ອັງກິດ ແຕ່ງຕັ້ງ​ລັດຖະມົນຕີ​ການ​ຕ່າງປະເທດ​ຄົນ​ໃໝ່

210 11 ກ.ກ. 2018 ຂ່າວຕ່າງປະເທດ
ອັງກິດ ແຕ່ງຕັ້ງ​ລັດຖະມົນຕີ​ການ​ຕ່າງປະເທດ​ຄົນ​ໃໝ່

     ວັນ​ທີ 9 ກໍລະກົດ​ນີ້ ນາຍົກລັດຖະມົນຕີ​ອັງກິດ ເຕ​ເຣ​ຊາ ເມ ໄດ້​ແຕ່ງຕັ້ງ​ທ່ານ ເຈ​ເຣ​ມີ ຮັນ (Jeremy Hunt) ເປັນ​ລັດຖະມົນຕີ​ການ​ຕ່າງປະເທດ​ຄົນ​ໃໝ່ ແທນ​ທີ່​ທ່ານ ໂບ​ຣິ​​ສ ຈອນ​ສັນ ຜູ້​ຊຶ່ງ​ຫາ ກໍ​ລາ​ອອກ​ຈາກ​ຕຳແໜ່ງ​ໄປ ຫຼັງ​ຈາກ​ທີ່​ໄດ້​ຖົກ​ຖຽງ​ກັບ​ນາຍົກລັດຖະມົນຕີ ເມ ໃນ​ເລື່ອງ​ທີ່​ພົວພັນ​ເຖິງ ບັນຫາ​ອັງກິດ ຖອນ​ອອກ​ໄປ​ຈາກ​ສະຫະພາບ​ເອີ​ຣົບ (EU) ຫຼື​ທີ່​ເອີ້ນ​ວ່າ Brexit.

    ກ່ອນ​ທີ່​ຈະ​ໄດ້​ຮັບ​ການ​ແຕ່ງຕັ້ງ ເປັນ​ລັດຖະມົນຕີ​ການ​ຕ່າງປະເທດ​ນັ້ນ ທ່ານ ຮັນ ດຳລົງ​ຕຳແໜ່ງ​ລັດຖະມົນຕີ ສາທາລະນະ​ສຸກ ມາ​ຕັ້ງແຕ່​ປີ 2012.

    ກ່ອນ​ໜ້າ​ນັ້ນ ໃນ​ວັນ​ດຽວ​ກັນ ນາຍົກລັດຖະມົນຕີ ເມ ກ່າວ​ຕໍ່​ສະພາ​ແຫ່ງ​ຊາດ​ອັງກິດ​ວ່າ EU ຄວນ​ມີ​ວິທີ​ເຂົ້າ​ຫາ​ຢ່າງ​ສ້າງສັນ ສຳລັບ​ແຜນການ Brexit ຂອງ​ນາງ ຖ້າ​ບໍ່​ດັ່ງນັ້ນ ອັງກິດ​ຈະ​ອອກ ໄປ​ຈາກ EUໂດຍ​ທີ່​ບໍ່​ມີ​ຂໍ້​ຕົກລົງ​ໃດໆ​ລະຫວ່າງ​ສອງ​ຝ່າຍ.

    ຂ່າວສານ​ຣອຍ​ເຕີ ລາຍ​ງານ​ວ່າ ທ່ານ​ຈອນ​ສັນ ກາຍເປັນ​ລັດຖະມົນຕີ​ຄົນທີ 3 ທີ່​ອອກ​ໄປ​ຈາກ​ຄະນະ​ລັດຖະບານ​ອັງກິດ ພາຍ​ໃນ​ຮອບ​ເວລາ 24 ຊົ່ວໂມງ.

 

ຂ່າວທີ່ກ່ຽວຂ້ອງ