​ນັ້ນ ກວມ​ເອົາ​ອັດ­ຕາ​ສູງ​ທີ່​ສຸດ​ໃນ​ກຳ­ລັງ​ພົນ​ປະ­ຈຳ ການ​ທັງ​ໝົດ 690.000 ຄົນ ຜູ້​ຊາຍ​ເກົາ­ຫຼີ​ອາ­ຍຸ ແຕ່ 18-35 ປີ ທີ່​ມີ​ຮ່າງ­ກາຍ​ຄົບ 32 ປະ­ການ ແລະ ມີ​ສຸ­ຂະ­ພາບ​ດີ ຕ້ອງ​ໄດ້​ເຮັດ​ໜ້າ­ທີ່​ທະ­ຫານ ພັນ­ທະ​ຢ່າງ​ໜ້ອຍ 2 ປີ.

ທີ່ ສິງ­ກະ­ໂປ: ມີ​ຂ່າວ​ຈາກ​ສິງ­ກະ­ໂປ​ແຕ່​ເດືອນ ສິງ­ຫາ ປີ­ຜ່ານ­ມາ​ວ່າ ທາງ​ການ​ຂອງ​ປະ­ເທດ​ນີ້ ໄດ້​ເອົາ​ຈິງ​ເອົາ​ຈັງ​ກັບ​ມາດ​ຕະ­ການ​ຮັບ­ປະ­ກັນ ຄວາມ​ໝັ້ນ­ຄົງ​ປອດ​ໄພ​ຂອງ​ລະ­ບົບ​ໄຊ​ເບີ (ເຄືອ ຄ່າຍ​ອິນ​ເຕີ​ເນັດ) ໃນ​ອາ​ຊຽນ ໂດຍ​ມີ​ແຜນ​ຈັດ ສັນ​ງົບ­ປະ­ມານ ຈຳ­ນວນ 1,5 ລ້ານ​ໂດ​ລາ​ສິງ​ກະ ໂປ ພາຍ​ໃນ 3 ປີ ເພື່ອ​ສົ່ງ­ເສີມ​ຂີດ​ຄວາມ​ສາ  ມາດ​ດ້ານ​ເຕັກ​ໂນ​ໂລ​ຊີ​ໃນ​ການ​ຮັບ​ມື​ກັບ​ຄວາມ ສ່ຽງ​ດ້ານ​ໄຊ​ເບີ​ຂອງ​ໜ່ວຍ​ງານ​ຕອບ​ສະ­ໜອງ ແລະ ຜູ້​ຮັບ­ຜິດ­ຊອບ​ໜ່ວຍ​ງານ​ຄວາມ​ໝັ້ນ­ຄົງ ປອດ​ໄພ​ຂອງ​ລະ­ບົບ​ຄອມ​ພິວ​ເຕີ​ໃນ​ພາກ​ພື້ນ​ອາ ຊຽນ ທ່ານ ຈາ​ຄອບ ອິບ​ຣາ​ຮິມ ລັດ­ຖະ­ມົນ­ຕີ​ກະ ຊວງ​ສື່­ສານ ແລະ ເຕັກ​ໂນ​ໂລ​ຊີ ຂໍ້​ມູນ​ຂ່າວ­ສານ ໄດ້​ບອກ​ວ່າ: ສິງ­ກະ­ໂປ​ຖື​ສຳ­ຄັນ​ການ​ຮ່ວມ​ມື​ກັບ ພາກ​ອຸດ­ສາ­ຫະ­ກຳ ເພື່ອ​ຈັດ​ໂຄງ­ການ​ເຝິກ­ອົບ­ຮົມ ດ້ານ​ການ​ຮັກ­ສາ​ຄວາມ​ໝັ້ນ­ຄົງ​ປອດ​ໄພ​ຂອງ​ລະບົບ​ໄຊ​ເບີ ໃຫ້​ນັກ­ວິ­ຊາ­ການ​ຈາກ​ບັນ­ດາ​ປະ­ເທດ ສະ­ມາ­ຊິກ​ອາ​ຊຽນ ທ່ານ​ລັດ​ຖະ​ມັນ​ຕີ​ເຊື່ອ​ວ່າ ການ​ຮ່ວມ​ມື​ລະ­ຫວ່າງ​ບັນ­ດາ​ປະ­ເທດ​ອາ​ຊຽນ​ຈະ​ເຮັດ​ໃຫ້​ຄວາມ​ໝັ້ນ­ຄົງ​ທາງ​ດ້ານ​ນີ້​ໄດ້​ຮັບ​ການ​ພັດ­ທະ­ນາ​ແບບ​ຍືນ​ຍົງ​ໃນ​ອີກ 50 ປີ​ຕໍ່­ໜ້າ.

ຂ່າວທີ່ກ່ຽວຂ້ອງ