ຂ່າວຫຼ້າສຸດ

ຈີນ ຍົກເລີກ​ຄຳ​ສັ່ງ​ຫ້າມ​ນຳ​ເຂົ້າ​ຊີ້ນ​ສັດ​ປີກ​ຈາກ​ເຢຍ​ລະ​ມັນ

217 11 ກ.ກ. 2018 ຂ່າວຕ່າງປະເທດ
ຈີນ ຍົກເລີກ​ຄຳ​ສັ່ງ​ຫ້າມ​ນຳ​ເຂົ້າ​ຊີ້ນ​ສັດ​ປີກ​ຈາກ​ເຢຍ​ລະ​ມັນ

     ລັດຖະມົນຕີ​ກະສິກຳ​ເຢຍ​ລະ​ມັນ ຈູ​ເລຍ ຄະ​ໂລ​ເອັກ​ເນີ ແຈ້ງ​ໃຫ້​ຮູ້ເມື່ອ​ວັນ​ທີ 9 ກໍລະກົດ​ນີ້​ວ່າ ຈີນ​ໄດ້​ເຫັນ​ດີ​ຍົກເລີກ​ຄຳ​ສັ່ງ​ຫ້າມ​ນຳ​ເຂົ້າ​ຊີ້ນ​ສັດ​ປີກ​ຈາກ​ເຢຍ​ລະ​ມັນ​ແລ້ວ.

    ໃນ​ຖະແຫຼງການ​ທີ່​ມີ​ອອກ​ມາ ຫຼັງ​ຈາກ​ທີ່​ໄດ້​ພົບ​ປະ​ກັບ​ຄູ່​ຮ່ວມ​ຕຳແໜ່ງ​ຈາກ​ຈີນ ຊຶ່ງ​ມີ​ຂຶ້ນ ຢູ​​່​ທີ່​ນະຄອນຫຼວງ​ແບກ​ແລງ ນັ້ນ​ນາງ ຈູ​ເລຍ ຄະ​ໂລ​ເອັກ​ເນີ ໃຫ້​ຮູ້​ວ່າ ຝ່າຍ​ຈີນ​ໄດ້​ເຫັນ​ດີ​ວ່າ ບໍ່​ມີ​ເຫດຜົນ​ໃດ​ອີກ​ແລ້ວ​ເພື່ອ​ກັງວົນ​ໃນ​ເລື່ອງ​ຄຸນ​ນະ​ພາບ​ຂອງ​ຊີ້ນ​ສັດ​ປີກ​ຂອງ​ເຢຍ​ລະ​ມັນ.

    ກ່ອນ​ໜ້າ​ນັ້ນ ຈີນ​ໄດ້​ງົດ​ການ​ນຳ​ເຂົ້າ​ຊີ້ນ​ສັດ​ປີກ​ຂອງ​ເຢຍ​ລະ​ມັນ ຫຼັງ​ຈາກ​ເກີດ​ການ​ລະບາດ ໄຂ້​ຫວັດ​ສັດ​ປີກ​ຢູ່​ໃນ​ປະເທດ​ນີ້.

 

ຂ່າວທີ່ກ່ຽວຂ້ອງ